完整藏文原文 · 德格版页 当前仅加载第 13 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ལ་གསོལ་པ་ནས། བཅོམ་ལྡན་འདས་ཀྱིས་དེ་ལྟ་བས་ན་དཀྱིལ་འཁོར་གྲུ་བཞི་དང་། རྣམ་པ་གཉིས་ལྟར་མ་བྱེད་པར་མདུང་རྩེ་དང་རྔ་འདྲ་བར་བྱོས་ཤིག་ཅེས་བཀའ་སྩལ་ནས། དགེ་སློང་རྣམས་དེ་ཅིས་བྱ་བ་མི་ཤེས་ནས། བཅོམ་ལྡན་འདས་ཀྱིས་
D7a.013.0097b01.01བཀའ་སྩལ་པ། བ་ལང་གི་ལྕི་བའམ་སའམ་ཆུས་བྱུག་པར་གྱིས་ཤིག །བཅོམ་ལྡན་འདས་ཀྱིས་དཀྱིལ་འཁོར་རྣམ་པ་གཉིས་བྱོས་ཤིག །ཅེས་གསུངས་པ་དང་། དགེ་སློང་དག་གིས་སངས་རྒྱས་དང་ཆོས་དང་དགེ་འདུན་ལ་དེ་འདྲའི་དཀྱིལ་འཁོར་རྣམ་པ་གཉིས་
D7a.013.0097b02.01བྱས་ཏེ། དེས་མགུ་བར་གྱུར་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དཀོན་མཆོག་གསུམ་ལ་ནི་ཉི་མའམ། ཟླ་བ་འམ། ཇི་ལྟར་དད་པ་རྣམ་པ་ཐམས་ཅད་དུ་བྱས་ཏེ། དེ་ལ་ཐེ་
D7a.013.0097b03.01ཚོམ་མ་བྱེད་ཅིག །གླེང་གཞི་ནི་མཉན་དུ་ཡོད་པ་ན་སྟེ། དེ་ནས་བཅོམ་ལྡན་འདས་ཀྱིས་དགེ་སློང་དག་ལ་བཀའ་སྩལ་པ། དགེ་སློང་དག་སྦྱིན་པར་བྱེད་པ་དང་། སྦྱིན་པའི་བདག་པོས་གཏོར་མ་ལེན་པའི་ལྷ་དག་ལ་རྣམ་པ་གསུམ་གྱིས་དུས་དུས་སུ་ཡང་དག་པར་མགུ་
D7a.013.0097b04.01བར་བྱ། ཡང་དག་པར་མཆོད་པར་བྱ། ཡང་དག་པར་བདེ་བར་བྱའོ། །གསུམ་གང་ཞེ་ན། དུས་དུས་སུ་གཙང་མའི་བྱི་བདར་དང་། དུས་དུས་སུ་གཏོར་མའི་ལས་ཀྱང་བྱེད། དུས་དུས་སུ་བྱིན་པའི་ཡོན་ཀྱང་བསྔོའོ། །དགེ་སློང་དག་སྦྱིན་པར་བྱེད་པ་དང་།
D7a.013.0097b05.01སྦྱིན་བདག་གིས་གཏོར་མ་ལེན་པའི་ལྷ་དག་ལ་དུས་དུས་སུ་ཡང་དག་པར་མགུ་བར་བྱ། ཡང་དག་པར་མཆོད་པར་བྱ། ཡང་དག་པར་བདེ་བར་བྱས་ན་སྦྱིན་པར་བྱེད་པ་དང་། སྦྱིན་བདག་རྣམས་ལ་ཡིད་དགེ་བས་སླར་བརྩེ་བར་བྱེད་དོ། །བཅོམ་ལྡན་འདས་ཀྱིས་དེ་
D7a.013.0097b06.01སྐད་ཅེས་བཀའ་སྩལ་པ་དང་། བདེ་བར་གཤེགས་པས་དེ་སྐད་གསུངས་ནས་ཡང་སྟོན་པས་གསུངས་པ། སྐྱེས་བུ་གང་ཟག་དད་པ་དག །གང་གིས་ལྷ་རྣམས་མཆོད་བྱེད་པ། །སྟོན་པའི་བཀའ་བཞིན་བྱེད་པ་སྟེ། །སངས་རྒྱས་ཀྱིས་ཀྱང་དེ་ལ་བསྔགས། །
D7a.013.0097b07.01