完整藏文原文 · 德格版页 当前仅加载第 13 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བླ་མ་ཡིན་ཏེ་བཙུན་པར་བྱ་བ་དང་། གཅུགས་པ་ཡིན་ཏེ་ཅི་འདོད་པ་བཞིན་བྱེད་པ་དང་། འདུག་འཚོ་སྐྱོང་བ་སྟེ་དེ་འདི་སྙམ་དུ་སེམས་སོ། །བླངས་པ་དེ་ཐོས་ན་ཡང་དགའ་བར་འགྱུར་བའོ། །འདུལ་བ་ལྔ་སྟེ། སངས་རྒྱས་ཀྱི་ཚེ་དང་། རྟག་པ་དང་།
D7a.013.0054b01.01ཕྱོགས་གཅིག་པ་དང་། ཐམས་ཅད་དུ་འགྲོ་བ་དང་། ཉོན་མོངས་པ་འདུལ་བའོ། །གཞན་ཡང་འདུལ་བ་ལྔ་སྟེ། ཡུལ་འདུལ་བ་དང་། དུས་འདུལ་བ་དང་། གནས་འདུལ་བ་དང་། གང་ཟག་འདུལ་བ་དང་། འཁྲུག་པ་འདུལ་བའོ། །གང་ཟག་ལྔ་ལ་
D7a.013.0054b02.01འདུལ་བ་མི་བརྗོད་དེ། སྐབས་ཚོལ་བས་འདྲི་བ་དང་། གཙེ་བར་བསམས་ཏེ་འདྲི་བ་དང་། ཕྱས་གདགས་པར་བསམས་ཏེ་འདྲི་བ་དང་། བགམ་པར་བསམས་ཏེ་འདྲི་བ་དང་། ཉེས་པར་བརྗོད་པར་འདོད་པས་འདྲི་བའོ། །གཏན་པ་ལ་ཡོན་ཏན་ལྔ་སྟེ། ཞག་
D7a.013.0054b03.01གཅིག་གིས་འབྲེལ་བར་མི་འགྱུར་བ་དང་། ཞག་བཅུས་མི་འགྱུར་བ་དང་། ཞག་བཅུ་ལས་འདས་ཀྱང་མི་འགྱུར་བ་དང་། མ་བསྔོས་པར་གོས་ལྷག་པར་འཆང་བ་དང་། སྟོད་གཡོགས་དང་མཐང་གོས་ཀྱིས་ལྗོངས་རྒྱུ་ཞིང་སྤྱོད་པའོ། །གཞན་ཡང་གཏན་པ་ལ་
D7a.013.0054b04.01ཡོན་ཏན་ལྔ་སྟེ། འདུས་ཏེ་ཟ་བ་མེད། ཡང་ཡང་ཟ་བ་མེད། སྤྱན་མ་དྲངས་པར་འགྲོ་བ་དང་། ཆོས་གོས་ཅི་དགར་ཚོལ་བ་དང་། སྟོན་ཟླ་ཐ་{ཆུངས་,ཆུང་}ནས་དཔྱིད་ཟླ་ར་བའི་བར་དུ་རྙེད་པ་ཅི་ཡོད་པ་དབྱར་ལྷན་ཅིག་ཏུ་གནས་པའི་དགེ་འདུན་དང་འདྲ་བར་བགོ་བའོ། །གང་ཟག་ལྔ་
D7a.013.0054b05.01གཏན་པ་འདིང་བར་མི་བསྐོ་སྟེ། དབྱར་མེད་པ་དང་། དབྱར་ཆད་པ་དང་། དབྱར་ཕྱི་མར་ཞུགས་པ་དང་། གཞན་དུ་དབྱར་ཚུལ་དུ་ཞུགས་པ་དང་། སྤང་བ་བྱས་པའོ། །གཞན་ཡང་གང་ཟག་ལྔ་གཏན་པ་འདིང་བར་མི་བསྐོ་སྟེ། སོ་སོར་གནས་པ་དང་། མི་གནས་པ་
D7a.013.0054b06.01དང་། རྗེས་སུ་ཕྱོགས་པ་དང་། བསླབ་པ་བྱིན་པ་དང་། ཞིག་པའོ། །གཞན་ཡང་གང་ཟག་ལྔ་གཏན་པ་འདིང་བར་མི་བསྐོ་སྟེ། མ་མཐོང་བས་སྤང་བར་བྱས་པ་དང་། སླར་ལས་མི་བྱེད་པའི་ཕྱིར་སྤངས་པ་དང་། སྡིག་པར་ལྟ་བ་སླར་མ་གཏང་བ་སྤངས་པ་དང་། རྗེས་
D7a.013.0054b07.01