完整藏文原文 · 德格版页 当前仅加载第 13 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
གཅི་མང་དུ་འགྱུར་བ་དང་། སྙོམ་པ་དང་གཉིད་ཀྱིས་སེམས་ཀུན་ཏུ་ནོན་པར་འགྱུར་བ་དང་། སེམས་རྩེ་གཅིག་ཏུ་མི་འགྱུར་ཞིང་གཞན་དུ་འགྱུར་བའོ། །ཟས་ཚོད་ཟིན་པ་ལ་ཡོན་ཏན་ལྔར་འགྱུར་ཏེ། དེ་དཀར་པོའི་ཕྱོགས་སུ་བཟློག་སྟེ་རྣམ་པ་ལྔར་བརྗོད་པར་བྱའོ། །ཆོས་
D7a.013.0056b01.01ལྔ་དང་ལྡན་ན་ཕྱི་བཞིན་འབྲང་བའི་དགེ་སྦྱོང་བཀྲི་མི་དགོས་ཏེ། ཤིན་ཏུ་མདུན་དུ་རིང་དུ་འགྲོ་བ་དང་། ཤིན་ཏུ་ཕྱི་ནས་ནུར་ཞིང་འོང་བ་དང་། སྙོགས་ཤིང་འགྲོ་བ་དང་། གཏམ་གྱི་བར་དུ་འཇུག་པ་དང་། རིགས་ཤིང་འོས་པར་རྙེད་པ་རྣམས་ལེན་མི་ནུས་པའོ། །
D7a.013.0056b02.01ལྷུང་བཟེད་གཉིས་དང་ལྷུང་བཟེད་དུ་ཐོགས་པ་རྙེད་པ་བླང་བར་ཡང་དཀར་པོའི་ཕྱོགས་སུ་རྣམ་པ་ལྔར་བཟློག་སྟེ་བརྗོད་པར་བྱའོ། །ཆོས་ལྔ་དང་ལྡན་པའི་དགེ་བསྙེན་ནི་དགེ་བསྙེན་དྲི་མ་ཅན་ནོ། །དགེ་བསྙེན་སླུ་བའོ། །དགེ་བསྙེན་རུལ་བའོ། །དགེ་བསྙེན་
D7a.013.0056b03.01རིགས་ངན་དུ་རིག་པར་བྱ་སྟེ། ཚུལ་ཁྲིམས་ངན་པ་ཅན་ཡིན་ཏེ། བསླབ་པ་ཡོངས་སུ་རྫོགས་པར་མི་བྱེད་པའོ། །ལྟས་དང་བཀྲ་ཤིས་པ་ལ་བརྟེན་པ་ཡིན་ཏེ། ལྟས་དང་བཀྲ་ཤིས་པས་འདག་པར་ཡིད་ཆེས་ཀྱི་ལས་ཀྱིས་མ་ཡིན་པ་དང་། ལོག་པར་ལྟ་བ་ཡིན་
D7a.013.0056b04.01ཏེ་ལོག་པར་ལྟ་ཞིང་དགེ་སློང་ལ་མི་དགའ་བ་མང་དུ་ཡིན། གནས་བརྟན་དང་བར་མ་དང་། གསར་བུའི་དགེ་འདུན་ལ་དབང་བཟས་པ་ཡིན་ཏེ། དེས་དེ་ན་འཁོད་པའི་དགེ་སློང་ལ་སྨད་པའོ། །ཆོས་ལྔ་དང་ལྡན་པའི་དགེ་བསྙེན་ནི་དགེ་བསྙེན་པད་མ་ལྟ་བུ། དགེ་
D7a.013.0056b05.01བསྙེན་པུ་ཎྜ་རཱི་ཀ་ལྟ་བུ། དགེ་བསྙེན་དམ་པར་ལྟ་སྟེ། དཀར་པོའི་ཕྱོགས་སུ་རྣམ་པ་ལྔར་བཟློག་སྟེ་བརྗོད་པར་བྱའོ། །ཆོས་ལྔ་དང་ལྡན་པའི་ནད་པ་ལ་ནད་གཡོག་བྱ་བར་དཀའ་བ་ཡིན་ནོ། །ཚིག་མི་སྲུན་པ་ཚིག་མི་སྲུན་པར་གྱུར་པའི་ཆོས་རྣམས་དང་ལྡན་པ་དང་།
D7a.013.0056b06.01ནད་གཡོག་གིས་ལུང་བསྟན་པ་བཞིན་དུ་མི་བཏུབ་པ་དང་། གང་ཕན་པ་དང་གང་མི་ཕན་པ་མི་ཤེས་པ་དང་། སྨན་ལ་མི་སྟེན་པ་ཡིན་ཏེ། གང་བདག་ལ་ཡོ་བྱད་འབྱོར་བ་དེ་ཐམས་ཅད་གཞན་ལ་འཚོ་བ་དང་། ནད་རྣམས་དུབ་པ་དང་མ་དུབ་པ་མི་ཤེས་པའོ། །དེ་ཉིད་ལ་
D7a.013.0056b07.01