完整藏文原文 · 德格版页 当前仅加载第 13 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ངས་རྗེས་སུ་གནང་གིས་སྨན་པས་ནད་པ་ལ་ལུང་བསྒོ་ན་ཐམས་ཅད་ཀྱི་ཐུག་པའང་འཐུང་ཤིག་དེ་ལ་ཐེ་ཚོམ་དུ་མ་བྱེད་ཅིག །རྐྱང་པའི་སྒོ་དང་པོའི་མདོའི་ཚིགས་སུ་བཅད་པ་བདུན་པའོ།། །།མདོར་ན།
D7a.013.0160a01.01བུ་རམ་ཆུ་དང་བཏུང་བ་དེ་བཞིན་ཏེ། །ཞག་བདུན་བཞག་པར་གྱུར་པ་དང་། །གཞན་གྱི་ཕྱིར་ཡང་བསྔོ་བ་དང་། །རྗེས་སུ་ཕན་གདགས་མྱ་བར་བྱ། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་
D7a.013.0160a02.01ལྡན་འདས་ཉན་ཐོས་ཀྱི་དགེ་འདུན་དང་བཅས་ཏེ་གཞོངས་སྤྱོད་ཅིང་གཤེགས་པ་དང་། དེ་དག་རི་བྲགས་ཀྱི་གྲོང་གཞན་ཞིག་ཏུ་ཕྱིན་ཏེ། རི་བྲགས་ཀྱི་གྲོང་དེ་ན་ཁྱིམ་བདག་གཞན་ཞིག་གནས་པ་དེ་གདུལ་བའི་དུས་ལ་བབ་པར་མཁྱེན་ནས། བཅོམ་ལྡན་འདས་རི་བྲགས་ཀྱི་གྲོང་དེར་
D7a.013.0160a03.01བྱོན་པ་དང་། ཁྱིམ་བདག་དེས་བཅོམ་ལྡན་འདས་མཐོང་ནས་དེ་དད་པ་སྐྱེས་ཏེ་བཅོམ་ལྡན་འདས་ཀྱི་དྲུང་དུ་འོངས་སོ། །བཅོམ་ལྡན་འདས་ཀྱིས་དེའི་བསམ་པ་དང་། བག་ལ་ཉལ་བ་དང་། ཁམས་དང་རང་བཞིན་མཁྱེན་ནས་ཇི་ལྟར་འཕགས་པའི་བདེན་པ་བཞི་རྟོགས་པར་འགྱུར་
D7a.013.0160a04.01བའི་ཆོས་དེ་ལྟ་བུ་བཤད་ནས་ཁྱིམ་བདག་དེས་ཐོས་པ་དང་འཇིག་ཚོགས་སུ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་དུ་བྱས་སོ། །ཇི་ཙམ་དགེ་སློང་དེ་དག་ལམ་གྱི་ངལ་བས་གཟིར་ནས་ལོག་པའི་ལྷ་ཁང་དང་། བཀད་ས་དང་།
D7a.013.0160a05.01སྐྱེད་མོས་ཚལ་དང་། ཤིང་དྲུང་དག་ཏུ་གློས་ཕབ་སྟེ་ཉལ་ཞིང་འཁོད་པ་དང་། ཁྱིམ་བདག་དེ་རབ་ཏུ་དད་པ་ཐོབ་པས་ན་བཀད་ས་དང་། ལྷ་ཁང་དང་། ཤིང་དྲུང་དག་ཏུ་རིམ་གྱིས་དགེ་སློང་དག་ལ་ཕྱག་བྱ་བའི་ཕྱིར་སོང་བ་དང་། དགེ་སློང་དག་གནས་ན་ཉལ་ཞིང་འདུག་པ་དེས་
D7a.013.0160a06.01མཐོང་ནས། འཕགས་པ་དག་བསྟན་པ་ལ་ཤིན་ཏུ་བརྩོན་པར་བགྱི་བ་ལ་ཅིའི་སླད་དུ་ན་གཟིམས་ཤིང་འཁོད་ཅེས་སྨྲས་པ་དང་། དེ་དག་གིས་ཁྱིམ་བདག་ལམ་གྱི་ངལ་བས་གཟིར་ཞིང་ཉམ་ཆུང་སྟེ་དགེ་བའི་ཕྱོགས་སྤྱོད་པར་མི་ནུས་སོ་ཞེས་སྨྲས་པ་དང་། དེས་འཕགས་པ་རྣམས་དེ་
D7a.013.0160a07.01