完整藏文原文 · 德格版页 当前仅加载第 13 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་འདའ་བར་བྱེད་པ་མ་ཡིན་ནམ། ཅི་ཚེ་དང་ལྡན་པ་འདིས་རིགས་པ་མི་རིགས་པར་མི་བྱེད་དམ། རིགས་པ་གཅོད་པར་མི་བྱེད་དམ། ཅི་ཚེ་དང་ལྡན་པ་འདི་སྟོན་པས་བསྟན་པ་ཆོས་དང་འདུལ་བས་རབ་ཏུ་ཞི་བར་བྱེད་དམ། ཅི་ཚེ་དང་ལྡན་པ་
D7a.013.0063a01.01འདིས་ཚེ་དང་ལྡན་པ་འདི་མི་དགེ་བའི་གནས་ནས་བསླངས་ཏེ། དགེ་བའི་གནས་སུ་འཇོག་པར་བྱེད་དམ། ཨུ་པཱ་ལི་རྒོལ་བ་དང་ལན་གློན་པའི་དགེ་སློང་དག་རྩོད་པ་ཞི་བར་འདོད་པས་ཆོས་བཅུ་དྲུག་པོ་དེ་དག་དང་ལྡན་པའི་གཟུ་བོ་འདུལ་བ་འཛིན་པ་བཙལ་བར་
D7a.013.0063a02.01བྱའོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་ལྔ་དང་ལྡན་ན་རྩོད་པ་ཞི་བར་བྱེད་མི་ནུས་ཏེ། ལྔ་གང་ཞེ་ན། རྒོལ་བ་དང་ལན་གློན་པའི་དགེ་སློང་ལ་ཆོས་མ་ཡིན་པའི་ཕྱོགས་སུ་འཇུག་པ་དང་། རྒོལ་བ་དང་ལན་གློན་པའི་དགེ་སློང་ལ་འཐབ་པ་དང་།
D7a.013.0063a03.01མཚང་འདྲུ་བ་དང་། འཁོན་པ་དང་། རྩོད་པར་སྐུལ་བ་དང་། གཟུ་བོའི་དགེ་སློང་རྣམས་ཀྱི་མདོ་སྡེའི་ཚིག་མི་བརྩན་པར་བྱེད་པ་དང་། དགེ་སློང་གཅེས་པ་རྣམས་ལ་ཕྱས་འདོགས་པ་དང་། རྩོད་པའི་ཐོག་མ་དང་། བར་མ་དང་། ཐ་མལ་མི་མཁས་
D7a.013.0063a04.01པར་གྱུར་པའོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་འདི་ལྔ་དང་ལྡན་ན་རྩོད་པ་ཞི་བར་བྱེད་ནུས་པར་འགྱུར་རོ། །ལྔ་གང་ཞེ་ན། རྒོལ་བ་དང་ལན་གློན་པའི་དགེ་སློང་ལ་ཆོས་ཀྱི་ཕྱོགས་སུ་འཇུག་པ་དང་། རྒོལ་བ་དང་ལན་གློན་པའི་དགེ་སློང་འཐབ་
D7a.013.0063a05.01པ་དང་། མཚང་འདྲུ་བ་དང་། འཁོན་པ་དང་། རྩོད་པར་མི་སྐུལ་བ་དང་། གཟུ་བོའི་དགེ་སློང་རྣམས་ཀྱི་མདོ་སྡེའི་གཞུང་བརྩན་པར་བྱེད་པ་དང་། དགེ་སློང་གཅེས་པ་ལ་ཕྱས་མི་འདོགས་པ་དང་། རྩོད་པའི་ཐོག་མ་དང་བར་མ་དང་ཐ་མ་ལ་མཁས་པར་གྱུར་
D7a.013.0063a06.01པའོ། །ཨུ་པཱ་ལི་དེ་ལ་གཟུ་བོ་འདུལ་བ་འཛིན་པ་དེས་རྩོད་པ་རབ་ཏུ་གཟུང་བར་འདོད་ན་གནས་བཅུ་དྲུག་ཏུ་བདག་དང་གཞན་ལ་ཤིན་ཏུ་བརྟགས་ལ་གདོད་རྩོད་པ་གཟུང་བར་བྱ་སྟེ། རྣམ་པ་བརྒྱད་ཀྱིས་ནི་བདག་ཉིད་ཤིན་ཏུ་བརྟག་པར་བྱ། རྣམ་པ་བརྒྱད་ཀྱིས་
D7a.013.0063a07.01