完整藏文原文 · 德格版页 当前仅加载第 13 函德格 78b 版页；藏文 NFD、目录标记与异常页序保留在来源切片中，重复版页行以稳定序号区分。
ཨུ་པཱ་ལི་མི་རུང་སྟེ། དེ་ཅིའི་ཕྱིར་ཞེ་ན། ཨུ་པཱ་ལི་གཟའ་དང་། འོད་ཟེར་དང་། ཉི་མ་དང་། ཟླ་བ་དང་། སྐར་མ་རྣམས་མི་བརྟན་པའི་ཕྱིར་རོ། །བཙུན་པ་ཆུ་རླབས་ཀྱིས་མཚམས་དགུམ་དུ་རུང་ངམ། ཨུ་པཱ་ལི་མི་རུང་སྟེ། དེ་ཅིའི་ཕྱིར་ཞེ་ན། ཨུ་
D7a.013.0078b01.01པཱ་ལི་ཆུ་རླབས་ནི་མི་བརྟན་པའི་ཕྱིར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་ཡོངས་སུ་དག་པ་ལེན་པའི་དགེ་སློང་གིས་ཡོངས་སུ་དག་པ་བླངས་ནས་སྟེང་གི་ནམ་མཁའ་ལས་མཆིས་ན་དེས་ཡོངས་སུ་དག་པ་བླངས་
D7a.013.0078b02.01པ་ཞེས་བགྱིའམ། ཨུ་པཱ་ལི་མ་བླངས་པ་སྟེ། གདོད་བླང་དགོས་སོ། །བཙུན་པ་ལས་བགྱིད་པ་གཅིག་གིས་ལས་ཀྱི་ཚིག་ཀྱང་གཅིག་གསོལ་བ་ཡང་གཅིག་གིས་གནས་བཞིར་སྡེ་བཞི་ལ་ལས་བགྱིར་རུང་ངམ། ཨུ་པཱ་ལི་རུང་སྟེ། དེ་སྟེ་གནས་བཞིར་
D7a.013.0078b03.01དགེ་སློང་གསུམ་གསུམ་གནས་ལ། གསོལ་བ་དང་ལས་ཀྱང་མངོན་དུ་གྱུར་ཅིང་དེར་གསོལ་བར་བྱེད་པའི་དགེ་སློང་གིས་གནས་བཞིའི་མཚམས་སུ་སབ་མོའམ། རེ་ལྡེའམ། ཁྲི་འམ། གཞན་དག་ཀྱང་རུང་། དེས་མནན་ཏེ་དེའི་སྟེང་དུ་འདུག་ནས་ལས་བྱའོ། །
D7a.013.0078b04.01ལས་བྱེད་པ་དེ་ཉིད་དེ་དག་གི་གྲངས་སུ་སྐོང་བའོ། །བཙུན་པ་དགེ་སློང་གཅིག་གིས་གནས་གཅིག་ཏུ་མཆིས་ལ་གནས་བཞིར་ལས་བགྱིར་རུང་ངམ། ཨུ་པཱ་ལི་རུང་སྟེ། དེ་ཡང་གནས་བཞིར་འདི་ལྟ་སྟེ། བསྡིགས་པའི་ལས་དང་། སྨད་པ་དང་། བསྐྲད་
D7a.013.0078b05.01པ་དང་། སླར་བསྡུམ་པ་དང་། མ་མཐོང་བའི་ཕྱིར་སྤང་བ་དང་། སླར་ལས་མི་བྱེད་པས་སྤང་བའི་ལས་དང་། སྡིག་པ་ལ་ལྟ་བ་སླར་མ་བཏང་བས་སྤང་བའི་ལས་དང་། ཆད་པའི་ལས་དེ་རྣམས་ལ་མངོན་དུ་གནས་པར་གྱུར་ལ། ལས་བྱེད་པའི་དགེ་སློང་གིས་
D7a.013.0078b06.01གནས་བཞིའི་མཚམས་སབ་མོའམ་རེ་ལྡེས་མནན་ཏེ་འདུག་པའོ། །གླེང་གཞིའི་སྒོ་དང་པོའི་ཚིགས་སུ་བཅད་པ་ལྔ་པའོ།། །།མདོར་ན། ཕྱེད་དང་གསུམ་ལས་འདས་པ་དང་། །ཕྱེད་དང་གསུམ་ཡང་རི་ཡི་སྟེང་། །དགེ་འདུན་བྱེ་བ་སྐྱ་རེངས་དང་། །
D7a.013.0078b07.01