完整藏文原文 · 德格版页 当前仅加载第 13 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པ་དང་། ཁྱིམ་བདག་མི་དགའ་བར་གྱུར་ནས་སྨྲས་པ། འཕགས་པ་འདི་ནི་ཅི་ཁྱེད་ཅག་གི་ན་ཁྱེད་ཀྱིས་ཅིའི་ཕྱིར་གྲོགས་མི་བྱ། དེས་སྨྲས་པ། བཅོམ་ལྡན་འདས་ཀྱིས་མ་གནང་ངོ་། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་
D7a.013.0191a01.01གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཤིང་རྟ་ལ་ཕྱུགས་འདེབས་པའི་ས་མ་གཏོགས་པར་དེར་བསྐྱབ་དང་ཞིང་པའི་གྲོགས་གྱིས་ཤིག །དགེ་སློང་གཞན་ཞིག་ན་བར་གྱུར་ནས། ཤིང་རྟ་པ་དག་གིས་ཤིང་རྟའི་སྟེང་དུ་ཞོན་ཅིག་ཅེས་སྨྲས་པ་དང་། དེ་ཐེ་ཚོམ་
D7a.013.0191a02.01སྐྱེས་ནས་མ་ཞོན་ནས། བཅོམ་ལྡན་འདས་ཀྱིས་བཀའ་སྩལ་པ། ན་ན་ཤིང་རྟ་ལ་ཞོན་ཅིག །དེ་ལ་ཐེ་ཚོམ་མ་བྱེད་ཅིག །གྲུའི་ནང་ན་མཐུན་ཤས་ཀྱི་སྐལ་བ་སྐྱེད་པ་ལས་གྲུ་ཡང་ཆག་པར་གྱུར་ནས། དགེ་སློང་དག་གིས་གྲོགས་མ་བྱས་པ་དང་། ཁྱིམ་བདག་མི་དགའ་བར་གྱུར་
D7a.013.0191a03.01ནས་སྨྲས་པ། འདི་ནི་ཁྱེད་ཀྱི་ན། ཁྱོད་ཀྱིས་ཅིའི་ཕྱིར་གྲོགས་མི་བྱ། དེ་དག་གིས་སྨྲས་པ། བཅོམ་ལྡན་འདས་ཀྱིས་མ་གནང་ངོ་། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གྲུའི་དངོ་མ་གཏོགས་
D7a.013.0191a04.01པར་ཕུལ་བའི་གྲོགས་དང་ཞིང་པའི་གྲོགས་གྱིས་ཤིག །དགེ་སློང་གཞན་ཞིག་ཡང་ཀླུང་གི་འགྲམ་ནས་སོང་བ་ལས་ན་བར་གྱུར་ནས་མཉན་པས་འཕགས་པ་འདིའི་ནང་དུ་ཞུགས་ཞེས་སྨྲས་པ་དང་། དེ་ཐེ་ཚོམ་སྐྱེས་ནས་ནང་དུ་མ་ཞུགས་སོ། །དེ་ལྟར་གྱུར་པ་དགེ་སློང་དག་གིས་
D7a.013.0191a05.01བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དངོ་མ་གཏོགས་པར་ནང་དུ་ཞུགས་པ་དེ་ལ་ཐེ་ཚོམ་མ་བྱེད་ཅིག །གཞན་ཡང་ཁུར་གྱིས་བསྐྱས་པ་ལས་དེ་ཆད་པར་གྱུར་ནས། དེས་འཕགས་པ་འདི་མར་ཕོབ་ཤིག་ཅེས་སྨྲས་པ་དང་། དགེ་
D7a.013.0191a06.01སློང་དག་ཐེ་ཚོམ་སྐྱེས་ནས་མ་ཕོག་གོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕོག་ཅིག །དགེ་སློང་དག་གིས་ཕབ་ནས་སླར་མ་བཏེག་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཇི་ལྟར་ཕོག་
D7a.013.0191a07.01