完整藏文原文 · 德格版页 当前仅加载第 13 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
ན་གནས་པའི་མི་ཤི་བ་ཕྱུང་ན་ཉེས་པ་སྦོམ་པོར་འགྱུར་རོ། །བྱོལ་སོང་གི་མངལ་ན་གནས་པ་ཕྱུང་ན་ཡང་ཉེས་པ་སྦོམ་པོར་འགྱུར་རོ། །དེ་ལྟར་དགེ་སློང་མས་བྱས་ནའང་དེ་བཞིན་ནོ།། །།འདུལ་བ་གཞུང་དམ་པ། བམ་པོ་ཉི་ཤུ་བཞི་པ། མདོར་ན། རྩབ་མོ་རྣམ་
D7a.013.0009b01.01པ་ལྔ་པ་དང་། །ལས་གསར་དག་དང་རྡོ་བ་དང་། །བ་ལང་རྭ་དང་ཝ་མོ་དང་། །སྟན་དང་སྨྱོན་པར་གྱུར་པའོ། །དགེ་སློང་ཞིག་གིས་དགེ་འདུན་ལ་བཏུང་བ་རྩབ་མོ་བྲིམས་པ་དང་། དེར་དགེ་སློང་མང་ཞིག་དུས་ལས་འདས་སོ། །དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་
D7a.013.0009b02.01ཀྱིས་བཀའ་སྩལ་པ། ཉེས་པ་མེད་དོ། །དགེ་སློང་མཛའ་བོ་གཉིས་ཤིག་འཁོད་པ་ལས་གཅིག་ནད་ཀྱིས་བཏབ་སྟེ་ཉལ་ནས། དེས་ནད་གཡོག་ལ་ཚེ་དང་ལྡན་པ་རྩབ་མོ་ཞིག་རྙེད་ན་ནི་ཁོ་བོ་བདེ་བར་འགྱུར་རོ། །ཞེས་སྨྲས་ཏེ། རྒྱས་པར་ནི་འདུལ་བ་ལས་ཇི་སྐད་འབྱུང་བ་བཞིན་
D7a.013.0009b03.01ནོ། །བྲམ་ཟེ་ཞིག་གློག་པའི་ནད་ཀྱིས་གཟིར་བ་དང་། དེ་དགེ་སློང་ཞིག་གི་དྲུང་དུ་སོང་སྟེ་འདི་སྐད་དུ་བཙུན་པ་གལ་ཏེ་རྩབ་མོ་ཞིག་རྙེད་ན་ནི་བདེ་བར་འགྱུར་རོ་ཞེས་སྨྲས་པ་དང་། ཁྱོད་བྲམ་ཟེ་ལོག་པར་ལྟ་བ་རྩབ་མོ་ཅིར་དགོས། བཙུན་པ་སྔོན་བདག་ནད་ཀྱིས་བཏབ་པ་ན་ཡང་རྩབ་
D7a.013.0009b04.01མོ་ཞིག་འཐུངས་པས་བདག་བདེ་བར་གྱུར་ཏོ། །དགེ་སློང་དེས་རྩབ་མོ་བླུད་པ་དང་། དེ་དུས་ལས་འདས་སོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དོ། །དགེ་སློང་ཞིག་དུར་ཁྲོད་དུ་མི་རོ་ལ་རྟོག་ཏུ་སོང་བ་དང་། དེ་ན་མི་ཞིག་
D7a.013.0009b05.01གསལ་ཤིང་ཞིག་བཙུགས་ཤིང་འདུག་པ་དང་། དེས་དགེ་སློང་ལ་བཙུན་པ་དེ་སྟེ་ཁོ་བོ་ལ་རྩབ་མོ་ཞིག་བླུད་ན་ནི་ཁོ་བོ་བདེ་བར་འགྱུར་རོ། །ཞེས་སྨྲས་པ་དང་། དགེ་སློང་དེས་དེ་ལ་རྩབ་མོ་བླུད་ནས་དེ་དུས་ལས་འདས་སོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་
D7a.013.0009b06.01ཀྱིས་བཀའ་སྩལ་པ། ཉེས་པ་མེད་དོ། །རྐུན་པོ་ལྔ་བརྒྱ་ཞིག་དགེ་སློང་མ་ཞིག་གིས་རྩབ་མོ་བླུད་པ་དང་། དེ་དག་ཀྱང་དུས་ལས་འདས་ཏེ་རྒྱས་པར་ནི་འདུལ་བ་ལས་ཇི་སྐད་འབྱུང་བ་བཞིན་ནོ། །དགོན་པ་གསར་ཅན་ཞེས་བྱ་བ་ན་གནས་ཁང་སར་པ་ཞིག་རྩིག་པ་ལས་དགེ་སློང་ཞིག་
D7a.013.0009b07.01