完整藏文原文 · 德格版页 当前仅加载第 13 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྣམས་ལ་དོན་མ་ཡིན་པ་དང་། མི་ཕན་པའི་རྙེད་པ་ལ་ཞུགས་པ་ཡིན་ནོ། །གཞན་ཡང་ཆོས་རྣམ་པ་ལྔ་དང་ལྡན་པའི་དགེ་སློང་ནི་དགེ་བསྙེན་ཕས་མ་དད་པ་ཚོར་བར་བྱ་བར་རིགས་ཏེ། ལྔ་གང་ཞེ་ན། སངས་རྒྱས་ལ་ངན་དུ་བརྗོད་པ་དང་། ཆོས་ལ་ངན་དུ་
D7a.013.0031a01.01བརྗོད་པ་དང་། དགེ་འདུན་ལ་ངན་དུ་བརྗོད་པ་དང་། མི་སྤྱད་པ་སྤྱོད་པ་དང་། དགེ་སློང་གི་བསླབ་པ་ལ་མ་མོས་པའོ། །ཆོས་རྣམ་པ་ལྔ་དང་ལྡན་པའི་དགེ་བསྙེན་ནི་དགེ་འདུན་གྱི་ལྷུང་བཟེད་ཁས་ཕུབ་པར་འོས་ཏེ། ལྔ་གང་ཞེ་ན། དགེ་སློང་དག་ལ་ཁ་ཟེར་བ་དང་།
D7a.013.0031a02.01དགེ་སློང་དག་ལ་མི་སྙན་པར་སྨྲ་བ་དང་། དགེ་སློང་དག་ལ་ངན་དུ་བརྗོད་པ་དང་། དགེ་སློང་རྣམས་ལ་མི་ཕན་པ་དང་། དོན་མ་ཡིན་པར་བྱེད་པ་དང་། རྙེད་པར་འདོད་པ་དང་། ཞུགས་པ་རྣམས་ཡིན་ནོ། །གཞན་ཡང་ཆོས་རྣམ་པ་ལྔ་དང་ལྡན་པའི་དགེ་བསྙེན་ནི་དགེ་འདུན་
D7a.013.0031a03.01གྱི་ལྷུང་བཟེད་ཁས་དབུབ་པར་འོས་ཏེ། ལྔ་གང་ཞེ་ན། སངས་རྒྱས་ལ་ངན་དུ་བརྗོད་པ་དང་། ཆོས་ལ་ངན་དུ་བརྗོད་པ་དང་། དགེ་འདུན་ལ་ངན་དུ་བརྗོད་པ་དང་། མི་སྤྱད་པ་སྤྱོད་པ་དང་། དགེ་བསྙེན་གྱི་བསླབ་པ་ལ་མི་སློབ་པའོ། །ཆོས་རྣམ་པ་ལྔ་དང་ལྡན་པའི་འདུལ་
D7a.013.0031a04.01བ་འཛིན་པ་ནི་རྩོད་པ་ཞི་བར་བྱེད་མི་ནུས་པ་སྟེ། ལྔ་གང་ཞེ་ན། ཤེན་དམན་པར་གྱུར་པ་དང་། ལོག་ཤིག་ཏུ་འགྲོ་བ་དང་། མང་དུ་སྨྲ་བར་གྱུར་པ་དང་། ཚིག་ཀྱལ་པར་སྨྲ་བ་དང་། མི་ཕན་པ་སྡུད་པར་གྱུར་པ་ཡིན་ཏེ། དེ་རྣམ་པ་ལྔ་ལས་དཀར་པོའི་ཕྱོགས་སུ་བཟློག་པ་
D7a.013.0031a05.01ཡང་བརྗོད་པར་བྱའོ། །གཞན་ཡང་ཆོས་རྣམ་པ་ལྔ་དང་ལྡན་པའི་འདུལ་བ་འཛིན་པ་ནི་རྩོད་པ་ཞི་བར་བྱེད་མི་ནུས་པ་སྟེ། ལྔ་གང་ཞེ་ན། འཁྲུལ་པ་འཛིན་པ་དང་། གསང་བའི་ཚིག་འཛིན་པ་དང་། ཚིག་མང་པོ་འཛིན་པ་དང་། མ་ངེས་པར་འཛིན་པ་དང་། ལན་གསུམ་
D7a.013.0031a06.01གྱི་བར་དུ་དམ་བཅར་མ་བཅུག་པར་མཆོད་པ་ཡིན་ཏེ། དཀར་པོའི་ཕྱོགས་སུ་བཟློག་པར་ཡང་རྣམ་པ་ལྔར་བརྗོད་པར་བྱའོ། །གཞན་ཡང་ཆོས་རྣམ་པ་ལྔ་དང་ལྡན་པའི་འདུལ་བ་འཛིན་པ་ནི་རྩོད་པ་ཞི་བར་བྱེད་མི་ནུས་ཏེ། ལྔ་གང་ཞེ་ན། བདག་གིས་སྨྲ་བ་མཐར་ཐུག་པར་མི་
D7a.013.0031a07.01