完整藏文原文 · 德格版页 当前仅加载第 13 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་སྨྲས་པ་དང་། བདེ་བར་ག་ལ་སྤྱད། ཅི་ཉེས། བདག་ཅག་ནི་རྐུན་པོས་བཅོམ་མོ། །དེ་ལྟ་བུར་གྱུར་པ་དགེ་སློང་རྣམས་ལ་སྨྲས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་
D7a.013.0148a01.01པ། གསིང་མ་ལ་ཆགས་པའི་ཕྱིར་གསོ་སྦྱིན་མ་བྱེད་ཅིག །བཅོམ་ལྡན་འདས་ཀྱིས་གྲོང་དང་ཉེ་བའི་འཁོར་དུ་གསོ་སྦྱིན་བྱོས་ཤིག་ཅེས་གསུངས་པ་དང་། དེ་ལས་དགེ་སློང་ཕྱེད་ནི་གྲོང་དུ་ཞུགས་ཕྱེད་ནི་ཕྱི་རོལ་དུ་འཁོད་པས་དེ་དག་མ་འདུས་པར་གྱུར་ནས་གསོ་སྦྱིན་མ་
D7a.013.0148a02.01བྱས་ཏེ། དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་གྲོང་ན་གནས་པ་རྣམས་ནི་གྲོང་དུ་གསོ་སྦྱིན་བྱོས་ཤིག །དེ་བཞིན་དུ་དགེ་སློང་རྣམས་གསོ་སྦྱིན་བྱ་སྟེ་གསོ་སྦྱིན་ལ་མ་སྡོད་ཅིག །སྡོད་
D7a.013.0148a03.01ན་འདས་པ་དང་བཅས་པར་འགྱུར་རོ། །དགེ་སློང་དག་ཅིག་ཚོང་པའི་འགྲོན་པ་མང་པོ་དང་ལྷན་ཅིག་ཏུ་ལམ་དུ་ཞུགས་པ་དང་། དགེ་སློང་གིས་ཚོང་པ་ལ་བཞིན་{བཟངས་,བཟང་}བདག་ཅག་གསོ་སྦྱིན་བྱེད་ཀྱིས་དེའི་བར་དུ་སྐད་ཅིག་སྡོད་ཅིག་ཅེས་སྨྲས་པ་དང་། དེ་དག་གིས་འཕགས་
D7a.013.0148a04.01པ་རྣམས་འདི་ཕྱོགས་ན་རྐུན་པོས་འཇིགས་ཀྱིས་ཕྱི་བཞིན་སྤྱོན་ཅིག་བསྡད་དོ་ཞེས་སྨྲས་པ་དང་། དེར་སྡོད་གྲང་དེར་སྡོད་གྲང་སྙམ་ནས་དགེ་སློང་རྣམས་ཕྱི་བཞིན་དུ་འབྲང་ཞིང་དེ་དག་དོང་བ་ལས་ནམ་ནངས་སོ། །དགེ་སློང་རྣམས་ཀྱིས་དེ་ལྟར་གྱུར་པ་བཅོམ་ལྡན་འདས་ལ་
D7a.013.0148a05.01གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་གསོ་སྦྱིན་གྱི་ཚེ་གསོ་སྦྱིན་མ་བྱས་པར་མ་འགྲོ་ཤིག །ཡང་ན་འགྲོ་བཞིན་དུ་གསོ་སྦྱིན་བྱོས་ཤིག །དགེ་སློང་དག་གིས་འགྲོ་བཞིན་དུ་གསོ་སྦྱིན་བྱེད་པ་ལ་ཞུགས་པ་དང་། ཚོང་པ་རྣམས་ཀྱིས་
D7a.013.0148a06.01འཕགས་པ་བདག་ཅག་ནི་རྐུན་པོས་འཇིགས་པས་ཅང་མི་སྨྲ་བར་འགྲོ་ན་ཁྱེད་ཅིའི་ཕྱིར་ཅ་ཅོ་བྱེད་ཅེས་སྨྲས་ནས། དེ་ལྟར་གྱུར་པ་དགེ་སློང་དེ་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གསོ་སྦྱིན་རྒྱས་པར་མ་བྱེད་པར་
D7a.013.0148a07.01