完整藏文原文 · 德格版页 当前仅加载第 35 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་དག་སྨྲས་སོ། །ཆོས་དབྱིངས་མཐར་ཐུག་བདེ་བར་གཤེགས་པའི་སྐུ། །འགྲོ་བ་ཀུན་ན་མངོན་པར་རབ་ཏུ་སྣང་། །འབྱམ་ཀླས་ཐམས་ཅད་ཆོས་ཀྱིས་སེམས་ཅན་འདུལ། །ཆོས་ཀྱི་མངའ་བདག་རྒྱལ་བ་འགྲོ་ལ་སྟོན། །འཇིག་རྟེན་བདེ་བ་སྣ་ཚོགས་མ་ལུས་པ། །
D44.035.0018b01.01ཇི་སྙེད་དེ་ནང་འཕགས་པ་དེ་མཆོག་ཡིན། །ཆོས་ཉིད་ཡངས་པ་རྒྱལ་བའི་གནས་ཡིན་ཏེ། །མིག་བཟང་བདག་པོ་འདི་ལ་རྣམ་པར་ལྟ། །འཇིག་རྟེན་ཕྱོགས་རྣམས་བཀང་ཞིང་སངས་རྒྱས་ཀྱིས། །བསམ་པའི་དབྱངས་ཀྱི་ཚུལ་བཞིན་ཆོས་སྟོན་པས། །སེམས་ཅན་ཀུན་
D44.035.0018b02.01གྱི་ནེམ་ནུར་དོགས་པ་གཅོད། །ཅོད་པན་སྣ་ཚོགས་རྒྱལ་མཚན་རྣམ་ཐར་ཏོ། །རྒྱལ་བའི་གསུང་གཅིག་མ་ལུས་གསུང་བ་ནི། །བསྐལ་པ་རྒྱ་མཚོར་ཡངས་པའི་ཆོས་སྒྲོག་སྟེ། །འགྲོ་བ་བཀང་ཞིང་སངས་རྒྱས་གསུང་བརྗོད་པ། །འདི་ནི་བརྩོན་པའི་
D44.035.0018b03.01བློ་གྲོས་རྣམ་ཐར་ཏོ། །འཇིག་རྟེན་བྱམས་པ་འབྱམ་ཀླས་རྒྱ་ཆེན་ཀུན། །བདེ་གཤེགས་བ་སྤུ་གཅིག་གི་དཔེར་མི་རུང་། །རྒྱལ་བའི་བྱམས་པ་མཁའ་བཞིན་ཟད་མི་ཤེས། །བཤད་པ་སྣ་ཚོགས་བློ་གྲོས་རྣམ་ཐར་ཏོ། །ང་རྒྱལ་རི་དང་མུན་སྤྲིན་སྒོ་འཇོམས་ཤིང་། །
D44.035.0018b04.01སྟོབས་བཅུ་འགྲོ་བ་ཀུན་ཏུ་ཁྱབ་བྱས་ནས། །རྒྱལ་བའི་ཐུགས་རྗེའི་འོད་ཟེར་རབ་ཏུ་འགྱེད། །རྣམ་ཐར་འདི་ནི་འོད་བཟང་རྒྱལ་མཚན་གྱིའོ། །བདེ་གཤེགས་མཐོང་བས་གཏི་མུག་རབ་ཏུ་འཇོམས། །འགྲོ་ལ་ཤེས་རབ་དཀྱིལ་འཁོར་དགེ་བ་སྟོན། །དེ་དག་ངན་
D44.035.0018b05.01འགྲོའི་ཚུལ་རྣམས་རྣམ་འདུལ་ཏེ། །ཞི་བ་སྤྱོད་ཡུལ་སྒོ་ཡི་རྣམ་ཐར་ཏོ། །སངས་རྒྱས་སྤུ་ཡི་ཁུང་ནས་འོད་བརྗོད་པ། །སེམས་ཅན་ཀུན་དང་མཐུན་པར་བདེ་གཤེགས་མཚན། །དེ་དག་བསམ་པ་ཇི་བཞིན་མཚན་ཀྱང་ཐོས། །འཁོར་ལོ་སྣ་ཚོགས་རྒྱལ་
D44.035.0018b06.01མཚན་རྣམ་ཐར་ཡིན། །རྒྱལ་བའི་རྣམ་པར་འཕྲུལ་པ་ཚད་མེད་པ། །དེ་དག་ཐམས་ཅད་འཁོར་འདིར་ཕྱིན་སྣང་ཞིང་། །ཆོས་དབྱིངས་ནམ་མཁའ་རྒྱལ་བས་རབ་རྒྱས་པ། །མེ་ཏོག་སེང་གེ་དཔལ་གྱི་རྣམ་ཐར་ཏོ། །བསྐལ་པ་རྒྱ་མཚོ་མང་པོ་ཚད་མེད་པར། །ཞིང་
D44.035.0018b07.01