完整藏文原文 · 德格版页 当前仅加载第 13 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
ན་དེ་ལས་འདས་པའོ། །དེ་སྟེ་དགེ་སློང་མ་ལ་ལུས་ཀྱིས་བསྐྱོད་པས་སུན་ཕྱུང་བར་མ་གྱུར་ཏམ། ཡང་ན་ཉེས་པ་དེ་འདིས་ཇི་ལྟར་ཆོས་བཞིན་དུ་བྱས་པར་གྱུར་པའོ། །སྒོ་གཉིས་པོ་རྫོགས་{སྷོ,སོ}།། །།སྒོ་གསུམ་པོའི་མདོ་བསྡུས་པ་སྟེ། རྩོད་དང་མགུ་
D7a.013.0034a01.01བར་བྱེད་པ་དང་། །ནོར་རྙེད་གང་ཟག་དེ་བཞིན་ཏེ། །ཨུ་པཱ་ལི་འདུལ་ཆད་པ་དང་། །རབ་འབྱུང་སྦྱིན་པ་དེ་བཞིན་ནོ། །མདོར་ན། འཁྲུག་པའི་རྩ་བ་བསྒོ་བ་དྲུག །ལས་དང་བསྟན་པའང་དེ་བཞིན་ཏེ། །བསྟབས་པར་བྱ་བ་ཉམས་པ་དང་། །བཟློག་པར་བྱ་བའང་དེ་བཞིན་
D7a.013.0034a02.01ནོ། །དགེ་སློང་དག་འདི་ལ་འཁྲུག་པའི་རྩ་བ་ནི་དྲུག་སྟེ། དགེ་སློང་ཁྲོ་ཞིང་འཁོན་པ་ཡང་ཡོད་དེ། དགེ་སློང་དག་དགེ་སློང་ཁྲོ་ཞིང་འཁོན་དུ་འཛིན་པར་གྱུར་པ་གང་ཡིན་པ་དེས་ནི་སྟོན་པ་ལ་བླ་མར་མི་བྱེད། བཀུར་སྟིར་མི་བྱེད། ཕུ་དུད་དུ་མི་བྱེད། མཆོད་པར་མི་བྱེད་དེ།
D7a.013.0034a03.01དེས་སྟོན་པ་ལ་བསྟི་སྟང་དུ་མ་བྱས། བླ་མར་མ་བྱས། བཀུར་སྟིར་མ་བྱས། ཕུ་དུད་དུ་མ་བྱས། མཆོད་པར་མ་བྱས་པས་ན་ཆོས་མི་མཐོང་ངོ་། །ཆོས་མ་མཐོང་བས་དགེ་འདུན་ལ་རིམ་གྲོར་བྱེད་པར་མི་སྤྱོད་དོ། །དགེ་འདུན་ལ་རིམ་གྲོ་མེད་པར་སྤྱད་པས་དགེ་སྦྱོང་ཉིད་
D7a.013.0034a04.01ལ་བག་མེད་པར་སྤྱོད་དོ། །དགེ་སྦྱོང་ཉིད་ལ་བག་མེད་པར་སྤྱོད་པས་ཇི་ནས་དགེ་འདུན་ལ་འཐབ་པ་དང་། མཚང་འདྲུ་བ་དང་། འཁོན་པ་དང་། རྩོད་པ་དེ་ལྟ་བུ་སྐྱེད་པར་འགྱུར་ཏེ། འཐབ་པ་དང་། མཚང་འདྲུ་བ་དང་། འཁོན་པ་དང་། རྩོད་པ་རྣམས་ནི་སྐྱེ་བོ་མང་པོ་
D7a.013.0034a05.01ལ་ཕན་པ་མ་ཡིན་ཏེ། སྐྱེ་བོ་མང་པོའི་དོན་མ་ཡིན་གྱི། སྐྱེ་བོ་མང་པོ་ལ་སྡུག་བསྔལ་བར་བྱེད་དོ། །ལྷ་དང་མི་རྣམས་ལ་ཡང་དོན་མ་ཡིན་པ་དང་། མི་ཕན་པ་དང་། སྡུག་བསྔལ་བར་བྱེད་དོ། །དགེ་སློང་(ཁྱད་,ཁྱེད་)རྣམས་ལ་འདི་ལྟ་བུའི་རྩོད་པའི་རྩ་བ་ནང་ངམ་ཕྱི་རོལ་ན་ཡོད་ལ་བདག་
D7a.013.0034a06.01ཉིད་ཀྱིས་མ་སྤངས་པར་རྗེས་སུ་མཐོང་བ་དང་། དེ་ལ་ཁྱེད་དང་ལྷན་ཅིག་ཏུ་མཐུན་ཞིང་ཤིན་ཏུ་དགའ་བར་བྱོས་ལ་རབ་ཏུ་དད་པའི་བརྩོན་འགྲུས་དང་བརྩལ་བ་དང་སྤྲོ་བ་སྐྱེད་ཅིག །སྤྲོ་བ་བསྐྱེད་ནས་རྩོད་པའི་རྩ་བ་དེ་མ་བཏང་གི་བར་དུ་དྲན་པ་དང་། ཤེས་པ་མི་གཏང་བར་བརྩོན་
D7a.013.0034a07.01