完整藏文原文 · 德格版页 当前仅加载第 13 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། ཚད་མེད་དགེ་བ་དང་། དགེ་རྒྱས་དང་། སྤྲིན་མེད་དང་། བསོད་ནམས་འཕེལ་དང་། འབྲས་བུ་ཆེ་བ་དང་། མི་ཆེ་བ་དང་། མི་གདུང་བ་དང་། ཤིན་ཏུ་མཐོང་བ་དང་། གྱ་ནོམ་སྣང་བ་དང་། འོག་མིན་གྱི་ལྷར་སོང་ནས་མི་རྟག་པ་དང་། སྡུག་བསྔལ་བ་
D7a.013.0143b01.01དང་། སྟོང་པ་ཉིད་དང་། བདག་མེད་པ་རྣམས་བསྒྲགས་ཏེ་ཚིགས་སུ་བཅད་པ་གཉིས་ཀྱང་བརྗོད་དོ། །འབྱུང་བར་བྱ་ཕྱིར་བརྩམ་པར་བྱོས། །སངས་རྒྱས་བསྟན་ལ་བརྩོན་པར་བྱོས། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་རྣམས་གཞོམ་པར་བྱོས། །
D7a.013.0143b02.01གང་ཞིག་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་འབྱིན་པར་འགྱུར། །དེ་ནས་འོད་ཟེར་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བསྐོར་ནས་བཅོམ་ལྡན་འདས་ཀྱི་ཕྱི་བཞིན་དུ་
D7a.013.0143b03.01འབྲང་ངོ་། །དེ་དག་གལ་ཏེ་བཅོམ་ལྡན་འདས་ཀྱིས་འདས་པའི་ལས་ལ་ལུང་སྟོན་བཞེད་པར་གྱུར་ན་བཅོམ་ལྡན་འདས་ཀྱི་རྒྱབ་ཏུ་ནུབ་བོ། །མ་འོངས་པའི་དུས་ལ་ལུང་སྟོན་པར་བཞེད་པར་གྱུར་ན་མདུན་དུ་ནུབ་བོ། །དམྱལ་བར་ལུང་སྟོན་པར་བཞེད་པར་གྱུར་ན་ཞབས་ཀྱི་
D7a.013.0143b04.01མཐིལ་དུ་ནུབ་བོ། །བྱོལ་སོང་དུ་སྐྱེ་བར་ལུང་སྟོན་པར་བཞེད་པར་གྱུར་ན་རྟིང་པར་ནུབ་བོ། །{ཡི་དགས་,ཡི་དྭགས་}སུ་སྐྱེ་བར་ལུང་སྟོན་པར་བཞེད་པར་གྱུར་ན་ཞབས་ཀྱི་མཐེ་བོར་ནུབ་བོ། །མིར་སྐྱེ་བར་ལུང་སྟོན་པར་བཞེད་པར་གྱུར་ན་པུས་མོར་ནུབ་བོ། །སྟོབས་ཀྱི་འཁོར་ལོས་སྒྱུར་བའི་
D7a.013.0143b05.01རྒྱལ་པོར་ལུང་སྟོན་བཞེད་པར་གྱུར་ན་ཕྱག་གཡོན་པའི་མཐིལ་དུ་ནུབ་བོ། །འཁོར་ལོས་སྒྱུར་བའི་རྒྱལ་པོར་ལུང་སྟོན་བཞེད་པར་གྱུར་ན་ཕྱག་གཡས་པའི་མཐིལ་དུ་ནུབ་བོ། །ལྷར་སྐྱེ་བར་ལུང་སྟོན་བཞེད་པར་གྱུར་ན་ལྟེ་བར་ནུབ་བོ། །ཉན་ཐོས་ཀྱི་བྱང་ཆུབ་ཏུ་ལུང་སྟོན་བཞེད་པར་
D7a.013.0143b06.01གྱུར་ན་ཞལ་དུ་ནུབ་བོ། །རང་བྱང་ཆུབ་ཏུ་ལུང་སྟོན་བཞེད་པར་གྱུར་ན་སྨིན་མཚམས་སུ་ནུབ་བོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་བཞེད་པར་གྱུར་ན་སྤྱི་བོའི་གཙུག་ཏུ་ནུབ་བོ། །དེ་ནས་འོད་ཟེར་དེས་བཅོམ་ལྡན་འདས་ལ་ལན་གསུམ་བསྐོར་བ་བྱས་
D7a.013.0143b07.01