完整藏文原文 · 德格版页 当前仅加载第 13 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
བཟང་མོ་བདེན་པར་ཟེར་ཏེ་བགམ་པ་ནི་མ་ཡིན་གྱིས། བཅོམ་ལྡན་འདས་དགྲོངས་པར་མ་ནུས་པས། ད་བཅོམ་ལྡན་འདས་ལ་མངོན་དུ་འབྱུང་བར་མི་ནུས་ཀྱིས། ད་ཁྲིད་ལ་སོང་ཤིག་ཅེས་སྨྲས་པ་དང་། དེ་ནས་དཔལ་སྦེད་ཀྱི་ཆུང་མ་དེ་དགའ་བ་སྐྱེས་ནས་མགུ་བའི་ཡིད་
D7a.013.0172b01.01ཀྱིས་དཔལ་སྦེད་ཁྲིད་དེ་བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཟོད་པར་མཛོད་ཅིག །ཁྱིམ་བདག་འདི་མི་དགེ་བའི་གྲོགས་པོས་བསླུས་
D7a.013.0172b02.01པས་ན་བཅོམ་ལྡན་འདས་ལ་མི་དགེ་བའི་རྣམ་པ་འདི་ལྟ་བུ་དག་བགྱིས་སོ་ཞེས་སྨྲས་པ་དང་། དེ་ནས་བཅོམ་ལྡན་འདས་ཀྱིས་གླང་པོ་ཆེའི་སྣ་འདྲ་བའི་ཕྱག་བརྐྱང་ནས་གསུངས་པ། ཁྱིམ་བདག་ལོངས་ཤིག་དང་བཟོད་དོ། །དེ་བཞིན་གཤེགས་པ་ལ་ནི་མཛའ་བ་དང་དགྲར་བྱེ་
D7a.013.0172b03.01བྲག་མི་འབྱེད། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་མཛའ་བ་དང་། དགྲར་བྱེ་བྲག་མི་འབྱེད། ཙན་དན་དང་སྟེ་འུར་མཚུངས་སོ་ཞེས་གསུངས་པ་དང་། དེ་ནས་ཁྱིམ་བདག་དཔལ་སྦེད་དེ་བཞིན་གཤེགས་པ་ལ་རབ་ཏུ་དགའ་བ་
D7a.013.0172b04.01སྐྱེས་ནས། མོས་པའི་ཡིད་ཀྱིས་བཅོམ་ལྡན་འདས་ལ་ཅུང་ཟད་ཅིག་གཞེས་ཤིག །བདག་གིས་བཤོས་ད་གདོད་སྦྱར་རོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་བཞིན་གཤེགས་པ་ལ་སྤྱན་འདྲེན་པས་དུས་གསོལ་ཏེ། གཽ་ཏ་མ་
D7a.013.0172b05.01བཤོས་དག་ཀྱང་སྦྱར་ལགས་ཀྱིས། ཀྱེ་གཽ་ཏ་མ་དུས་མཁྱེན་པར་མཛོད་ཅིག་ཅེས་ཟེར་ན་ད་ཡང་ཅིའི་ཕྱིར་ན་འདི་སྐད་དུ་སྨྲ། དེས་གསོལ་པ། བཙུན་པ་བདག་ནི་མི་དགེ་བའི་གྲོགས་པོ་ལ་ལྟ་བར་གྱུར་པའི་བློས་ལོག་པར་ལྟ་བ་གསུམ་དུ་འགྲོ་བའི་སྡིག་པས་དེ་ལ་གཞོལ་ཏེ་
D7a.013.0172b06.01ཀུན་ལ་སྡུག་པར་འགྲོ་བ་གཉིས་ཀྱང་བགགས་ནས་བཅོམ་ལྡན་འདས་ལ་གནོད་པར་བྱ་བའི་ཕྱིར་ཞུགས་སོ་ཞེས་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་བཞིན་གཤེགས་པ་ནི་གནོད་པ་ཐམས་ཅད་དང་བྲལ་ན་ཅིའི་ཕྱིར་ང་ལ་གནོད་པར་འགྱུར།
D7a.013.0172b07.01