完整藏文原文 · 德格版页 当前仅加载第 35 函德格 328a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུར་བལྟས་ཏེ། འཁོར་ཡོད་པ་ཐམས་ཅད་ལ་རྣམ་པར་བལྟས་ནས། ཆོས་ཀྱི་དབྱིངས་ལ་རྣམ་པར་བལྟ་ཞིང་། དེ་བཞིན་གཤེགས་པའི་རིགས་ཡང་དག་པར་གཟུང་བ་དང་། བྱང་ཆུབ་སེམས་དཔའི་རིགས་ཡོངས་སུ་སྤྱོད་པ་
D44.035.0328a01.01དང་། སྨོན་ལམ་གྱི་རིགས་ཕྱིར་མི་ལྡོག་པར་བྱ་བ་དང་། སྤྱོད་པའི་རིགས་རྒྱུན་ཏུ་བསབ་པ་དང་། དུས་གསུམ་གྱི་རྒྱུད་མཉམ་པར་བྱ་བ་དང་། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་ཀྱི་རིགས་ཡང་དག་པར་གཟུང་
D44.035.0328a02.01བ་དང་། དགེ་བའི་རྩ་བ་ཇི་ལྟར་བསྐྱེད་པའི་རྒྱུད་བརྗོད་པ་དང་། དུས་དང་ཇི་ལྟར་འབྱོར་པའི་ཡན་ལག་དང་དབང་པོ་དང་། བསམ་པ་དང་མོས་པ་དང་། ཉོན་མོངས་པ་དང་། བག་ཆགས་དང་། སེམས་དང་སྤྱོད་པ་དང་། རྣམ་པར་གཡོས་པའི་
D44.035.0328a03.01རྒྱུད་ཐམས་ཅད་ཡོངས་སུ་བརྟག་པ་དང་། སངས་རྒྱས་དང་བྱང་ཆུབ་སེམས་དཔའི་རིགས་ཐམས་ཅད་སྣང་བར་བྱེད་ཅིང་། སངས་རྒྱས་ཀྱི་བྱིན་གྱི་རླབས་ཀྱིས། དེའི་ཚེ་ཚིགས་སུ་བཅད་དེ་སྨྲས་པ། །ནམ་མཁའི་ལམ་གྱི་རྒྱུད་གཤེགས་ཤིང་། །
D44.035.0328a04.01བསྒྲིབས་པ་མེད་པར་གཟིགས་པ་རྡུལ་རྣམས་སྦྱངས་གྱུར་པ། །ཀུན་ཏུ་མཐའ་ཡས་སྤྱོད་ཡུལ་ཅན། །སྟོབས་བཅུ་མངའ་བ་དེ་ལ་ཕྱག་འཚལ་ལོ། །གང་ཡང་རྒྱལ་བ་མི་ཡི་མཆོག །ཆགས་པ་མི་མངའ་ཡོན་ཏན་ཚད་མེད་མངའ་བ་སྟེ། །འདས་
D44.035.0328a05.01དུས་མཉམ་པས་མཉམ་གྱུར་པ། །རྡུལ་བསྩལ་དེ་དག་སྤྱོད་པ་འདི་ཡིན་ནོ། །ཕྱོགས་བཅུའི་འཇིག་རྟེན་ཁམས་དག་ན། །དོན་གྱི་དམ་པ་གཟིགས་པ་བརྟེན་པ་བཞུགས་པ་རྣམས། །མཐའ་ཡས་ཉེས་པ་ཀུན་བསྩལ་པ། །གནས་མེད་དེ་དག་
D44.035.0328a06.01སྤྱོད་པ་འདི་ཡིན་ནོ། །ཆོས་དབྱིངས་བསམ་གྱིས་མི་ཁྱབ་པར། །སྐྱེས་བུ་སེང་གེ་གང་རྣམས་བྱོན་པར་མ་གྱུར་པ། །ཐུགས་རྗེ་ཆེ་བསྐྱེད་རྣམ་སྤྱོད་པ། །ཕན་མཛད་དེ་དག་སྤྱོད་པ་འདི་ཡིན་ནོ། །དུས་གསུམ་གཞལ་དུ་མེད་པ་ཡི། །རང་བྱུང་
D44.035.0328a07.01