完整藏文原文 · 德格版页 当前仅加载第 13 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
ཉེས་པ་མེད་དེ་མ་བཅོལ་བར་རྙེད་པ་མ་མནོད་ཅིག །མནོས་ན་ནི་ཉེས་བྱས་སུ་འགྱུར་རོ། །གཞོངས་ཀོ་ས་ལར་གོས་རྣམས་བགོས་པའི་ཚེ་དགེ་སློང་ཞིག་ན་བ་དང་དེའི་ནད་གཡོག་གིས་གོས་མནོས་ནས་དེས་ཁྱེར་ཏེ་སོང་བ་དང་། དགེ་སློང་དེ་ཡང་དུས་ལས་འདས་ཏེ་དགེ་སློང་
D7a.013.0002b01.01དེས་ཇི་ལྟར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་སྔར་དུས་ལས་འདས་ལ་ཕྱིས་མནོས་ན་ནི་དེ་ཉིད་དུ་སླར་ཕུལ་ཅིག །འོན་ཏེ་སྔར་མནོས་ལ་ཕྱིས་དུས་ལས་འདས་ན་ནི་ཡོ་བྱད་གཞན་ཇི་ལྟ་བ་དེ་ལྟར་བྱོས་ཤིག །དགེ་སློང་ཞིག་གིས་དགེ་སློང་
D7a.013.0002b02.01ཞིག་ལ་ཚེ་དང་ལྡན་པ་ཚུར་ཤོག །ཆུང་ངུ་ཆུང་ངུ་ནས་མ་བྱིན་པར་བླངས་པ་དང་ཉེས་པར་མི་འགྱུར་རོ་ཞེས་སྨྲས་པ་དང་། དགེ་སློང་དག་གིས་ཐོས་ནས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། སྦྱོར་བ་གཅིག་གིས་རིན་ཐང་བརྩི་བར་བྱའོ། །
D7a.013.0002b03.01ཁྱིམ་བདག་ཅིག་དགེ་འདུན་གྱི་ཞིང་རྨེད་པ་དང་། དེ་ལ་དགེ་སློང་གཞི་བ་ཞིག་འོངས་ནས་འདི་སྐད་དུ་ཁྱིམ་བདག་ཡང་ན་ཤས་བྱིན་ཅིག །ཡང་ན་ཞིང་མ་རྨེད་ཅིག་ཅེས་སྨྲས་ཀྱང་དེས་མ་མཉན་ཏེ་རྨོས་པ་དང་། དགེ་སློང་དེས་ཐོང་བའི་རྩེ་མོར་ཉལ་ལོ། །དེ་ནས་ཁྱིམ་བདག་
D7a.013.0002b04.01དེས་ཐོང་བ་བོར་ནས་འདི་སྐད་དུ་དགེ་སྦྱོང་འདི་ལྟ་བུ་དང་བྲལ་བར་ཤོག་ཤིག་ཅེས་འཕྱ་ཞིང་སྤོང་སྟེ་མི་སྙན་པར་ཟེར་བ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཕྱིན་ཆད་དགེ་སློང་གིས་འདི་ལྟར་ལུས་མི་སྡུག་པར་མ་
D7a.013.0002b05.01བྱེད་ཅིག །དགེ་སློང་ཞིག་གིས་དགེ་སློང་ཞིག་ལ་འདི་སྐད་དུ་ཚེ་དང་ལྡན་པ་ཚུར་ཤོག་མཆོད་རྟེན་གྱི་ནོར་བརྐུས་ཀྱང་བདག་ཅག་གཉིས་ལ་ཉེས་པར་མི་འགྱུར་རོ་ཞེས་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མཆོད་རྟེན་གྱི་ཡོ་བྱད་སྲུང་མ་ཡོད་པ་
D7a.013.0002b06.01ལས་ནི་དེ་སྟེ་རིན་ཐང་ཚང་ན་ཕས་ཕམ་པར་འགྱུར་རོ། །དགེ་སློང་གཞི་བ་ཞིག་དགེ་འདུན་གྱི་ཞིང་རྨེད་དུ་བཅུག་པ་དང་། དེ་ནས་ཤིན་ཏུ་མི་རིང་བ་ཞིག་ན་ཁྱིམ་བདག་ཅིག་ཀྱང་ཞིང་རྨེད་དེ། ཁྱིམ་བདག་དེ་འོངས་ནས་བཙུན་པ་ཁོ་བོའི་ཞིང་མ་རྨོ་ཤིག་ཅེས་སྨྲས་པ་དང་། འདི་ཁྱོད་
D7a.013.0002b07.01