完整藏文原文 · 德格版页 当前仅加载第 13 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་པ་བདག་གིས་དུག་རྣོན་པོས་ཞལ་ཟས་དང་། སྐྱེམས་ཀྱི་ནང་དུ་སྦྱར་གྱིས་དེ་དག་ཕོ་ལ་གདོད་སྦྱར་རོ་ཞེས་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གང་འདོད་ཆགས་ཀྱི་དུག་དང་། ཞེ་སྡང་གི་དུག་དང་། གཏི་མུག་གི་དུག་ཀྱང་
D7a.013.0173a01.01རབ་ཏུ་སྐྱུགས་ཤིང་བོར་ན་དུག་ངན་པ་འདི་ལྟ་བུ་ཅི་ཞིག་བྱར་ཡོད་ཀྱིས་གང་སྦྱར་བ་དེ་ཁྱེར་ཏེ་ཤོག་ཤིག །དེ་ནས་བཅོམ་ལྡན་འདས་དགེ་སློང་གི་དགེ་འདུན་གྱི་མདུན་དུ་གདན་བཏིང་བ་ལ་བཞུགས་ཏེ། བཞུགས་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་
D7a.013.0173a02.01སོང་ལ་དགེ་སློང་དག་ལ་འདི་སྐད་དུ་ནམ་རྒན་རིམས་སུ་འབྱོར་ཚོགས་སོ་ཞེས་སྐད་མ་ཕྱུང་གི་བར་དུ་སུ་ཡང་ཟན་མ་ཟ་ཞིག་པར་སྒོ་ཤིག །དེ་ནས་ཚེ་དང་ལྡན་པ་ཀུན་དགའ་བོས་དགེ་སློང་དག་ལ་ཚེ་དང་ལྡན་པ་དག་བཅོམ་ལྡན་འདས་ཀྱིས་བཀའ་སྩལ་པ་ནི་རྒན་རིམས་སུ་འབྱོར་ཚོགས་
D7a.013.0173a03.01སོ་ཞེས་སྐད་མ་ཕྱུང་གི་བར་དུ་སུ་ཡང་ཟན་མ་ཟ་ཞིག་ཅེས་བྱུང་ངོ་། །དེ་ནས་དགེ་སློང་གི་དགེ་འདུན་དེ་དག་བདེ་བར་འཁོད་ནས། ཁ་ཟས་དག་བསྙེན་པ་དང་། འཕྲུལ་དང་། རྫུ་འཕྲུལ་དང་། ཆོ་འཕྲུལ་གྱིས་དཔལ་སྦེད་ཀྱི་ཁྱིམ་དུ་རྒན་རིམས་སུ་འབྱོར་ཚོགས་ཞེས་སྐད་ཕྱུང་བ་
D7a.013.0173a04.01དང་། ཁ་ཟས་དང་སྐོམ་དག་ཀྱང་དུག་མེད་པར་གྱུར་ཏོ། །དཔལ་སྦེད་དེ་དོགས་བཞིན་དུ་ཁ་ཟས་དང་སྐོམ་དག་འབྲིམ་ཞིང་བསམས་པ། རྒན་རིམས་ནས་གཞོན་ནུ་དག་གི་དྲུང་དུ་འོངས་པ་དང་། ད་ཙམ་དགེ་སློང་རྒན་རིམས་དག་ནི་དུག་རྣོན་པོས་འགྱེལ་གོར་མ་ཆག་གོ། །གཞོན་
D7a.013.0173a05.01ནུ་ནས་ཡང་རྒན་རིམས་ཀྱི་དྲུང་དུ་འོངས་ནས་ཡང་འདི་སྙམ་དུ་སེམས་ཏེ། དེའི་བློ་ཡང་དེ་ལྟ་བུར་སྐྱེས་ནས། བཅོམ་ལྡན་འདས་ནི་འདོད་ཆགས་དང་། ཞེ་སྡང་དང་། གཏི་མུག་གི་དུག་སྤངས་ཀྱི། ཉན་ཐོས་ཐམས་ཅད་ཀྱི་མ་ཡིན་སྙམ་དུ་བསམས་ནས། དེ་ལྟར་དགེ་སློང་
D7a.013.0173a06.01དག་ཐམས་ཅད་ཀྱིས་བཤོས་གསོལ་ན་གཅིག་ལ་ཡང་གནོད་པར་མ་གྱུར་ཏོ། །ཆུང་ངུ་ན་དེའི་ལྷག་མ་ཟོས་པ་དག་ལ་ཡང་གནོད་པར་མ་གྱུར་ཏོ། །དེ་ནས་ཁྱིམ་བདག་དཔལ་སྦེད་ཕྱི་ཕྱིར་དད་པ་སྐྱེས་སོ། །དེ་ཆུང་མ་དང་གཉིས་ཀྱིས་བཅོམ་ལྡན་འདས་བཤོས་གསོལ་ནས།
D7a.013.0173a07.01