完整藏文原文 · 德格版页 当前仅加载第 13 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
ན་ན་ཡང་གཡེལ་བར་མི་དོར་ཏེ། དེ་ནི་གཞི་ན་གནས་པའི་བྱ་བ་ཞེས་བྱའོ། །ངལ་བསོ་བའི་བྱ་བ་གང་ཞེ་ན། གློ་བུར་དུ་འོངས་པའི་དགེ་སློང་གིས་གཙུག་ལག་ཁང་དུ་འོངས་ན་དེས་གཞི་ན་གནས་པའི་དགེ་སློང་དག་ལས་མལ་སྟན་གྱི་རྣམས་བརྐམ་
D7a.013.0307a01.01ཞིང་{རིངས་,རིང་}ཐབས་སུ་དགུག་པར་མི་བྱ། སྣང་བའི་གནས་སུ་འདུག་པར་བྱ། སྤྱོད་ལམ་བཟང་བར་བྱ། ལེགས་པར་བགོ་བར་བྱ། ལེགས་པར་བསྡམ་པར་བྱའོ། །འདི་ཡང་ངལ་བསོ་བའི་བྱ་བ་ཡིན་ཏེ། གཞི་ན་གནས་པའི་དགེ་སློང་དག་གིས་དགེ་སློང་གློ་བུར་
D7a.013.0307a02.01དུ་ལྷགས་པ་མཐོང་ན་དེ་སྟེ་ངོ་ཤེས་ན་ངལ་བསོ་བར་བྱ། ཇི་ལྟར་མཚུངས་པར་སྤྱོད་པའི་ཆོས་བཅས་པ་བཞིན་དུ་མཚུངས་པར་སྤྱད་པར་བྱ། དེ་སྟེ་ངོ་མི་ཤེས་ན་བབ་བབ་ཏུ་ངལ་བསོ་བར་མི་བྱ། དགེ་སློང་དག་ལ་ཡང་ཚེ་དང་ལྡན་པ་འདི་སུའི་ལྷན་ཅིག་སྤྱོད་པ་ཡིན། འདི་
D7a.013.0307a03.01སྤྱོད་པ་ཇི་ལྟ་བུ་ཞེས་དྲི་བར་བྱའོ། །དེ་སྟེ་དེའི་སྤྱོད་པ་དང་། སྤྱོད་ཡུལ་དང་། ཚུལ་ཁྲིམས་དང་། སྡོམ་པ་དང་། མཚུངས་པར་སྤྱོད་པའི་རྣམས་རྟོགས་ན་གདོད་ངལ་བསོ་བར་བྱའོ། །དེ་གཅིག་པུ་ལ་གཙུག་ལག་ཁང་གཏད་པར་མི་བྱ། དགེ་འདུན་གྱི་མཛོད་
D7a.013.0307a04.01དང་། བང་བ་དང་། དགེ་འདུན་གྱི་མལ་ལ་དབང་དུ་གཞུག་པར་མི་བྱ། ཤིན་ཏུ་རྟོགས་པར་བྱས་ལ་གདོད་ཡིད་གཅུགས་པར་བྱ་བ་དེ་ནི་ངལ་བསོ་བའི་བྱ་བ་ཞེས་བྱའོ། །བར་སྣང་གི་བྱ་བ་གང་ཞེ་ན། བར་སྣང་ཐམས་ཅད་ནི་མཚམས་གཅིག་པ་མ་ཡིན་ཏེ། དེར་
D7a.013.0307a05.01གནས་པ་དང་། འདི་ན་གནས་པ་ལྷན་ཅིག་ཏུ་ལས་བྱ་ཞིང་བསྐྱོ་བ་ཡང་མི་བརྩན། འདི་ན་གནས་པ་དང་དེ་ན་གནས་པ་དག་ལྷན་ཅིག་ཏུ་ལས་བྱས་པར་མི་འགྱུར། བསྐྱོས་པ་ཡང་མི་བརྩན་ནོ། །དགེ་སློང་སྐྱ་རེངས་མ་ཤར་བར་ཆོས་གོས་མེད་བཞིན་དུ་སྟེང་དུ་མི་འབྱུང་། དབྱར་
D7a.013.0307a06.01ཚུལ་དུ་ཞུགས་ན་ཡང་ཞག་བདུན་ནམ། ཞག་བཞི་བཅུར་བྱིན་གྱིས་མ་བརླབས་པར་ནམ་མཁའ་ལ་བྱུང་ཞིང་གནས་པར་མི་བྱའོ། །དེ་སྟེ་བྱུང་ཞིང་གནས་ན་ཆོས་གོས་དང་བྲལ་བར་འགྱུར་ལ་དབྱར་ཀྱང་ཞིག་པར་འགྱུར་ཏེ། འདི་ནི་བར་སྣང་གི་བྱ་བ་ཞེས་བྱའོ། །གཏན་པའི་བྱ་བ་གང་ཞེ་ན། གཏན་
D7a.013.0307a07.01