完整藏文原文 · 德格版页 当前仅加载第 13 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་བཅད་པ་དྲུག་པའོ།། །།མདོར་ན། བུ་རམ་ཤིང་དང་ཞོ་ཞག་འབྲུ་མར་དང་། །གསོ་མ་བསྲེགས་པའི་ཐུག་པ་དང་ནི་མར། །རྩ་བ་འབྲས་བུ་སྡོང་པོ་ལོ་མར་བཅས། །ཐུག་པ་ཐམས་ཅད་བླུད་པར་བྱ། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་
D7a.013.0159b01.01ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་སྨན་གཅིག་ལས་དེ་ཉིད་སྔ་དྲོ་བ་དེ་ཉིད་ཕྱི་དྲོ་བ་དེ་ཉིད་ཞག་བདུན་པ། དེ་ཉིད་ནམ་འཚོའི་བར་དུ་རུང་བར་འགྱུར་བ་མཆིས་སམ་
D7a.013.0159b02.01ཨུ་པཱ་ལི་བུ་རམ་ཤིང་ནི་སྔ་དྲོའིའོ། །དེའི་ཁུ་བ་ནི་ཕྱི་དྲོ་བའོ། །བུ་རམ་ནི་ཞག་བདུན་པའོ། །བུ་རམ་ཤིང་དང་བུ་རམ་བསྲེགས་པའི་ཐལ་བ་ནི་ནམ་འཚོའི་བར་དུའོ། །ཨུ་པཱ་ལི་ཞོ་ནི་སྔ་དྲོ་བའོ། །ཞོའི་ཆུ་ནི་ཕྱི་དྲོ་བའོ། །མར་ནི་བདུན་པའོ། །ཞོ་བསྲེགས་པའི་ཐལ་བ་ནི་ནམ་
D7a.013.0159b03.01འཚོའི་བར་དུའོ། །ཨུ་པཱ་ལི་ཤ་ནི་སྔ་དྲོ་བའོ། །ཚིལ་བུ་ནི་བདུན་པའོ། །ཤ་བསྲེགས་པའི་ཐལ་བ་ནི་ནམ་འཚོའི་བར་དུའོ། །ཨུ་པཱ་ལི་ཏིལ་ནི་སྔ་དྲོ་བའོ། །ཏིལ་གྱི་མར་ནི་བདུན་པའོ། །ཏིལ་བསྲེགས་པའི་ཐལ་བ་ནི་ནམ་འཚོའི་བར་དུའོ། །གླེང་གཞི་ནི་མཉན་དུ་ཡོད་
D7a.013.0159b04.01པ་ན་སྟེ། དགེ་སློང་ཞིག་ན་བར་གྱུར་ནས་སྨན་པས་མཐོང་སྟེ། འཕགས་པ་གསོ་མའི་ཐུག་པ་བྱོས་ལ་འཐུང་ཤིག་ཅེས་སྨྲས་པ་དང་། དེས་དེ་ལྟར་གྱུར་པ་དགེ་སློང་རྣམས་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་
D7a.013.0159b05.01འདས་ཀྱིས་བཀའ་སྩལ་པ། དེ་ལྟར་སྨན་པས་བསྒོ་བ་དེ་བཞིན་དུ་གྱིས་ཤིག་དེ་ལ་ཐེ་ཚོམ་དུ་མ་བྱེད་ཅིག །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་གཞན་དག་ཅིག་ཡང་ན་བར་གྱུར་ནས་དེ་དག་ཁ་ཅིག་ལ་ནི་སྨན་པས་ཡུངས་ཀར་གྱི་ཐུག་པ་འཐུང་ཤིག་ཅེས་
D7a.013.0159b06.01བསྒོ། ཁ་ཅིག་ལ་ནི་རྩ་བའི་ཐུག་པ་འཐུང་ཤིག་ཅེས་བསྒོ། ཁ་ཅིག་ལ་ནི་སྡོང་བུའི་ཐུག་པ་འཐུང་ཤིག་ཅེས་བསྒོ། ཁ་ཅིག་ལ་ནི་འབྲས་བུའི་ཐུག་པ་འཐུང་ཤིག་ཅེས་བསྒོ་བ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་
D7a.013.0159b07.01