完整藏文原文 · 德格版页 当前仅加载第 13 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
ཆག་གདབ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་
D7a.013.0121a01.01ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་བཅོམ་ལྡན་འདས་ཀྱིས་དེ་སྟེ་གནང་ན་བདག་གིས་བཅོམ་ལྡན་འདས་ཀྱི་ཁར་བའི་མཆོད་རྟེན་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ལྟ་བས་ན་གནང་གིས་བྱོས་
D7a.013.0121a02.01ཤིག །ཡང་བཅོམ་ལྡན་འདས་ཀྱིས་དེ་སྟེ་གནང་ན་གསེར་གྱི་མཆོད་རྟེན་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ལྟ་བས་ན་གནང་གིས་བྱོས་ཤིག །དེ་བཞིན་དུ་དངུལ་ལས་བྱས་པ་དང་། བཻ་ཌཱུརྱ་ལས་བྱས་པ་དང་། ཤེལ་
D7a.013.0121a03.01ལས་བྱས་པ་རྒྱ་ཆེར་བྱོས་ཤིག །དེ་སྟེ་ཡང་བཅོམ་ལྡན་འདས་ཀྱིས་གནང་ན་བདག་གིས་བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་ལ་རྒྱལ་མཚན་འབུལ་ལོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ལྟ་བས་ན་གནང་གིས་
D7a.013.0121a04.01ཕུལ་ཅིག །བཅོམ་ལྡན་འདས་ཀྱིས་རྒྱལ་མཚན་ཕུལ་ཅིག་ཅེས་གསུངས་པ་དང་། དེས་ཅི་འདྲ་བ་ཞིག་དབུལ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་མཚན་བཞི་སྟེ། སེང་གེའི་རྒྱལ་མཚན་དང་། ཆུ་སྲིན་གྱི་རྒྱལ་མཚན་དང་། ཀླུའི་རྒྱལ་མཚན་དང་།
D7a.013.0121a05.01ཁྱུ་མཆོག་གི་རྒྱལ་མཚན་ནོ། །དེ་སྟེ་ཡང་བཅོམ་ལྡན་འདས་ཀྱིས་གནང་ན་བདག་གིས་བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་ལ་འབྲུ་མར་གྱིས་ཆག་ཆག་གདབ་བོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཁྱིམ་བདག་གནང་
D7a.013.0121a06.01གིས་ཆག་ཆག་ཐོབ་ཤིག །ཡང་གསོལ་པ། དེ་སྟེ་བཅོམ་ལྡན་འདས་ཀྱིས་གནང་ན་བདག་གིས་བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་ལ་ལྡོང་རོས་ཀྱིས་བྱུག་གོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཁྱིམ་བདག་གནང་གིས་
D7a.013.0121a07.01