完整藏文原文 · 德格版页 当前仅加载第 35 函德格 327b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་མངོན་པར་བྱུང་ངོ་། །ལྷ་རྫས་ཀྱི་སྣང་བ་ཡང་རབ་ཏུ་བྱུང་ངོ་། །ལྷ་རྫས་ཀྱི་སྒྲ་ཡང་རབ་ཏུ་བྱུང་ངོ་། །གླིང་བཞི་པ་འདིའི་ལྷའི་དབང་པོ་རབ་མཚེ་མའི་གནས་ན། ཇི་ལྟ་བ་དེ་བཞིན་དུ་ཕྱོགས་བཅུ་ཐམས་ཅད་ཀྱང་རྒྱས་པར་བྱས་ཏེ། ཐམས་ཅད་ན་ཡང་
D44.035.0327b01.01སངས་རྒྱས་ཀྱི་མཐུས་ཆོས་འདི་ཉིད་བསྟན་པར་སྣང་ངོ་། །ཕྱོགས་བཅུའི་འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྒྱ་སྟོང་གི་རྡུལ་ཤིན་ཏུ་ཕྲ་བ་སྙེད་འདས་པའི་ཕ་རོལ་ནས། བྱང་ཆུབ་སེམས་དཔའ་སངས་རྒྱས་ཀྱི་ཞིང་བརྒྱ་སྟོང་གི་རྡུལ་ཤིན་ཏུ་ཕྲ་བ་སྙེད་
D44.035.0327b02.01འོངས་ཏེ། ཕྱོགས་བཅུ་རྒྱས་པར་བྱས་ནས་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས། དེ་ལྟར་ཁྱོད་བྱང་ཆུབ་སེམས་དཔའ་རྣམས་ཀྱི་སྤྱོད་པའི་ཆོས་ཉིད་འདི་སྟོན་པ་ལེགས་སོ་ལེགས་སོ། །ཀྱེ་རྒྱལ་བའི་སྲས། བདག་ཅག་ཀུན་ཀྱང་མིང་ཡོན་
D44.035.0327b03.01ཏན་དང་ལྡན་པ་ཞེས་བྱ་བ་དག་སྟེ། དེ་བཞིན་གཤེགས་པའི་མཚན་ཀུན་ཏུ་ཡོན་ཏན་ཞེས་བྱ་བ་དག་གི་དྲུང་ནས་འཇིག་རྟེན་གྱི་ཁམས་ཡོན་ཏན་གྱི་རྒྱལ་མཚན་ཞེས་བྱ་བ་དག་ནས་ཕྱིན་ཏེ། ཐམས་ཅད་ནའང་སངས་རྒྱས་ཀྱི་མཐུས་འཁོར་འདི་འདྲ་བ་དག་ན་ཚིག་
D44.035.0327b04.01འདི་དག་དང་། ཡི་གེ་འདི་དག་དང་། བསྟན་པ་འདི་དག་དང་། དོན་འདི་ཉིད་བརྗོད་པས་ལྷག་ཆད་མེད་པར་ཆོས་བསྟན་པ་འདི་སྟོན་ཏོ། །ཀྱེ་རྒྱལ་བའི་སྲས་དེ་ལྟར་བདག་ཅག་ཐམས་ཅད་ཀྱང་སངས་རྒྱས་ཀྱི་བྱིན་གྱི་རླབས་ཀྱིས་འཁོར་འདིར་ཕྱིན་ཏེ་ཇི་ལྟར་འཁོར་འདིར་
D44.035.0327b05.01བདག་ཅག་ཕྱིན་པ་དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་གླིང་གཞི་པའི་འཇིག་རྟེན་གྱི་ཁམས་ཐམས་ཅད་ཀྱི་རབ་མཚེ་མའི་གནས་ལྷའི་རྒྱལ་པོ་རབ་མཚེ་མའི་ཁང་པ་ནོར་བུ་སྣ་ཚོགས་ཞེས་བྱ་བ་ཀུན་ཏུ་ཡང་། བྱང་ཆུབ་སེམས་དཔའ་
D44.035.0327b06.01སངས་རྒྱས་ཀྱི་ཞིང་བརྒྱ་སྟོང་གི་རྡུལ་ཤིན་ཏུ་ཕྲ་བ་སྙེད་ཕྱིན་པར་གྱུར་ཏོ།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་ཉི་ཤུ་བདུན་པ། །དེ་ནས་བྱང་ཆུབ་སེམས་དཔའ་ཡོན་ཏན་དང་ལྡན་པས་ཕྱོགས་
D44.035.0327b07.01