完整藏文原文 · 德格版页 当前仅加载第 35 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ནི་ནམ་ཡང་མི་ལྡོག་པར། །སངས་རྒྱས་སྤྱོད་པ་ཡོངས་སུ་མི་གཏོང་བར། །དེ་དག་ལས་ནི་འདི་འདྲར་འགྱུར་བར་འོང་། །གང་རྣམས་གང་དུའང་འཇུག་པ་ཡོངས་མེད་ཅིང་། །སངས་རྒྱས་ཡོན་ཏན་རྣམས་ལས་མི་ལྡོག་པ། །
D44.035.0197a01.01ཤིན་ཏུ་བརྟན་པ་བློ་གདུང་མེད་པ་རྣམས། །དེ་དག་ལས་ནི་འདི་འདྲར་འགྱུར་བར་འོང་། །གང་རྣམས་འགྲོ་ཞིང་འདུག་དང་འཆག་པའི་ཚེ། །ཉིན་མཚན་རྒྱུན་ཏུ་རྗེས་སུ་སེམས་བྱེད་ཅིང་། །སངས་རྒྱས་བདག་ཉིད་ཆེ་ལ་སེམས་སྤེལ་བ། །དེ་དག་ལས་ནི་འདི་འདྲར་འགྱུར་
D44.035.0197a02.01བར་འོང་། །དུས་གསུམ་ཐམས་ཅད་རབ་ཏུ་གཞལ་བྱས་ཀྱང་། །གང་གི་སེམས་ནི་ཞུམ་པར་མི་འགྱུར་ཞིང་། །སངས་རྒྱས་ཡོན་ཏན་རྗེས་སུ་སློབ་མོས་པ། །དེ་དག་ལས་ནི་འདི་འདྲར་འགྱུར་བར་འོང་། །བདག་གི་རང་བཞིན་ཡོངས་སུ་གཞལ་བྱས་ཤིང་། །ཐམས་
D44.035.0197a03.01ཅད་མ་ལུས་ཞི་བར་བྱེད་པ་དང་། །བདག་དང་བདག་མེད་འདོད་ཆགས་བྲལ་བའི་སེམས། །དེ་དག་ལས་ནི་འདི་འདྲར་འགྱུར་བར་འོང་། །གཞན་གྱི་བསམ་པ་ཡོངས་སུ་གཞལ་བྱས་ཤིང་། །རྟོག་དང་རྣམ་རྟོག་ཐམས་ཅད་རབ་སྤངས་ཏེ། །སྤྱོད་པ་འདི་འདྲ་དག་དང་
D44.035.0197a04.01ལྡན་གྱུར་པ། །དེ་དག་ལས་ནི་འདི་འདྲར་འགྱུར་བར་འོང་། །གང་རྣམས་བསམ་གྱིས་མི་ཁྱབ་ཞིང་འཇལ་ཞིང་། །སེམས་ཅན་རྒྱ་མཚོ་ཡིད་ཀྱིས་འཐུང་བྱེད་དེ། །བློ་ཆེ་རྫུ་འཕྲུལ་སྟོབས་དང་ལྡན་གྱུར་པ། །དེ་དག་ལས་ནི་འདི་འདྲར་འགྱུར་བར་འོང་། །གང་གིས་ཞིང་
D44.035.0197a05.01རྣམས་རྣམ་པར་བསམས་པས་ན། །གཟུགས་དང་གཟུགས་མེད་འདུ་ཤེས་ཡོད་མེད་པ། །ཐམས་ཅད་གྲངས་སུ་ཉེ་བར་འགྲོ་བ་ནི། །དེ་དག་ལས་ནི་འདི་འདྲར་འགྱུར་བར་འོང་། །གང་རྣམས་ཞིང་ནི་རྡུལ་དུ་གཞིག་བྱས་ཤིང་། །ཐམས་ཅད་ཕྱོགས་སུ་བཀང་ཞིང་
D44.035.0197a06.01བགྲང་བྱས་ཏེ། །དེ་དག་ནང་དུ་རྒྱལ་བ་འཛུད་བྱེད་པ། །དེ་དག་ལས་ནི་འདི་འདྲར་འགྱུར་བར་འོང་། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་དེ་དག་འདས་ནས་ཤར་ཕྱོགས་སུ་འཇིག་རྟེན་གྱི་ཁམས་སྟོང་ཕྲག་བརྒྱ་སྣང་བར་བྱས་པ་ནས། སྟེང་གི་ཕྱོགས་ཀྱི་
D44.035.0197a07.01