完整藏文原文 · 德格版页 当前仅加载第 13 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་གིས་ལྷུང་བཟེད་ཤིང་གིས་བསྲེགས་པ་དང་། ལྷུང་བཟེད་མ་རུང་བར་གྱུར་ནས། བཅོམ་ལྡན་འདས་ཀྱིས་ཤིང་གིས་སྲེག་པར་མ་བྱེད་ཅིག་ཅེས་བཀའ་སྩལ་པ་དང་། དགེ་སློང་དག་གིས་རྩྭ་དང་སོག་མ་དག་གིས་གཡོགས་ཏེ་བསྲེགས་པ་
D7a.013.0101a01.01དང་། དེ་ཉིད་ཉེས་པའི་དམིགས་སུ་གྱུར་ནས། བཅོམ་ལྡན་འདས་ཀྱིས་རྩྭ་དང་སོག་མས་གཡོགས་ཏེ་སྲེག་པར་མ་བྱེད་ཅིག་ཅེས་བཀའ་སྩལ་ནས། དགེ་སློང་དག་གིས་ཇི་ལྟར་བསྲེག་པ་མི་ཤེས་ནས། བཅོམ་ལྡན་འདས་ཀྱིས་ལྷུང་བཟེད་ཀྱི་སྲེག་
D7a.013.0101a02.01འགེབས་སྦྱོར་ཅིག་ཅེས་བཀའ་སྩལ་པ་དང་། དགེ་སློང་དག་གིས་ལྷུང་བཟེད་ཀྱི་སྲེག་འགེབས་ཇི་ལྟར་སྦྱོར་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྲེག་འགེབས་ལ་རྣམ་པ་གཉིས་ཏེ། སློབ་དཔོན་གྱིས་བྱས་པ་དང་། བདག་གིས་བྱས་
D7a.013.0101a03.01པའོ། །དེ་ལ་སློབ་དཔོན་གྱིས་བྱས་པ་ནི་བུམ་པ་ལྟ་བུའོ། །བདག་གིས་བྱས་པ་ནི་ཕྲུ་བའམ་རྫ་མ་ཡང་རུང་སྟེ། ཐལ་བས་བཀང་ལ་རྫ་མ་ཇི་ཙམ་རན་པ་ཕྲི་ཤིག་ཅེས་བཀའ་སྩལ་པ་དང་། དགེ་སློང་དག་གིས་གྱོ་མོའི་ནང་དུ་དེ་བཞིན་དུ་བསྲེགས་པས་དེ་ཉིད་
D7a.013.0101a04.01ཉེས་པའི་དམིགས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཕྱི་རོལ་དུ་ནི་འཇིམ་པ་དང་ཕུབ་མར་བསྲེས་པས་ཡུགས་ལ་ནང་དུ་ཏིལ་གྱི་ཚིགས་མའམ། བ་ལང་གི་ལྕི་བས་ཡུགས་ཏེ་དེ་སྐམས་པ་དང་། ས་གཞི་བྱི་བདར་གྱིས་ལ་འོག་ཏུ་ཕུབ་
D7a.013.0101a05.01མ་དང་། ཏིལ་གྱི་ཚིགས་མ་དང་། གཞན་ཡང་བྱད་བཟང་དུ་འགྱུར་བ་དག་ཐིང་སྟེ། རྩྭ་དང་། ལྕི་བ་དང་། སོག་མ་དག་གིས་གཡོགས་ལ་ཅི་ནས་དུད་པ་མ་ཤོར་བར་བྱོས་ལ་སྲེགས་ཤིག །དེའི་གཡས་གཡོན་ཆག་ཆག་ཐོབ་ལ་སྐྱོང་ནུལ་གྱིས་ཤིག །ཅི་
D7a.013.0101a06.01ནས་སྲོག་ཆགས་དག་བདེ་བར་བྱ་བའི་ཕྱིར་རོ། །བསྲེགས་པ་དེ་གྲངས་པ་དང་། ལྷུང་བཟེད་ཕྱུང་ལ་ཁྲུས་ཏེ། ནམ་ཁ་དོག་ཞེན་པར་གྱུར་གྱི་བར་དུ་བསྲེག་པར་བྱོས་ཤིག །དེ་བས་ན་ལྷུང་བཟེད་སྲེག་འགེབས་དང་ཡོ་བྱད་དག་རྗེས་སུ་གནང་ངོ་། །གླེང་གཞིའི་
D7a.013.0101a07.01