完整藏文原文 · 德格版页 当前仅加载第 13 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
ལྔ་པའོ།། །།མདོར་ན། སྒྲོགས་པར་བྱེད་དང་སྣོད་སྦེད་དང་། །ཤིང་རྟ་ཐ་དད་བྱེད་པ་དང་། །སྣོད་རྣམས་བགེད་པ་དད་པ་དང་། །མདོའི་ཚིགས་སུ་བཅད་པར་བརྗོད་པའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་
D7a.013.0176a01.01སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དུས་སྟོན་ཆེན་པོ་གྱིས་ལ་ཤིང་འཛམ་བུའི་གྲིབ་མ་ན་བཞུགས་པའི་སྐུ་གཟུགས་གྲོང་ཁྱེར་དུ་གཤེགས་པར་རྒྱས་པར་བྱོས་ཤིག་ཅེས་བཀའ་སྩལ་པ་དང་། དགེ་སློང་དག་གིས་བྲམ་ཟེ་དང་ཁྱིམ་བདག་དག་ལ་མ་
D7a.013.0176a02.01སྦྲན་པར་དོང་ངོ་། །དེ་དག་གིས་ཨེ་མའོ་འཕགས་པ་དག་ངེད་ཅག་ལ་སྔར་སྦྲན་ན་ནི་ངེད་ཀྱིས་ཡོན་རྣམས་སྟ་གོན་བྱ་བ་ཞིག་ཅེས་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཞག་བདུན་
D7a.013.0176a03.01ནམ་བརྒྱད་ཀྱི་སྔ་རོལ་ནས་དུས་ཀྱི་མཆོད་སྟོན་ཆེན་པོ་བྱེད་དོ་ཞེས་གྲོང་ཁྱེར་དང་། ཚོང་དུས་དང་། སྲང་དང་། ལམ་དང་། ལམ་གྱི་བཞི་མདོ་དག་ཏུ་བསྒྲག་པར་བྱོས་ཤིག །དེ་དག་གིས་དུས་སྟོན་ནོ་དུས་སྟོན་ནོ་ཞེས་བསྒྲགས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཞག་དུས་
D7a.013.0176a04.01ཐོབ་ལ་ཞག་འདི་སྙེད་ཅིག་ན་དུས་སྟོན་བྱེད་དོ་ཞེས་སྦྲོན་ཅིག །དེ་ལྟར་བྱས་ཀྱང་འཇིག་རྟེན་ཐམས་ཅད་ཀྱིས་མ་ཐོས་ནས། བཅོམ་ལྡན་འདས་ཀྱིས་བཀའ་སྩལ་པ། གྲོ་ག་ལ་བྲིས་ལ་བལ་གླང་གི་སྟེང་དུ་ཞོག་སྟེ། ཚོང་དུས་དང་། སྲང་དང་། ལམ་དང་། ལམ་གྱི་བཞི་མདོ་
D7a.013.0176a05.01དག་ཏུ་བསྒྲགས་པར་གྱིས་ཤིག །གང་གི་ཉིན་མོ་བཅོམ་ལྡན་འདས་ཀྱི་དུས་སྟོན་ཆེན་པོ་བྱེད་པ་ན། བཅོམ་ལྡན་འདས་ཀྱིས་དགེ་སློང་གནས་བརྟན་དང་། གནས་བརྟན་དག་གིས་ནི་ཡོན་རྣམས་སྲུང་ཤིག །གཞོན་ནུ་རྣམས་ཀྱིས་ནི་ཁྱེར་ཅིག་ཅེས་བཀའ་སྩལ་པ་དང་། དེས་
D7a.013.0176a06.01ཁྱེར་ཏེ་བབ་བབ་ཏུ་བོར་བ་དང་། མ་བྱིན་པར་ལེན་པ་དག་གིས་བརྐུས་ནས། བཅོམ་ལྡན་འདས་ཀྱིས་བཀའ་སྩལ་པ། སྣོད་སྤྱད་སྦེད་པའི་དགེ་སློང་སྐོས་ཤིག །བསྐོ་བ་ནི་འདི་ལྟར་བསྐོའོ། །སྟན་བཏིང་ལ་གཎྜཱི་བརྡུངས་ཤིང་དྲིས་པ་ལ་ལན་གློན་པའི་དགེ་སློང་བསྐོས་ཏེ།
D7a.013.0176a07.01