完整藏文原文 · 德格版页 当前仅加载第 13 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། {རི་དགས་,རི་དྭགས་}གསོད་པ་རྣམས་སོ། །འོ་ན་བཙུན་པ་སུས་བླང་ཞིང་བྱིན་ལེན་བགྱི། ཨུ་པཱ་ལི་དགེ་བསྙེན་དད་པས་སོ། །གླེང་གཞི་ནི་མཉན་དུ་ཡོད་པ་ན་སྟེ། དེའི་དུས་ན་དགེ་སློང་གཞན་ཞིག་ན་བར་གྱུར་ནས་དེ་སྨན་པའི་དྲུང་དུ་སོང་སྟེ། ནད་མེད་ཅིག་ཅེས་སྨྲས་ནས་
D7a.013.0081b01.01བཞིན་{བཟངས་,བཟང་}བདག་ནད་འདི་དང་འདི་ལྟ་བུ་ཞིག་གིས་བཏབ་ན་དཔྱད་ཅིག་སྟོན་ཅིག །དེས་འཕགས་པ་མར་འཐུང་ཤིག་དང་འཚོ་བར་འགྱུར་རོ་ཞེས་སྨྲས་པ་དང་། དེས་བཞིན་{བཟངས་,བཟང་}བཅོམ་ལྡན་འདས་ཀྱིས་མ་གནང་ངོ་ཞེས་སྨྲས་པ་དང་། སྨན་པས་ཁྱོད་ཀྱི་སྟོན་
D7a.013.0081b02.01པ་ནི་ཐུགས་རྗེ་ཅན་ཡིན་གྱིས་གནང་བར་འགྱུར་རོ་ཞེས་སྨྲས་པ་དང་། དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་སྨན་པས་མར་གྱིས་འཚོ་བར་འགྱུར་ཞེས་བསྒོ་ན་འཐུང་ཤིག །དགེ་སློང་
D7a.013.0081b03.01དེས་མར་འཐུངས་ན་སྐོམ་གྱིས་གཟིར་བར་གྱུར་ཏེ། དེས་སྨན་པ་ལ་བཞིན་{བཟངས་,བཟང་}བདག་ནི་སྐོམ་པས་གཟིར་ཏོ། །དེས་སྨྲས་པ་འཕགས་པ་རྩབ་མོ་སྐྱུར་པོ་འཐུང་ཤིག །དེས་སྨྲས་པ། བཅོམ་ལྡན་འདས་ཀྱིས་དུས་མ་ཡིན་པའི་ཟས་མ་གནང་ན་ཇི་ལྟར་འཐུང་བར་
D7a.013.0081b04.01བྱ། སྨན་པས་སྨྲས་པ། འཕགས་པ་ཁྱོད་ཀྱི་སྟོན་པ་ནི་ཐུགས་རྗེ་ཅན་ཡིན་ཏེ་གནང་དུ་གདོན་མི་ཟའོ། །དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་ན་རྩབ་མོ་སྐྱུར་པོ་འཐུང་ཤིག་
D7a.013.0081b05.01ཅེས་རྗེས་སུ་གནང་བ་དང་། དགེ་སློང་དག་གིས་རྩབ་མོ་སྐྱུར་པོ་ཇི་ལྟར་བཏུང་བ་མི་ཤེས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྩབ་མོ་སྐྱུར་པོ་ནི་རྣམ་པ་འདི་ལྔའོ། །
D7a.013.0081b06.01ལྔ་གང་ཞེ་ན། འདི་ལྟ་སྟེ། འབྲས་བུའི་ཆང་ལས་ཚར་གྱུར་པ་དང་། འབྲུའི་ཆང་ལས་ཚར་གྱུར་པ་དང་། ཞོའི་ཆུ་དང་། དར་བ་དང་། རྩབ་མོ་དང་ལྔའོ། །དེ་ལ་འབྲས་བུའི་ཆང་ལས་ཚར་གྱུར་པ་ནི་གང་འབྲས་བུ་རྣམས་ལས་བྱས་པ་དང་། མ་རུང་སྟེ་སྐྱུར་པོར་
D7a.013.0081b07.01