完整藏文原文 · 德格版页 当前仅加载第 13 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་མ་ཉམས་པ་དང་། ལྷན་ཅིག་ཏུ་མི་ཚངས་པར་སྤྱད་ན་ཕས་ཕམ་པར་འགྱུར་རོ། །ཉམས་པ་དང་ལྷན་ཅིག་ཏུ་སྤྱད་པ་དེ་ལ་ཕས་ཕམ་པར་མི་འགྱུར་རོ། །དགེ་སློང་གིས་མ་
D7a.013.0220a01.01བྱིན་པར་བླངས་པ་ལས་ཕས་ཕམ་པར་འགྱུར་བ་དང་། མ་བྱིན་པར་བླངས་པ་ལས་ཕས་ཕམ་པར་མི་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་མིའི་ཡོ་བྱད་རིན་པོ་ཆེ་མ་བྱིན་པར་བླངས་ན་དེ་ཕས་ཕམ་པར་འགྱུར་རོ། །གང་གིས་མི་མ་ཡིན་པའི་ཡོ་
D7a.013.0220a02.01བྱད་རིན་པོ་ཆེ་བླངས་ཀྱང་ཕས་ཕམ་པའི་ཉེས་པར་མི་འགྱུར་རོ། །དགེ་སློང་གིས་མིའི་འཚོ་བ་དང་ཕྲལ་ན་ཕས་ཕམ་པར་འགྱུར་བ་དང་། མིའི་འཚོ་བ་དང་ཕྲལ་ཀྱང་ཕས་ཕམ་པར་མི་འགྱུར་བ་མཆིས་སམ། ཡོད་དེ། གང་རང་གི་ལག་གིས་མིའི་འཚོ་བ་དང་ཕྲལ་ན་ཕས་ཕམ་པར་འགྱུར་རོ། །མིའི་
D7a.013.0220a03.01འཚོ་བ་དང་ཕྲལ་ན་ཕས་ཕམ་པར་མི་འགྱུར་བ་ཡང་ཡོད་དེ་གང་གིས་འདུ་ཤེས་གཞན་དུ་སྦྱར་བ་ལས་མིའི་འཚོ་བ་དང་ཕྲལ་ན་ཕས་ཕམ་པར་མི་འགྱུར་རོ། །དགེ་སློང་གིས་མེད་ལ་མེད་བཞིན་དུ་མི་ལས་བླ་མར་གྱུར་པའི་ཆོས་བདག་ཉིད་ཀྱིས་སྨྲས་ན་ཕས་ཕམ་པར་འགྱུར་བ་དང་། མེད་ལ་མེད་བཞིན་
D7a.013.0220a04.01དུ་མི་ལས་བླ་མར་གྱུར་པའི་ཆོས་སྨྲས་ཀྱང་ཕས་ཕམ་པར་མི་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་འདུ་ཤེས་བཅབས་ནས་བཀའ་ལ་ལུང་བསྟན་ན་ཕས་ཕམ་པར་འགྱུར་རོ། །རྡེང་ཡོད་དེ་བཀའ་ལ་ལུང་བསྟན་ན་ནི་དེ་ལ་ཕས་ཕམ་
D7a.013.0220a05.01པར་མི་འགྱུར་རོ། །དངོས་པོ་གང་གིས་ཕས་ཕམ་པའི་ནོངས་པར་འགྱུར་བའི་དངོས་པོ་དེ་ཉིད་ཀྱིས་ཕས་ཕམ་པའི་ནོངས་པར་མི་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དགེ་སློང་མས་ལུས་ལ་ཀུན་རེག་པར་བྱས་ན་ཕས་ཕམ་པར་འགྱུར་རོ། །
D7a.013.0220a06.01དགེ་སློང་གིས་བྱས་ན་དེ་ལ་ཕས་ཕམ་པའི་ཉེས་པར་མི་འགྱུར་རོ། །དགེ་སློང་མས་ཤེས་བཞིན་དུ་དགེ་སློང་མའི་ཉེས་པ་སྦོམ་པོ་བཅབས་ན་སྐྱ་རེངས་ཤར་བ་དང་ཕས་ཕམ་པའི་ཉེས་པར་འགྱུར་རོ། །དགེ་སློང་གིས་བཅབས་ན་ཕས་ཕམ་པའི་ཉེས་པར་མི་འགྱུར་རོ། །དགེ་འདུན་ཆོས་
D7a.013.0220a07.01