完整藏文原文 · 德格版页 当前仅加载第 13 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་ཞེས་བྱའོ། །དབྱར་ཚུལ་དུ་ཞུགས་པའི་བྱ་བ་གང་ཞེ་ན། དབྱར་ཚུལ་དུ་ཞུགས་པའི་དགེ་སློང་གིས་དོན་མེད་པའི་ཕྱིར་ཞག་གཅིག་ཀྱང་མཚམས་ཀྱི་ཕྱི་རོལ་དུ་འགྲོ་བར་མི་བྱ། དོན་ཅིག་ཡོད་པར་གྱུར་ན་དེས་ཞག་བདུན་ནམ། ཞག་བཞི་བཅུར་བྱིན་གྱིས་བརླབས་ལ་འགྲོ་བར་བྱ།
D7a.013.0298b01.01དེ་ཡང་དོན་གྱི་ཕྱིར་ཏེ། དོན་གང་གི་ཕྱིར་ཞེ་ན། དགེ་སློང་གི་དོན་ནམ། དགེ་སློང་མའི་དོན་ནམ། དགེ་ཚུལ་ཕའི་འམ། དགེ་ཚུལ་མའི་འམ། དགེ་བསྙེན་ཕའི་འམ། དགེ་བསྙེན་མའི་དོན་ཀྱང་རུང་། གཉེན་གྱི་དོན་ཀྱང་རུང་། བདག་གི་དོན་ཀྱང་རུང་། དེ་སྟེ་སངས་
D7a.013.0298b02.01རྒྱས་ལའམ། ཆོས་ལའམ། དགེ་འདུན་ལའམ། སྡུག་བསྔལ་ལའམ། ཀུན་འབྱུང་ལའམ། འགོག་པ་ལའམ། ལམ་ལ་ཡང་རུང་། ཐེ་ཚོམ་དུ་གྱུར་ཏམ། ཡིད་གཉིས་སུ་གྱུར་ཏམ། དོགས་པར་གྱུར་ཀྱང་རུང་། མ་ཐོབ་པ་ལས་ཐོབ་པའི་འདུ་ཤེས་སུ་གྱུར།
D7a.013.0298b03.01མ་ཆུད་པ་ལས་ཆུད་པའི་འདུ་ཤེས་དང་། མངོན་དུ་མ་བྱས་པ་ལས་མངོན་དུ་བྱ་བའི་འདུ་ཤེས་ཏེ། དེ་འདི་ལྟར་མུ་སྟེགས་ཅན་ཀུན་ཏུ་རྒྱུ་བ་གཞན་དག་གི་དོན་ལ་ཡང་རུང་། དེ་སྟེ་དགེ་སློང་དེས་གནས་དེར་དབྱར་དགེ་འདུན་འབྱེ་བར་འགྱུར་རམ། མཆོད་རྟེན་ནམ། གཙུག་ལག་ཁང་
D7a.013.0298b04.01ཡང་རུང་འདྲལ་བར་འགྱུར་རམ། ཚིག་པར་འགྱུར་བ་ཡང་རུང་སྟེ། དེར་དགེ་སློང་དེས་སངས་རྒྱས་ཀྱང་རུང་། ཆོས་སམ། དགེ་འདུན་གྱི་དོན་ལ་ཡང་རུང་སྟེ། ཞག་བདུན་ནམ། ཞག་བཞི་བཅུར་བྱིན་གྱིས་རློབས་ལ་འགྲོ་བར་བྱ་སྟེ། དེར་སོང་བ་ལས་ཞག་བདུན་ནམ།
D7a.013.0298b05.01ཞག་བཞི་བཅུར་ཡང་རུང་ལོན་པར་གྱུར་ན་དགེ་སློང་དབྱར་ཆད་པའི་ཉེས་པ་འབྱུང་བར་མི་འགྱུར་ཏེ། དེ་ནི་དབྱར་ཚུལ་དུ་ཞུགས་པའི་བྱ་བ་ཞེས་བྱའོ། །དབྱར་ཚུལ་དུ་ཞུགས་པའི་གནས་བརྟན་གྱི་བྱ་བ་གང་ཞེ་ན། དབྱར་ཚུལ་དུ་ཞུགས་པའི་དགེ་སློང་གནས་བརྟན་གྱིས་གཙུག་
D7a.013.0298b06.01ལག་ཁང་གི་རྣམས་དང་། མཆོད་རྟེན་གྱི་རྣམས་ཤེས་པར་བྱ། ཇི་ལྟ་བུར་རལ་ཚེམས་བྱ་བ་དང་། སུ་བྱེད་པ་ལ་སྤྲོ་བ་བསྐྱེད་པར་བྱ། བསྒྲག་པར་བྱ། སུ་མི་བྱེད་པ་དེ་ལ་ནི་བསྐུལ་བར་བྱ། དྲན་པར་བྱ་བ་འདི་ནི་དབྱར་ཚུལ་དུ་ཞུགས་པའི་གནས་བརྟན་གྱི་བྱ་བ་ཞེས་བྱའོ། །
D7a.013.0298b07.01