完整藏文原文 · 德格版页 当前仅加载第 13 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
ལུང་སྟོན་པར་བྱེད་པ་དང་། །གྲོང་དུ་ཉེ་བར་འགྲོ་བ་གཉིས། །རྐུ་བ་རྣམ་པ་ལྔ་སྟེ། སྒྱུས་རྐུ་བ་དང་། མཐུས་རྐུ་བ་དང་། ཕྱིར་སྦྱིན་ནོ་ཞེས་ཟེར་ཞིང་རྐུ་བ་དང་། བརྣོགས་ཏེ་རྐུ་བ་དང་། བསྔོས་ཏེ་རྐུ་བ་དང་ལྔའོ། །གང་ཟག་སྐབས་འབྱེད་པར་མི་བྱ་བ་ལྔ་སྟེ། ངོ་ཚ་བ་མེད་
D7a.013.0053b01.01པ་དང་། བར་ཆད་ཡོད་པ་དང་། ཚིག་མི་བརྟན་པ་དང་། རང་བཞིན་དུ་མི་གནས་པ་དང་། ཕས་ཕམ་པ་བྱུང་བ་དང་ལྔའོ། །སྦྱིན་པ་ལྔ་བསོད་ནམས་མ་ཡིན་པར་བགྲང་སྟེ། མཚོན་བྱིན་པ་དང་། ཆང་བྱིན་པ་དང་། དུག་བྱིན་པ་དང་། བུད་མེད་བྱིན་པ་དང་། ཆོས་
D7a.013.0053b02.01མ་ཡིན་པ་བྱིན་པ་དང་ལྔའོ། །རྒྱུ་དང་རྐྱེན་ལྔས་གསོ་སྦྱིན་གྱི་གནས་སུ་མ་སོང་ཡང་ཉེས་པར་མི་འགྱུར་ཏེ། རྒྱལ་པོས་བར་ཆད་བྱས་པ་དང་། ཆུས་ཁྱེར་བ་དང་། མེས་ཚིག་པ་དང་། མི་མ་ཡིན་པས་བར་ཆད་དུ་བྱས་པ་དང་ལྔའོ། །བཀའ་ལུང་སྟོན་པ་ལ་རྣམ་པ་ལྔ་སྟེ།
D7a.013.0053b03.01སྨྱོན་པ་ཡིན་ཏེ་སེམས་འཁྲུགས་པ་ནད་ཀྱིས་གཟིར་བས་བཀའ་ལུང་སྟོན་པ་དང་། ཚུལ་འཆོས་པ་ཡིན་ཏེ། སྡིག་པ་ལ་དད་པས་ཚུལ་འཆོས་པས་བཀའ་ལུང་སྟོན་པ་དང་། བླུན་པ་ཡིན་ཏེ་བླུན་པ་ཉམ་ཆུང་བ་རྨོངས་པས་བཀའ་ལུང་སྟོན་པ་དང་། མངོན་པའི་ང་རྒྱལ་ཅན་
D7a.013.0053b04.01ཡིན་ཏེ། མངོན་པའི་ང་རྒྱལ་གྱིས་བཀའ་ལུང་སྟོན་པ་དང་། ཡང་དག་པར་རྣམ་པར་གྲོལ་བ་ཡིན་ཏེ། ཡང་དག་པར་རྣམ་པར་གྲོལ་བས་བཀའ་ལུང་སྟོན་པའོ། །གྲོང་དུ་ཉེ་བར་འགྲོ་བའི་དགེ་སློང་གྲོང་དུ་སོང་ན་ཉེས་པའི་དམིགས་རྣམ་པ་ལྔར་རིག་པར་བྱ་སྟེ། ལྔ་གང་
D7a.013.0053b05.01ཞེ་ན། དགེ་སློང་འཁོད་བཞིན་དུ་ཤེས་པར་མ་བྱས་པར་དུས་མ་ཡིན་པར་གྲོང་གི་ནང་དུ་འགྲོ་བ་དང་། ལེགས་པར་མ་བརྟགས་པར་སྟན་ལ་འདུག་པ་དང་། བུད་མེད་ལ་ཚིག་ལྔ་ལས་ལྷག་པར་ཆོས་འཆད་པ་དང་། བུད་མེད་དང་ལྷན་ཅིག་གཉིས་སུ་སྟན་གཅིག་ལ་
D7a.013.0053b06.01འདུག་པ་དང་། སྨེན་ངན་དང་བཅས་པའི་གྲོང་དུ་ནན་གྱིས་སྟན་ལ་འདུག་པའོ། །གྲོང་དུ་ཉེ་བར་འགྲོ་བའི་དགེ་སློང་དྲན་པ་ཉམས་པར་གྲོང་དུ་སོང་ན་གཞན་ཡང་ཉེས་པའི་དམིགས་ལྔར་རིག་པར་བྱའོ། །བུད་མེད་ལ་རྒྱུན་དུ་བལྟ་བ་དང་། བལྟ་ཞིང་གཏམ་ཟེར་བ་དང་།
D7a.013.0053b07.01