完整藏文原文 · 德格版页 当前仅加载第 13 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
མང་དུ་བྱ། །ཅ་ཅོ་མང་པོ་འབྱིན་པའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །གང་གི་ཚེ་རྒྱལ་པོ་གཟུགས་ཅན་སྙིང་པོས་དགེ་སློང་གི་དགེ་འདུན་རྣམས་ལ་བཟའ་ཤིང་དྲུང་སྟོང་དང་ལྡན་པའི་
D7a.013.0135a01.01ཀུན་དགའི་ར་བ་ཞིག་ཕུལ་བ་དེའི་ཚེ་ན། དགེ་སློང་རྣམས་ཀྱིས་འབྲས་བུ་ཟོས་ནས་ཕྱལ་བར་བོར་བས་ན་མདའ་ལྟ་བུའི་ནགས་སུ་གྱུར་ཏོ། །དེ་ནས་དུས་ཕྱི་ཞིག་ན་རྒྱལ་པོ་ལམ་དེ་ཕྱོགས་སུ་ཕྱིན་པ་དང་། དེས་དེ་དག་མཐོང་ནས། དེས་བློན་པོ་རྣམས་ལ་མདའ་ལྟ་བུའི་ནགས་སུ་
D7a.013.0135a02.01གྱུར་པའི་ཀུན་དགའི་ར་བ་འདི་སུའི་ཞེས་སྨྲས་པ་དང་། བློན་པོས་ལྷ་བཟའ་ཤིང་དྲུང་སྟོང་དང་ལྡན་པའི་ཀུན་དགའ་ར་བ་དག་ལྷས་འཕགས་པ་རྣམས་ལ་ཕུལ་བ་དེ་ཉིད་འདི་ལགས་ཏེ། དེ་དག་གིས་འབྲས་བུ་ཟོས་ནས་ཕྱལ་བར་བོར་བས་ན་ད་ནི་མདའ་ལྟ་བུའི་ནགས་སུ་གྱུར་ཏོ་ཞེས་
D7a.013.0135a03.01སྨྲས་པ་དང་། རྒྱལ་པོས་སྨྲས་པ། ཀྱེ་འཕགས་པ་དེ་དག་འདི་ལ་ཞལ་ཏ་དང་ལས་མི་བྱེད་དམ། དེས་ལྷ་དེ་དག་བསམ་གཏན་དང་ཁ་ཏོན་ལ་ཞུགས་པས་འདིའི་སུག་ལས་དང་ཞལ་ཏ་མི་བགྱིད་དོ་ཞེས་སྨྲས་པ་དང་རྒྱལ་པོ་ཅང་མི་སྨྲ་བར་འདུག་གོ། །དེ་ལྟར་གྱུར་པ་དགེ་སློང་
D7a.013.0135a04.01རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྩ་བས་འཚོ་བ་ལ་ཕྱལ་བར་མ་དོར་བར་ལས་གྱིས་ཤིག །དགེ་སློང་རྣམས་ཀྱིས་སུས་ལས་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གནས་
D7a.013.0135a05.01འཆའ་བ་རྣམས་ཀྱིས་བྱོས་ཤིག །དེ་རྒ་བས་ན་དེ་དག་གིས་ལས་བྱ་བར་མི་ནུས་ཏེ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་ཐམས་ཅད་ཀྱིས་ལས་བྱོས་ཤིག །དེ་ལས་ཁ་ཅིག་ནི་རིད་རྒས་འཁོགས། ཁ་ཅིག་ནི་ན་བས་ལས་བྱེད་མི་ནུས། དྲུག་སྡེ་རྣམས་
D7a.013.0135a06.01ནི་བྱེད་དུ་མི་བཏུབ་པས་ན་ལས་མ་བྱས་པ་དང་། བཅོམ་ལྡན་འདས་ཀྱིས་བཀའ་སྩལ་པ། འཁོར་རྣམ་པར་དབྱེ་བས་འཁོར་རྣམ་པར་ཕྱེ་ལ་སྐལ་སྐལ་དུ་གོས་ཏེ་ལས་བྱོས་ཤིག །དགེ་སློང་རྣམས་ལུང་ནོད་པ་དང་། ཀློག་པ་དང་། ཁ་ཏོན་བྱེད་པ་དང་། ཚུལ་བཞིན་ཡིད་ལ་
D7a.013.0135a07.01