完整藏文原文 · 德格版页 当前仅加载第 13 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་རྒྱལ་ཐབས་སྤྱི་བོ་ནས་དབང་བསྐུར་བ་སྐྱེ་བོ་མང་པོ་ལ་དབང་ཞིང་བརྩོན་འགྲུས་ཐོབ་པ། ས་གཞི་ཆེན་པོའི་དཀྱིལ་འཁོར་ཡང་རབ་ཏུ་བཏུལ་ཅིང་གནས་པར་བྱེད་པ་དེ་ལྟ་བུ་དག་ཀྱང་འཚོ་བའི་མཐའ་ནི་འཆི་བར་འགྱུར་ཏེ། མཐར་འཆི་བ་ལ་ཐུག་
D7a.013.0156a01.01པས་ན་སྐྱེས་ཕན་ཆད་མི་འཆི་བ་མེད་དོ། །རྒྱལ་པོ་ཆེན་པོ་ཡང་འདི་ལྟར་རྒྱལ་པོ་ལས་དྲང་སྲོང་དུ་གནས་ན་གནས་པ་འབྲས་བུ་རང་ལྷུང་ཟ་བ་རྩ་བ་དང་འབྲས་བུས་འཚོ་བ་དེ་ལྟ་བུ་ཡང་འཚོ་བའི་མཐའ་ནི་འཆི་བར་འགྱུར་ཏེ། མཐར་འཆི་བ་ལ་ཐུག་པས་ན་སྐྱེས་ཕན་ཆད་མི་འཆི་
D7a.013.0156a02.01བ་མེད་དོ། །རྒྱལ་པོ་ཆེན་པོ་འདི་ལྟར་ཡང་ལྷ་ཚེ་རིང་པོ་ཁ་དོག་དང་ལྡན་པ་མང་བ་གཞལ་མེད་ཁང་མཐོན་པོ་ན་འདུག་ཀྱང་དེ་དག་གནས་དེ་ནས་འཆི་འཕོ་བའི་ཆོས་སུ་འགྱུར་རོ། །འདི་ལྟར་ཡང་རྒྱལ་པོ་ཆེན་པོ་དགྲ་བཅོམ་པ་ཟག་པ་ཟད་པ། བྱ་བ་བསྒྲུབས་པ་ཁུར་བོར་བ། རང་
D7a.013.0156a03.01གི་དོན་ཐོབ་པ། སྲིད་པར་སྦྱོར་བ་ཟད་པ། ཡང་དག་པའི་བཀའ་ལ་སེམས་ཀྱིས་རྣམ་པར་གྲོལ་བ་དེ་དག་གི་ལུས་ཀྱང་རྗེ་བའི་ཆོས་སུ་འགྱུར་རོ། །ཡང་འདི་ལྟར་རྒྱལ་པོ་ཆེན་པོ་རང་སངས་རྒྱས་བསེ་རུ་འདྲ་བ། བདག་གཅིག་པུ་དུལ་བ། བདག་གཅིག་པུ་ཞི་བ། བདག་
D7a.013.0156a04.01གཅིག་པུ་མྱ་ངན་ལས་ཟློ་བ་དེ་དག་ཀྱང་ལུས་རྗེ་བའི་ཆོས་སུ་འགྱུར་རོ། །ཡང་འདི་ལྟར་རྒྱལ་པོ་ཆེན་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྟོབས་བཅུ་དང་ལྡན་པ། མི་འཇིགས་པ་བཞིས་མི་འཇིགས་པ། ཁྱུ་མཆོག་གི་དམ་པ།
D7a.013.0156a05.01སེང་གེའི་སྒྲ་སྒྲོགས་པ་དེ་ལྟ་བུའི་སྐུ་ཡང་རྗེ་བའི་ཆོས་སུ་འགྱུར་རོ། །རྒྱལ་པོ་ཆེན་པོ་རྣམ་པ་དེ་ལྟ་བུ་ཐམས་ཅད་ཀྱང་དེ་བཞིན་དུ་རིག་པར་གྱིས་ཤིག །གང་སེམས་ཅན་ཐམས་ཅད་དང་། སྲོག་ཆགས་ཐམས་ཅད་དང་། འབྱུང་པོ་ཐམས་ཅད་ཀྱང་འཚོ་བའི་མཐའ་ནི་
D7a.013.0156a06.01འཆི་བར་འགྱུར་ཏེ། མཐར་འཆི་བ་ལ་ཐུག་པས་ན་སྐྱེས་ཕན་ཆད་མི་འཆི་བ་མེད་དེ། སེམས་ཅན་ཐམས་ཅད་ཀྱང་འཚོ་བའི་མཐའ་ནི་འཆི་བར་འགྱུར་ཏེ། ཇི་ལྟར་ལས་བྱས་དེ་ཡིས་ནི། །བསོད་ནམས་སྡིག་པའི་འབྲས་བུར་འགྲོ། །སྡིག་པའི་ལས་ནི་དམྱལ་བར་ལྟུང་། །
D7a.013.0156a07.01