完整藏文原文 · 德格版页 当前仅加载第 13 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
ནོངས་པ་གང་ལགས། གསུངས་པ། ཉེས་བྱས་སུ་འགྱུར་རོ། །དེ་བཞིན་དུ་གཡན་པ་དགབ་པ་དང་གདིང་བ་ཡང་དེ་བཞིན་ནོ། །སོང་ནས་སླར་མཆིས་པའི་གོས་ཀྱིས་གཏན་པ་གདིང་ན་གཏན་པ་བཏིང་བ་ཞེས་བགྱིའམ། མ་བཏིང་བ་ཞེས་བགྱི། གསུངས་པ། གཏན་པ་མ་
D7a.013.0225b01.01བཏིང་བ་ཞེས་བྱའོ། །གོས་དེ་གང་ལགས། ལམ་ཕན་ཆད་ནས་རྙེད་པའོ། །སྤང་བ་བྱུང་བའི་གོས་རྣམས་བགོས་ན་དེའི་ལྟུང་བ་གང་ལགས། གསུངས་པ། ཉེས་བྱས་སོ། །མུ་སྟེགས་ཅན་གྱི་རྒྱལ་མཚན་གོས་མ་མཆིས་པ་དང་། འོལ་བའི་སྒྲོ་དང་། སྐྲའི་ལ་བ་དང་གསུམ་
D7a.013.0225b02.01འཆང་ན་དེའི་ལྟུང་བ་གང་ལགས། ཉེས་པ་སྦོམ་པོར་འགྱུར་རོ། །མུ་སྟེགས་ཅན་གྱི་རྒྱལ་མཚན་གསུམ་པོ་མ་གཏོགས་པར་མུ་སྟེགས་ཅན་གྱི་རྒྱལ་མཚན་གཞན་འཛིན་ན་ཅིར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཉེས་བྱས་སོ། །འདུལ་བ་གཞུང་དམ་པ་ལས།
D7a.013.0225b03.01མ་ན་བི་ཀ་བའི་སྒོ་དང་པོ་སྟེ་རྫོགས་{སྷོ,སོ}།། །།མདོར་བསྡུས་པར་ན། རྙིངས་པ་གདིང་དང་རིངས་པ་གསུམ། །གཟུ་བོའི་ཉེས་པ་ཇི་ཙམ་གྱིས། །ཀོ་ཤམ་བིས་ནི་ཇི་ལྟར་ལས་བྱས་པ། །ལས་དང་གཟུ་བོ་རྗེས་སུ་བསྒྲགས། །བསྡིགས་པ་བསྡུས་ནས་བསྒྲགས་པའོ། །མདོར་
D7a.013.0225b04.01ན། རྙིངས་པ་སར་པ་གཉིས་པོ་དང་། །ཁ་དོག་ཅན་དང་མ་བཞག་པ། །མི་རུང་དང་ཡང་དེ་བཞིན་ཏེ། །ཡོངས་སྤྱད་དང་མ་བགོས་རུང་བའོ། །བཙུན་པ་བཅོམ་ལྡན་འདས་ཀྱིས་གོས་རྙིངས་པ་གཏན་པར་བཏིང་ན་གཏན་པར་མ་བཏིང་བའོ། །ཞེས་གསུངས་ན། གོས་རྙིངས་པ་
D7a.013.0225b05.01གང་ལགས། གོས་གང་ཡང་གཏན་པར་བཏིང་བར་གྱུར་པའོ། །བཅོམ་ལྡན་འདས་ཀྱིས་གོས་སར་པ་གཏན་པར་བཏིང་ན་གཏན་པ་བཏིང་བ་ཡིན་ནོ་ཞེས་གསུངས་ན། གོས་སར་པ་གང་ལགས། གོས་གང་སྔར་གཏན་པར་མ་བཏིང་བའོ། །བཅོམ་ལྡན་འདས་ཀྱིས་གཏན་པ་བཏིང་བའི་
D7a.013.0225b06.01དགེ་སློང་གིས་གོས་ལེན་པའི་ཚེ་སེམས་གསུམ་བསྐྱེད་པར་བྱའོ། །ཐོག་མར་འགྲོ་བར་བྱའོ། །གང་གི་ཚེ་མཐར་ཕྱིན་ན་སྐུད་ཁམ་གསུམ་ཙམ་ཡང་དྲུབས་ལ། སེམས་རྣམ་པ་གསུམ་ཡང་བསྐྱེད་པར་བྱའོ། །འཁྲུ་བ་དང་། འདྲ་བ་དང་། བཙོ་བ་དང་། དཀྱིལ་འཁོར་ཕྱེད་དང་གསུམ་
D7a.013.0225b07.01