完整藏文原文 · 德格版页 当前仅加载第 13 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
ལག་ཁང་དུ་གཤེགས་སོ། །ཆོས་ཉིད་ཀྱིས་ལྷའི་བུའམ་ལྷའི་བུ་མོ་ཡང་རུང་སྐྱེས་ནས་རིང་པོ་མ་ལོན་པར་གང་ནས་ཤི་འཕོས་གང་དུ་སྐྱེས། ལས་གང་ཡིན་ཞེས་སེམས་པ་རྣམ་པ་འདི་གསུམ་སྐྱེས་ཏེ། སྦྲུལ་གདུག་པ་ལས་ཤི་འཕོས་ནས། སུམ་
D7a.013.0146a01.01བཅུ་རྩ་གསུམ་གྱི་ལྷའི་རིས་བཟང་པོར་སྐྱེས་ཏེ་བཅོམ་ལྡན་འདས་ལ་སེམས་མངོན་དུ་དད་པ་བསྐྱེད་པར་མཐོང་ངོ་། །དེ་ནས་སྔོན་གྱི་སྦྲུལ་གདུག་པ་ལྷའི་བུ་དེས་འདི་སྙམ་དུ་བདག་འདིར་ཞག་ལོན་ཏེ། བཅོམ་ལྡན་འདས་ལྟར་འགྲོ་བར་མི་རིགས་ཀྱི། བདག་འདིར་ཞག་མ་ལོན་
D7a.013.0146a02.01པར་བཅོམ་ལྡན་འདས་ལ་ལྟར་འགྲོའོ་སྙམ་དུ་བསམས་ནས། དེ་ནས་ལྷའི་བུ་སྔོན་སྦྲུལ་གདུག་པ་དེ་དྲི་མ་མེད་པའི་རྣ་ཚ་འཕྱང་བཞིན་དུ་ཐོགས་ཤིང་དོ་ཤལ་དང་། སེ་མོ་དོས་ལུས་བརྒྱན་ཏེ། དེ་ཉིད་ཀྱི་ནུབ་མོ་ལྷའི་མེ་ཏོག་ཨུཏྤལ་དང་། པད་མོ་དང་། ཀུ་མུ་ད་དང་། པུཎྜ་
D7a.013.0146a03.01རཱི་ཀ་དང་། མན་དཱ་ར་བ་ལ་སོགས་པས་པང་བ་བཀང་སྟེ་སྣང་བ་ཆེན་པོས་ཛེ་ཏའི་ཚལ་ཐམས་ཅད་དུ་སྣང་བར་བྱས་ནས་བཅོམ་ལྡན་འདས་ལ་མེ་ཏོག་གིས་གཏོར་ཏེ་ཆོས་ཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། །བཅོམ་ལྡན་འདས་ཀྱིས་དེའི་བསམ་པ་
D7a.013.0146a04.01དང་། བག་ལ་ཉལ་བ་དང་། ཁམས་དང་། རང་བཞིན་མཁྱེན་ནས་དེ་འདྲ་བའི་འཕགས་པའི་བདེན་པ་བཞི་ཡང་དག་པར་རྟོགས་པར་འགྱུར་བའི་ཆོས་བསྟན་ནས་ལྷའི་བུ་སྔོན་གྱི་སྦྲུལ་གདུག་པ་དེས་ཐོས་པ་དང་། འཇིག་ཚོགས་སུ་ལྟ་བའི་རིའི་རྩེ་མོ་ཉི་ཤུ་ཡེ་ཤེས་ཀྱི་
D7a.013.0146a05.01རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་སོ། །དེས་བདེན་པ་མཐོང་བས་དགའ་བའི་ཚིག་གསུམ་སྨྲས་ཏེ། བཙུན་པས་ཕན་བཏགས་པ་འདི་ལྟ་བུ་ནི་མས་ཀྱང་མ་བགྱིས། ཕས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷས་ཀྱང་མ་
D7a.013.0146a06.01བགྱིས། སྡུག་པས་ཀྱང་མ་བགྱིས། བདག་གི་གཉེན་མང་པོས་ཀྱང་མ་བགྱིས། སྔོན་གྱི་ཕ་མེས་རྣམས་ཀྱིས་ཀྱང་མ་བགྱིས། དགེ་སྦྱོང་དང་བྲམ་ཟེས་ཀྱང་མ་བགྱིས་ཏེ། བཅོམ་ལྡན་འདས་ཀྱིས་བདག་གི་ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་
D7a.013.0146a07.01