完整藏文原文 · 德格版页 当前仅加载第 35 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་དང་། ང་རྒྱལ་མེད་པས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པར་བྱེད་དོ། །ཉེས་པ་ཐམས་ཅད་ཁྱད་དུ་གསོད་པ་དང་། སེམས་ཅན་ཐམས་ཅད་ཀྱིས་མི་འཁྲུགས་པ་དང་། མཉམ་པ་ཉིད་ལ་གཞོལ་བ་དང་། མཐོན་དམན་
D44.035.0292a01.01མེད་པ་དང་། ཟད་{མྱི་,མི་}ཤེས་པའི་ས་མཉམ་པར་འཛིན་པས་བཟོད་པའི་ཕ་རོལ་ཏུ་ཕྱིན་པ་ཡོངས་སུ་དག་པར་བྱེད་དོ། །བརྩམ་པ་ཆེན་པོ་བརྩམས་པ་དང་། བརྩམ་པ་ཐམས་ཅད་ལ་ཞུམ་པ་མེད་པ་དང་། སྦྱོར་བ་ཕྱིར་མི་ལྡོག་པ་དང་། ཡིད་ལ་བྱེད་པ་ཕྱིར་མི་
D44.035.0292a02.01འགྱུར་བ་དང་། མཐུ་མཐའ་ཡས་པ་དང་། སྟོབས་ལ་ཐུབ་པ་མེད་པ་དང་། སྔོན་དུ་འདོར་བ་མི་འཕྲོགས་པ་དང་། དད་པའི་མཐུ་ཆེན་པོ་དང་། བླང་བ་དང་། དོར་བ་མེད་པའི་ཚོགས་ཐམས་ཅད་ཡོངས་སུ་རྒྱས་པར་བྱ་བ་དང་། ཐམས་ཅད་མཁྱེན་པའི་སྒོ་ཉམས་
D44.035.0292a03.01པ་མེད་པ་ལ་ཡང་དག་པར་འཇུག་པས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པར་བྱེད་དོ། །འདོད་པའི་ཡོན་ཏན་ཐམས་ཅད་ཀྱི་འདུ་འཛི་ཡོངས་སུ་སྦྱོང་བ་དང་མི་འབྲལ་བ་དང་། རིམ་གྱིས་བསམ་གཏན་དང་ཏིང་ངེ་འཛིན་མངོན་པར་བསྒྲུབ་པ་དང་།
D44.035.0292a04.01གནས་མེད་ཅིང་བླང་བ་མེད་པ་ཤིན་ཏུ་རྟོགས་པ་དང་། ཉོན་མོངས་པ་ཐམས་ཅད་རབ་ཏུ་སེལ་བ་དང་། ཏིང་ངེ་འཛིན་གྱི་སྒོ་མཐའ་ཡས་པ་མངོན་པར་བསྒྲུབ་པ་དང་། མངོན་པར་ཤེས་པ་ཆེན་པོས་རྣམ་པར་འཕྲུལ་པའི་རྗེས་སུ་འགྲོ་བ་དང་། རིམ་གྱིས་རྣམ་
D44.035.0292a05.01པར་སྤོང་བའི་ཏིང་ངེ་འཛིན་གྱི་སྒོ་ལ་རབ་ཏུ་འཇུག་པ་དང་། ཏིང་ངེ་འཛིན་གཅིག་ལ་སྒོ་མཐའ་ཡས་པར་རབ་ཏུ་འཇུག་པ་དང་། ཏིང་ངེ་འཛིན་གྱི་སྤྱོད་ཡུལ་ཐམས་ཅད་ཤེས་པ་དང་། དེའི་ཡུལ་གྱི་རྗེས་སུ་རབ་ཏུ་ཞུགས་པ་དང་། ཏིང་ངེ་འཛིན་དང་། སྙོམས་
D44.035.0292a06.01པར་འཇུག་པ་ཐམས་ཅད་ཡེ་ཤེས་ཀྱི་ཕྱག་རྒྱ་མི་འཁྲུགས་པ་ཐམས་ཅད་མཁྱེན་པའི་ས་ལ་ཉེ་བར་གྱུར་པས་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་དག་པར་བྱེད་དོ། །སངས་རྒྱས་ཀྱི་ཆོས་ཐམས་ཅད་མཉན་པ་དང་། གཟུང་བ་དང་། བླང་བ་དང་། བཅང་
D44.035.0292a07.01