完整藏文原文 · 德格版页 当前仅加载第 13 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་དང་ལྕི་བ་དང་། །སྤྱད་པར་སྨྲས་པ་སྨ་བབ་དང་། །བཅས་པ་མ་ཡེངས་ལོག་པར་ལྟུང་། །དགེ་འདུན་གྱི་ཞལ་ཏ་བ་གཉིས་ཏེ། དེ་བཞིན་གཤེགས་པ་ལ་སྐུར་པ་འདེབས་ཤིང་ཤིན་ཏུ་འདའ་བར་བྱེད་པ་གསུངས་པ་བཞིན་མི་སྨྲ་བ། ཆོས་བཞིན་མི་སྨྲ་བ།
D7a.013.0025a01.01ཆོས་དང་གཉེར་བའི་ཆོས་ཀྱི་རྗེས་བཞིན་མི་བྱེད་པ་སྟེ། ཆོས་མ་ཡིན་པ་ལ་ཆོས་སུ་བརྗོད་ཆོས་ལ་ཆོས་མ་ཡིན་པར་བརྗོད་ཅིང་། དེ་དག་ལ་སྨྲས་པའི་ལན་སླར་གློན་པ་ནི་ཆོས་མཐུན་པ་དག་གིས་སྨད་པའི་གནས་སུ་འགྱུར་རོ། །དགེ་འདུན་གྱི་ཞལ་ཏ་བ་གཉིས་ཏེ། དེ་བཞིན་
D7a.013.0025a02.01གཤེགས་པ་ལ་སྐུར་བ་མི་འདེབས་ཤིང་། ཤིན་ཏུ་འདའ་བར་མི་བྱེད་པ་གསུངས་པ་བཞིན་སྨྲ་བ། ཆོས་ཀྱི་རྗེས་སུ་ཆོས་བཞིན་དུ་བྱེད་དེ། ཆོས་ལ་ཆོས་བཞིན་དུ་བརྗོད། ཆོས་མ་ཡིན་པ་ལ་ནི་ཆོས་མ་ཡིན་པར་བརྗོད་པ། དེ་དག་ལ་སྨྲས་པའི་ལན་སླར་མི་གློན་པ་ནི་ཆོས་
D7a.013.0025a03.01མཐུན་པ་དག་གིས་སྨད་པའི་གནས་སུ་མི་འགྱུར་རོ། །མདོ་བར་མ་སྟེ། སྐུར་པ་འདེབས་པར་བྱེད་པ་དང་། །བསྡིགས་པ་ཉེས་པར་བཅས་པ་དང་། །ཁ་ན་མ་ཐོ་བྱིས་པ་དང་། །བར་མའི་མདོར་ནི་ཡང་དག་བསྡུས། །དགེ་འདུན་གྱི་ཞལ་ཏ་བ་གང་ཆོས་མ་ཡིན་པ་ལ་
D7a.013.0025a04.01ཆོས་སུ་བརྗོད། ཆོས་ལ་ཆོས་མ་ཡིན་པར་བརྗོད་པའི་ཆོས་དེ་གཉིས་དང་ལྡན་པ་ནི་བསྡིགས་པར་བྱའོ། །སྨད་པར་བྱའོ། །བསྐྲད་པར་བྱའོ། །སྤང་བར་བྱའོ། །ཕྱོགས་མེད་པར་བྱའོ། །ཞུམ་པར་བྱའོ། །སྤ་གོང་བར་བྱའོ། །དོགས་པ་དང་། ཐེ་ཚོམ་དང་།
D7a.013.0025a05.01འགྱོད་པ་རྣམས་བསྐྱེད་པར་བྱའོ། །ནར་བར་བྱ། གནད་དུ་ཕེབས་པར་བྱ། སྐྱོན་ཅན་དུ་བྱའོ། །དགེ་འདུན་གྱི་ཞལ་ཏ་བ་གང་ཆོས་ལ་ཆོས་སུ་བརྗོད། ཆོས་མ་ཡིན་པ་ལ་ཆོས་མ་ཡིན་པར་བརྗོད་པའི་ཆོས་དེ་གཉིས་དང་ལྡན་པ་ནི་བསྡིགས་པར་མི་བྱའོ། །སྨད་པར་མི་
D7a.013.0025a06.01བྱའོ། །བསྐྲད་པར་མི་བྱའོ། །སྤང་བར་མི་བྱའོ། །ཕྱོགས་མེད་པར་མི་བྱའོ། །ཞུམ་པར་མི་བྱའོ། །སྤ་གོང་བར་མི་བྱའོ། །དོགས་པ་དང་། ཐེ་ཚོམ་དང་། འགྱོད་པ་རྣམས་བསྐྱེད་པར་མི་བྱའོ། །ནར་བར་མི་བྱའོ། །གནད་དུ་ཕེབས་པར་མི་བྱའོ། །སྐྱོན་
D7a.013.0025a07.01