完整藏文原文 · 德格版页 当前仅加载第 13 函德格 242b 版页；藏文 NFD、目录标记与异常页序保留在来源切片中，重复版页行以稳定序号区分。
ཟློས་པའོ། །ཡིད་མགུ་བར་བྱ་བའི་ཕྱིར་ཡོན་ཏན་ནི་དབྱུང་བར་བྱ་བའོ། །ཅིའི་ཕྱིར་ན་དབྱུང་ཞེས་བྱ་ཞེ་ན། དབྱུང་བ་ནི་རྣམ་པར་དག་པའི་ཕྱིར་རོ། །ཅིའི་སླད་དུ་ན་ཆད་པ་བགྱིས་པས་ཡིད་མགུ་བ་བྱ་བའི་ཡོན་ཏན་དུ་འགྱུར། ཆད་པ་བྱས་པའི་དགེ་སློང་ཚེགས་མི་ཆེ་བར་དགེ་
D7a.013.0242b01.01སློང་རྣམས་ལ་ཡིད་མགུ་བར་བྱེད་དོ། །ཡིད་མགུ་བར་བྱས་ན་དགེ་སློང་རྣམས་དེ་ལ་ཡིད་མགུ་བར་བྱས་སོ་བར་སེམས་ཏེ། དེ་ལྟ་བུའི་ཕྱིར་ན་ཆད་པས་བྱས་པ་ནི་ཡིད་མགུ་བའི་ཡོན་ཏན་ནོ། །ཅིའི་སླད་དུ་ན་གཞི་ནས་བཟླས་པས་ནན་ཏུར་དུ་འགྱུར། གཞི་ནས་བཟླས་ན་གང་ཟག་ལ་
D7a.013.0242b02.01ནན་ཏུར་བྱས་པ་ཡིན་ཏེ། འཇིགས་པས་ཕྱིན་ཆད་དེ་ལྟ་བུ་མི་བྱེད་པ་དང་། དགེ་སློང་རྣམས་ཀྱིས་ཀྱང་ཤེས་པར་འགྱུར་ཏེ། དེ་ལྟར་ན་ཉོན་མོངས་པ་ཆེ་བ་ཚེ་དང་ལྡན་པ་ངོ་ཚ་བའི་ཕྱིར་ཕྱིས་མི་བྱེད་པར་འགྱུར་ཏེ། དེ་ལྟ་བུའི་ཕྱིར་ན་གཞི་ནས་བཟླས་པ་ནི་ནན་ཏུར་བྱས་པར་འགྱུར་རོ། །
D7a.013.0242b03.01ཅིའི་སླད་དུ་ན་ཡིད་མགུ་བས་དབྱུང་བའི་ཡོན་ཏན་དུ་འགྱུར། དགེ་སློང་ཡིད་མགུ་བ་སྤྱོད་པའི་ཚེ་ཚེགས་མི་ཆེ་བར་དགེ་སློང་རྣམས་ལ་ཡིད་མགུ་བར་བྱེད་དེ། ཡིད་མགུ་བར་བྱས་པས་དགེ་སློང་རྣམས་དེ་ལ་དབྱུང་བར་སེམས་ཏེ། ཚེ་དང་ལྡན་པ་འདི་ནི་ཕྱིན་པར་འདོད་ཀྱིས་ཚེ་དང་ལྡན་པ་
D7a.013.0242b04.01འདི་ནི་ཉོན་མོངས་པ་མི་འདོད་དོ་ཞེས་ནས་ཚེ་དང་ལྡན་པ་འདི་ནི་དགེའོ་ཞེས་སྩོལ་ཏེ། ཚེ་དང་ལྡན་པ་འདི་ནི་དབྱུང་བར་བྱའོ་ཞེས་བྱ་བའོ་ཞེས་བྱ་བའི་ཕྱིར་ཏེ། དེ་ལྟ་བུ་ན་ཡིད་མགུ་བར་བྱ་བ་ནི་དབྱུང་བའི་ཡོན་ཏན་ནོ། །ཅིའི་སླད་དུ་ན་དབྱུང་བར་བགྱི། རྣམ་པར་དག་པའི་ཕྱིར་དབྱུང་བར་བྱ་
D7a.013.0242b05.01སྟེ། ཕྱུང་ན་དགེ་སློང་དེ་རྣམ་པར་དག་པར་འགྱུར་ཞིང་ལྟུང་བ་མེད་དོ། །ཇི་ལྟར་གང་ཟག་འདི་གཉིས་ནི་རྣམ་པར་དག་པ་དང་། ཉོན་མི་མོངས་པ་ཡིན་ནོ་ཞེས་གསུངས་ཏེ། གང་ལ་ལྟུང་བ་མི་འབྱུང་བ་དང་། གང་ལ་བྱུང་ནའང་ཇི་ལྟར་ཆོས་བཞིན་སླར་བྱེད་པ་ཡིན་ཏེ། ཕྱུང་བ་ཡང་དེ་ལ་
D7a.013.0242b06.01དག་པར་འགྱུར་ཏེ། དེའི་ཕྱིར་ན་དབྱུང་བ་ཡང་རྣམ་པར་དག་པའི་ཕྱིར་རོ། །དེའི་ངོ་བོ་ཉིད་ཚོལ་བའི་ཕྱིར་སྦྱིན་པ་གང་ཞེ་ན། དགེ་སློང་གང་ཉེས་པ་ལས་བསྙོན། བསྙོན་པ་ལས་ཁས་བླངས། ཁས་བླངས་པ་ལས་ཡང་བསྙོན། ཡང་བསྙོན་པ་དེ་ལ་ནི་ངོ་བོ་ཉིད་ཚོལ་བའི་ཕྱིར་གསོལ་བ་
D7a.013.0242b07.01