完整藏文原文 · 德格版页 当前仅加载第 13 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
ན། གང་ཟག་དེ་དག་ནི་འཁོར་སུན་ཕྱུང་བར་བྱེད་པ་ཞེས་བྱ་སྟེ། ཐམས་ཅད་ཀྱང་འཁོར་སུན་པར་བྱེད་པ་སྟེ། བསྙེན་པར་རྫོགས་པར་བྱ་བ་མ་ཡིན་པའོ། །བསྙེན་པར་རྫོགས་པ་གང་ཞེ་ན། གང་ཟག་འདི་ཞེས་བྱ། མིང་འདི་ཞེས་བྱ། རིགས་འདི་ཞེས་བྱ།
D7a.013.0236a01.01རུས་འདི་ཞེས་བྱ། འདི་ལྟར་ཆོས་བཞིན་འདུས་པའི་དགེ་འདུན་གྱིས་བསྙེན་པར་རྫོགས་པར་བྱས་པ་སྟེ། མངོན་དུ་སྐྱོ་བ་མེད་པ་དང་། གཞག་པ་མེད་པར་གསོལ་བ་དང་བཞིའི་ལས་ཀྱིས་བསྙེན་པར་རྫོགས་པ་འདི་ནི་བསྙེན་པར་རྫོགས་པ་ཞེས་བྱ་སྟེ། གང་རྗེས་སུ་གནང་
D7a.013.0236a02.01བཞིན་བསྙེན་པར་རྫོགས་པ་ནི་ལེགས་པར་བསྙེན་པར་རྫོགས་པའོ། །བསྙེན་པར་མ་རྫོགས་པ་གང་ཞེ་ན། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དགེ་འདུན་གྱི་དབྱེན་བྱས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་།
D7a.013.0236a03.01མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། ཐ་དད་དུ་གནས་པ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། སྔར་ཉམས་པ་འདི་དག་ནི་བསྙེན་པར་མ་རྫོགས་པ་ཞེས་བྱ་སྟེ། འདི་ནི་ཆོས་དང་འདུལ་བ་འདི་ལ་མི་སྐྱེ་བའི་ཆོས་
D7a.013.0236a04.01ཅན་ནོ། །ཅིའི་ཕྱིར་ན་བསྙེན་པར་མ་རྫོགས་པ་ཞེས་བྱ་ཞེ་ན། མཚུངས་པར་བསླབ་པ་མ་ཐོབ་པ་སྟེ། དེའི་ཕྱིར་བསྙེན་པར་མ་རྫོགས་པ་ཞེས་བྱའོ། །གང་ཟག་བཅུ་གསུམ་པོ་འདི་མ་གཏོགས་པ་རྣམས་ནི་བསྙེན་པར་རྫོགས་པར་བྱའོ། །དེ་སྟེ་བསྙེན་པར་རྫོགས་པར་བྱས་ན་བསྙེན་
D7a.013.0236a05.01པར་རྫོགས་པ་ཞེས་ཀྱང་མི་བྱ་ལ། བསྙེན་པར་རྫོགས་པར་བྱེད་པའང་འདས་པ་དང་བཅས་པར་འགྱུར་སྟེ། དེ་ལྟ་བས་ན་ངས་བསྙེན་པར་མ་རྫོགས་པ་ཞེས་གསུངས་སོ། །ལས་གང་ཞེ་ན། གསོལ་བའི་ལས་དང་། གསོལ་བ་དང་གཉིས་ཀྱི་ལས་དང་། གསོལ་བ་དང་བཞིའི་ལས་སོ། །
D7a.013.0236a06.01ཅིའི་ཕྱིར་ན་ལས་ཞེས་བྱ་ཞེ་ན། རྣམ་པ་གཉིས་ཀྱི་ཕྱིར་ལས་ཞེས་བྱ་སྟེ། ཆད་པས་གཅད་པའི་ལས་དང་སྨ་དབབ་པའི་ལས་དང་། ཆོས་དཀར་པོ་ལ་ཡི་དམ་འཆའ་བའི་ལས་སོ། །ཆད་པའི་ལས་དང་སྨ་དབབ་པའི་ལས་གང་ཞེ་ན། འདི་ལྟ་སྟེ། བསྡིགས་པ་དང་། སྨད་པ་དང་། བསྐྲད་པ་དང་།
D7a.013.0236a07.01