完整藏文原文 · 德格版页 当前仅加载第 13 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་དམ་ཞེས་སྨྲོས་ཤིག་ཅེས་སྨྲས་པ་དང་། དེ་དག་གིས་ཇི་ལྟར་བསྒོ་བ་བཞིན་གང་གི་ཚེ་ཆོས་བཤད་ཟིན་པ་དེའི་ཚེ་ཁྱེའུ་དང་བུ་མོ་རྣམས་བོར་ཏེ་དོང་བ་དང་། དེ་དག་རབ་ཏུ་ངུས་ནས་ཚེ་དང་ལྡན་པ་ཀུན་དགའ་བོས་སྨྲས་པ། ཁྱེའུ་དང་བུ་མོ་འདི་དག་ཁྲིད་ལ་དེང་འདི་དག་ཅིའི་
D7a.013.0008a01.01ཕྱིར་དོང་ཞེས་སྨྲས་པ་དང་། དེ་དག་གིས་དེ་སྟེ་སྤོང་བ་པོ་ལ་ཡང་བཟོད་པར་མཛད་དམ་ཞེས་སྨྲས་པ་དང་། བཟོད་པར་བྱས། ཉེས་བྱས་ཀྱི་ཉེས་པ་བཤགས་པར་གྱིས་ཤིག །མདོར་ན། ཕག་དང་བུ་རམ་ཤིང་གི་སྡོང་བུ་དང་། །གནག་དགའ་བོ་ཡི་ཆོས་གོས་དང་། །མར་བྲེ་གང་དང་
D7a.013.0008a02.01ཨ་ག་རུ། །གཟིག་དང་སེང་གེ་ལྔ་པའོ། །ཕག་དང་བུ་རམ་ཤིང་གི་སྡོང་བུ་དང་། གནག་དགའ་བོའི་ཆོས་གོས་རྣམས་ནི་རྒྱས་པར་ཇི་ལྟར་འདུལ་བ་ལས་འབྱུང་བ་བཞིན་ནོ། །དགེ་སློང་བསོད་ནམས་ཆེ་བ་ཚོང་པ་རྣམས་ལ་གྲགས་པ་དེ་ལ་ཚོང་པ་གཞན་ཞིག་གིས་དེ་ལ་ཅི་དགོས་པ་དང་ཅི་
D7a.013.0008a03.01མཁོ་བ་རྣམས་བདག་གིས་གསོལ་ལོ་ཞེས་བསྟབས་པ་དང་། དགེ་སློང་དེའི་ནད་གཡོག་དེས་འདི་སྙམ་དུ་ཚོང་པ་དེ་ཡང་དང་ཡང་དུ་སྟོབས་ན་དེ་ལ་བདག་གིས་ཇི་ལྟར་སྙིང་ནས་སྟོབས་སམ། ཁ་འགྲོན་ཙམ་དུ་སྟོབས་བགམ་མོ་སྙམ་དུ་བསམས་ནས་དེ་དེའི་དྲུང་དུ་སོང་སྟེ། འདི་སྐད་དུ་མཁན་པོ་ལ་མར་
D7a.013.0008a04.01ཞིག་དགོས་སོ་ཞེས་སྨྲས་པ་དང་། དེ་ལ་མར་བྲེ་གང་བྱིན་ནས་ཡང་བཙུན་པ་སྲན་མའི་ཁུ་བའམ་ཤ་ཁུའང་རུང་སྟེ་ཅི་དགོས་པ་འདི་ནས་སྣོམས་ཤིག་ཅེས་སྨྲས་པ་དང་། དེ་ལྟར་བགྱིའོ་ཞེས་སྨྲས་ནས་དགེ་སློང་དེས་མར་དེ་དགེ་སློང་དེའི་སྲན་མའི་ཁུ་བ་དང་ཤའི་ཁུ་བ་རྣམས་སུ་ཅུང་ཟད་
D7a.013.0008a05.01བླུགས་སོ། །ཇི་ཙམ་ཞིག་ན་ཚོང་པ་དེ་དགེ་སློང་དེ་ལ་འཕགས་པ་ཁོ་བོས་ཁྱོད་ལ་མར་ནི་སྔར་བསྐུར་རོ། །དེ་སྟེ་གཞན་ཡང་སྲན་མའི་ཁུ་བའམ་ཤ་ཁུ་ཡང་རུང་སྟེ། ཅི་དགོས་པ་དེ་དག་ལོང་ཤིག་ཅེས་སྤྲིང་བ་དང་། དགེ་སློང་དེས་ནད་གཡོག་དེ་ལ་ཚོང་པ་འདི་ཞེས་བྱ་བ་ལ་མར་
D7a.013.0008a06.01བླངས་སམ་ཞེས་དྲིས་ནས་བླངས་སོ་ཞེས་སྨྲས་པ་དང་། འོ་ན་ཕས་ཕམ་པའི་ཉེས་པ་བྱུང་ངོ་། །མཁན་པོ་ལ་ཚོང་པ་དེ་ཡང་དང་ཡང་དུ་སྟོབས་ནས་བརྟག་ཅིང་བགམ་པའི་ཕྱིར་བདག་གིས་བླངས་ནས་མཁན་པོ་ཡིར་བགྱིས་སོ་ཞེས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས།
D7a.013.0008a07.01