完整藏文原文 · 德格版页 当前仅加载第 13 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞི་བར་བྱེད་ན་ཉེས་པར་ཞི་བ་ཡིན་ཏེ། བཅུ་དྲུག་གང་ཞེ་ན། དེས་དགེ་འདུན་ལ་གསོལ་བ་མ་བྱས་པར་གྱུར་པ་དང་། རྒྱལ་བའི་བཀའ་དང་མི་མཐུན་པར་གྱུར་པ་དང་། ཕྱོགས་དང་ཕྱོགས་མ་ཡིན་པའི་དགེ་སློང་རྣམས་ལ་མ་བསྒོ་བར་མ་གྱུར་པ་
D7a.013.0069a01.01དང་། རྒོལ་བའི་དགེ་སློང་གི་འདུལ་བ་ཉམས་པར་གྱུར་པ་དང་། མ་དག་པའི་དགེ་སློང་གིས་ཉེས་པ་བཅབས་པར་གྱུར་པ་དང་། བྱུང་བ་མ་རུང་བར་གྱུར་པ་དང་། བཅས་པ་མ་རུང་བར་གྱུར་པ་དང་། རྗེས་སུ་བཅས་པ་མ་རུང་བར་གྱུར་པ་དང་། གནང་བ་
D7a.013.0069a02.01མ་རུང་བར་གྱུར་པ་དང་། རྗེས་སུ་གནང་བ་མ་རུང་བར་གྱུར་པ་དང་། རྒོལ་བའི་དགེ་སློང་ཡི་དམ་འཆར་མ་བཅུག་པར་གྱུར་པ་དང་། ལན་གློན་པའི་དགེ་སློང་ཡི་དམ་འཆར་མ་བཅུག་པར་གྱུར་པ་དང་། མདོ་སྡེའི་ཚིག་མ་རུང་བར་གྱུར་པ་དང་། འདུལ་བ་དང་མི་མཐུན་
D7a.013.0069a03.01པར་གྱུར་པ་དང་། ཆོས་ཀྱི་མིག་རྒྱས་པར་མ་གྱུར་པ་དང་། ཇི་ལྟར་ཆོས་བཞིན། ཇི་ལྟར་འདུལ་བ་བཞིན། ཇི་ལྟར་སྟོན་པས་བསྟན་པ་དེ་ལྟ་བུར་རྩོད་པ་དེ་ཞི་བར་མ་གྱུར་པ་སྟེ། ཨུ་པཱ་ལི་རྣམ་པ་བཅུ་དྲུག་པོ་དེ་ལྟ་བུས་རྩོད་པ་ཞི་བར་བྱས་པ་ནི་ཉེས་པ་ཞི་བ་ཡིན་ནོ། །
D7a.013.0069a04.01ཨུ་པཱ་ལི་ཆོས་རྣམ་པ་འདི་ལྔ་དང་ལྡན་ན་རྩོད་པ་ཞི་བ་ཉེས་པ་ཞི་བར་གྱུར་པ་ཡིན་ཏེ། ལྔ་གང་ཞེ་ན། མ་བསྒོས་པར་ཞི་བར་བྱེད་པ་དང་། ཉེས་པ་མི་བརྗོད་པ་དང་། ཆད་པའི་ལས་ཀྱིས་སྨ་མི་དབབ་པ་དང་། རྣམ་པར་དག་པ་མི་སྟོན་པ་དང་། དེས་དགེ་འདུན་ལ་གསོལ་
D7a.013.0069a05.01བ་མ་བྱས་པར་གྱུར་པ་སྟེ། ཨུ་པཱ་ལི་ཆོས་རྣམ་པ་འདི་ལྔ་དང་ལྡན་པས་རྩོད་པ་ཞི་བར་བྱས་ཀྱང་ཞི་བར་བྱས་པ་མ་ཡིན་ནོ། །ཨུ་པཱ་ལི་ཆོས་རྣམ་པ་བཅུ་དྲུག་པོ་འདི་དག་དང་ལྡན་ན་རྩོད་པ་ཞི་བ་ལེགས་པར་ཞི་བ་ཡིན་ཏེ། བཅུ་དྲུག་གང་ཞེ་ན། དེས་དགེ་འདུན་ལ་གསོལ་
D7a.013.0069a06.01བ་བྱས་པར་གྱུར་པ་དང་། རྒྱལ་བའི་བཀའ་དང་མཐུན་པར་གྱུར་པ་དང་། ཕྱོགས་དང་ཕྱོགས་མ་ཡིན་པའི་དགེ་སློང་རྣམས་ལ་བསྒོ་བར་གྱུར་པ་དང་། རྒོལ་བའི་དགེ་སློང་དག་གི་འདུལ་བ་མ་ཉམས་པར་གྱུར་པ་དང་། མ་དག་པའི་དགེ་སློང་གིས་ཉེས་པ་མ་བཅབས་
D7a.013.0069a07.01