完整藏文原文 · 德格版页 当前仅加载第 13 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བསླངས་ཏེ། དེ་རྫངས་ལ་སོགས་པ་བརྫངས་ཏེ་བཏང་ངོ་། །དུས་ཕྱི་ཞིག་ན་ཁྱིམ་པ་དེ་དུས་འདས་ནས་དེ་ཁྱོ་དང་བྲལ་བའི་མྱ་ངན་གྱིས་གདུངས་ནས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ་། །དེ་དུས་ཕྱི་ཞིག་ན་མུ་གེ་བྱུང་ནས་བསོད་སྙོམས་སློང་ཞིང་འདུག་པ་
D7a.013.0131b01.01དང་། དེ་བསོད་སྙོམས་སྤྱོད་པ་ལས་སྲང་ཞིག་ཏུ་དེའི་ཕས་མཐོང་ནས། དེས་སྨྲས་པ། བུ་མོ་ད་ལྟར་གང་ན་ཇི་ལྟར་འཚོ་ཞིང་འདུག་ཅེས་སྨྲས་པ་དང་། དེས་ཕ་མུ་གེ་བྱུང་ནས་བདག་རབ་ཏུ་བཀྲེས་ཤིང་འདུག་གོ་ཞེས་སྨྲས་པ་དང་། དེས་བུ་མོ་དེ་ལྟར་ན་ཁྱོད་རབ་ཏུ་མ་བྱུང་ན་ནི་ངས་ཁྱེད་
D7a.013.0131b02.01ལ་མི་འདོད་བཞིན་དུ་སྦྱིན་ན། ད་བསོད་སྙོམས་མ་བྱེད་པར་བདག་གི་ཁྱིམ་དུ་ཟན་ཟ་ཞིང་དབྱར་མོ་ཁང་དུ་སོང་ཞིག །དེས་ཁས་བླངས་ནས་དེ་གྲོགས་གཅིག་དང་གཉིས་ཀྱིས་ཟོས་ཤིང་དབྱར་མོ་ཁང་དུ་སོང་ངོ་། །ཞག་དུ་མ་ཞིག་གི་བར་དུ་དེར་ཟོས་ནས། བུ་བསོད་སྙོམས་པ་གཉིས་ནི་ཟས་
D7a.013.0131b03.01སྦྱིན་པར་མི་ནུས་ཀྱིས། ཁྱོད་གཅིག་པུ་འདིར་ཟན་ཟོས་ཤིང་སོང་ཤིག་ཅེས་སྨྲས་པ་དང་། དེས་ཕ་བཅོམ་ལྡན་འདས་ཀྱིས་གཅིག་པུར་གྲོང་དུ་འགྲོ་བར་མ་གནང་ངོ་ཞེས་སྨྲས་པ་དང་། དེ་ཅང་མི་ཟེར་བར་འདུག་གོ། །དེ་ལྟར་གྱུར་པ་དགེ་སློང་མ་དག་ལ་སྨྲས་པ་དང་། དགེ་སློང་མ་དག་
D7a.013.0131b04.01གིས་དགེ་སློང་ལ་སྨྲས་ནས། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་ན་ངས་གནང་གིས་དུས་འདི་འདྲ་བ་ལ་ནི་དགེ་སློང་མས་དགེ་སློང་མའི་དགེ་འདུན་ལ་གཉེན་དང་། ལྷན་ཅིག་འདྲེ་བར་ཉེ་སྤྱོད་ཀྱི་སྡོམ་པ་གསོལ་
D7a.013.0131b05.01ཅིག །གསོལ་པ་ནི་འདི་ལྟར་གྱིས་ཤིག །སྟན་བཏིང་བ་ལ་གཎྜཱི་བརྡུངས་ཏེ། དགེ་སློང་མའི་དགེ་འདུན་དག་འདུས་ཤིང་འཁོད་པ་དང་། ཇི་ལྟར་རྒན་རིམས་སུ་ཕྱག་བྱོས་ལ། རྒན་རིམས་ཀྱི་མདུན་དུ་ཕ་གུའམ་སྟན་ནང་ཚངས་ཅན་གྱི་སྟེང་དུ་འདུག་ནས་ཐལ་མོ་སྦྱོར་ལ་ཚིག་
D7a.013.0131b06.01འདི་སྐད་ཅེས་སྨྲོས་ཤིག །གསོན་ཅིག་འཕགས་མའི་དགེ་འདུན་མ་རྣམས་བདག་མིང་འདི་ཞེས་བགྱི་བས། འདི་འདྲ་བའི་མུ་གེའི་དུས་ལ་བབ་ནས་བསོད་སྙོམས་བསླང་བ་ཡང་མི་ནུས་ན། འཕགས་མའི་དགེ་འདུན་མ་ལ་བདག་མིང་འདི་ཞེས་བགྱི་བ་འཕགས་མའི་དགེ་འདུན་མ་
D7a.013.0131b07.01