完整藏文原文 · 德格版页 当前仅加载第 35 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
གཏན་མངོན་པར་ཤེས་པས་རྣམ་པར་འཕྲུལ། །འཇིག་རྟེན་ཡོངས་འདས་བླ་ན་མེད་པ་ཡི། །བསམ་གཏན་རྣམ་ཐར་གནས་པ་ཅིར་མི་འཕྲུལ། །དབང་ཕྱུག་ཆེན་པོའི་ཡེ་ཤེས་རྣམ་འཕྲུལ་ལྟོས། །རྒྱ་མཚོར་སྤྲིན་གྱི་ཆར་རྣམས་རབ་བཀྱེ་
D44.035.0236a01.01བ། །སྐད་ཅིག་གཅིག་གིས་ཐམས་ཅད་འགྲང་བ་བྱེད། །ཐིགས་འགའི་ཟེར་ཀྱང་མ་ལུས་ངེས་ཤེས་ན། །བསྐལ་པ་བསམ་གྱིས་{མྱི་,མི་}ཁྱབ་ཚུལ་བསླབས་ཏེ། །སངས་རྒྱས་ཡེ་ཤེས་བླ་ན་མེད་ཐོབ་རྣམས། །ཇི་རོབ་འགྲོ་བ་མ་ལུས་ཐམས་ཅད་ཀྱི། །སྐད་ཅིག་གཅིག་ལ་སེམས་བསམ་
D44.035.0236a02.01ཤེས་མི་འགྱུར། །སེམས་ཅན་ལས་སྨིན་བསམ་གྱིས་{མྱི་,མི་}ཁྱབ་པས། །རླུང་ལས་འཇིག་རྟེན་ཐམས་ཅད་ཡོངས་སུ་བྱུང་། །རྒྱ་མཚོ་རི་དང་ལྷ་ཡི་གཞལ་མེད་དང་། །ས་བོན་རྣམས་མང་ཀུན་ཀྱང་དེ་ལས་བྱུང་། །རླུང་ལས་སྤྲིན་བྱུང་ཆར་པ་ཀུན་ཏུ་འབབ། །སྤྲིན་མང་ཞི་བར་
D44.035.0236a03.01འགྱུར་བའང་རླུང་གིས་འགྱུར། །ལོ་ཏོག་རྣམ་པར་འཕེལ་བའང་རླུང་གིས་ཏེ། །འཇིག་རྟེན་ཀུན་ལ་རླུང་ནི་བདེ་བ་སྐྱེད། །དེ་ནི་ཕ་རོལ་ཕྱིན་ལ་མ་བསླབས་ཏེ། །སངས་རྒྱས་ཡོན་ཏན་རླུང་གིས་བསླབས་མིན་ནའང་། །འཇིག་རྟེན་རྣམ་གྲུབ་བསམ་ཡས་སྟོན་བྱེད་ན། །
D44.035.0236a04.01རང་ཉམས་ཐོབ་པ་ཇི་རོབ་སྟོན་མི་བྱེད། །རྒྱ་མཚོའི་འབྲུག་སྒྲའི་སྤྲིན་གྱི་ཆུ་ཚོགས་ནི། །བྱ་སྐད་རྣམས་དང་ཇི་སྙེད་{རི་དགས་,རི་དྭགས་}སྐད། །ཁྱེའུ་དང་བུ་མོ་བུད་མེད་སྐྱེས་པའི་སྐད། །ཐམས་ཅད་སྐད་བཞིན་འགྲོ་ལ་རྣམ་པར་སྒྲོག །དེ་བཞིན་སྒྲ་བརྙན་རང་བཞིན་སྒྲ་ཤེས་
D44.035.0236a05.01ནས། །བསྒྲིབས་པ་མེད་པའི་སྤོབས་པ་རབ་ལྡན་པས། །འགྲོ་བ་ཀུན་ཏུ་སྒྲ་བརྙན་བརྗོད་བྱས་ཤིང་། །འཇིག་རྟེན་ཐམས་ཅད་ཡིད་འོང་སྒྲས་ཚིམ་བྱེད། །རྒྱ་མཚོ་འདི་ལ་ངོ་མཚར་རྨད་ཀྱི་ཆོས། །འགྲོ་བ་ཐམས་ཅད་རྒྱ་དང་མཉམ་སྣང་ཞིང་། །ཆུ་དང་འབྱུང་པོ་རིན་ཆེན་ཡོངས་མི་
D44.035.0236a06.01ཟད། །ཆུ་རྣམས་བཟུང་བས་ཡོངས་སུ་ངོམས་པ་མེད། །དེ་བཞིན་དེ་དག་འགྲོ་ཀུན་རྒྱར་སྩལ་ཏེ། །བསོད་ནམས་བསམ་གཏན་རྣམ་ཐར་ཟད་མི་ཤེས། །ཤེས་རབ་ཡེ་ཤེས་ཡོན་ཏན་དེ་བཞིན་ཀུན། །བསོད་ནམས་ཡོན་ཏན་ཚོགས་ཀྱིས་ངོམས་པ་མེད། །རྒྱ་མཚོའི་ཀླུ་ནི་རྣམ་
D44.035.0236a07.01