完整藏文原文 · 德格版页 当前仅加载第 35 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལ་ཕྱོགས་ནང་གྲུ་བཞིར་གནས། །ནོར་བུ་པདྨོ་འཁོར་ལོའི་ཡན་ལག་བརྒྱད། །ཀུན་ཀྱང་ལས་རྣམས་རྒྱ་མཚོས་རྣམ་པར་བྲིས། །རྡུལ་མེད་འོད་ཀྱི་དབྱིབས་དང་ཚུལ་འཛིན་ཅིང་། །གསེར་ལས་གྲུབ་པ་རྣམ་ཕྱེ་སྣ་ཚོགས་ཏེ། །སྒོ་མང་མཐའ་ཡས་པ་ནས་
D44.035.0094b01.01རྒྱུ་ཞིང་འཇུག །ལས་རྣམས་རྒྱ་མཚོ་བསམ་པ་དག་པས་གནས། །ཞིང་རྣམས་རྒྱ་མཚོ་སྣ་ཚོགས་སྙིང་པོ་ཅན། །ནམ་མཁའ་འདི་ལ་ཇི་ལྟར་སྤྲིན་གནས་བཞིན། །དེ་དག་རིན་ཆེན་མང་ཞིང་རྣམ་པར་ཕྱེ། །དེ་དག་ཀུན་ན་སངས་རྒྱས་རྣམ་པར་
D44.035.0094b02.01མཛེས། །ཞིང་རྣམས་འདི་ཀུན་སེམས་ཀྱིས་རྣམ་པར་བརྟགས། །སྣ་ཚོགས་རྒྱན་དང་སྣང་བས་ཀུན་ནས་གནས། །རྣམ་པར་འཕྲུལ་པ་གཞན་དང་གཞན་དག་གིས། །ཞིང་རྣམས་རྒྱ་མཚོ་སངས་རྒྱས་སྟོན་པ་མཛད། །བདེ་དང་སྡུག་བསྔལ་མྱོང་བར་
D44.035.0094b03.01གྱུར་པ་ནི། །རྣམ་པར་དག་དང་ཉོན་མོངས་ཚུལ་བཞིན་ཏེ། །ཆོས་ཉིད་འདི་ནི་རྟག་ཏུ་ཡོད་པ་ཡིན། །དེ་ལྟར་ལས་རྣམས་རྒྱ་མཚོ་བསམ་མི་ཁྱབ། །སྐྲ་གཅིག་རྩེ་ལ་བསམ་གྱིས་མི་ཁྱབ་ཅིང་། །ཐམས་ཅད་རྡུལ་མེད་སྣ་ཚོགས་དབྱིབས་སུ་གནས། །
D44.035.0094b04.01ཀུན་ནས་སངས་རྒྱས་རྣམ་པར་སྣང་མཛད་བཞུགས། །འཁོར་རྣམས་རྒྱ་མཚོར་ཆོས་རྣམས་རབ་ཏུ་སྟོན། །རྡུལ་གཅིག་རྩེ་ལ་ཕྲ་དང་ཡངས་པའི་རྣམས། །ཐམས་ཅད་རྡུལ་སྙེད་ཁ་དོག་ཀུན་དང་ལྡན། །ཁ་དོག་དབྱིབས་རྣམས་ཀུན་ཀྱང་རྣམ་པར་
D44.035.0094b05.01བརྟགས། །དེ་དག་ཀུན་ན་རྒྱལ་བའི་འཁོར་ལོ་འཁོར། །རྡུལ་རྣམས་ཀུན་ལ་རབ་ཏུ་ཞིང་བསྟན་པ། །དེ་དག་སྨོན་ལམ་རྣམ་པར་འཕྲུལ་པ་ཡིན། །ནམ་མཁའི་དབྱིངས་སུ་ལས་ཀྱིས་སྤྲུལ་པ་ནི། །སྣ་ཚོགས་སེམས་དང་བསམ་པས་རྣམ་པར་བརྟགས།
D44.035.0094b06.01སེམས་ཅན་ཀུན་མཉམ་རྡུལ་རྣམས་ཐམས་ཅད་ལ། །སངས་རྒྱས་རྣམ་པར་འཕྲུལ་པ་སྤྲུལ་པ་དག །རྣམ་པར་སྣང་མཛད་ཆོས་ཉིད་དེ་ཡིན་ཏེ། །རྡུལ་ཕྲན་ཀུན་ལ་ཞིང་རྣམས་ཤིན་ཏུ་གནས། །ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་
D44.035.0094b07.01