完整藏文原文 · 德格版页 当前仅加载第 13 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
ལུང་དུ་མི་སྟོན་པའི་སེམས་ཀྱིས་ནོངས་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དགེ་བའི་སེམས་དང་མི་དགེ་བའི་སེམས་དང་། ལུང་དུ་མི་སྟོན་པའི་སེམས་ཀྱིས་ཉེས་པར་འགྱུར་བ་ཡོད་དོ། །དགེ་བའི་སེམས་ཀྱིས་ཇི་ལྟར་
D7a.013.0212a01.01ཞེ་ན། འདི་ལྟར་དགེ་སློང་གསར་བུ་བསླབ་པའི་ཡི་དམ་ལ་མི་མཁས་པས་མཆོད་རྟེན་འཁོར་གྱི་རྩྭ་རྔའམ། འཆག་ས་དང་ཁྱམས་ཀྱི་རྩྭ་རྔའམ། མེ་ཏོག་འཐོག་པ་ནི་དགེ་བའི་སེམས་ཀྱིས་སོ། །མི་དགེ་བའི་སེམས་ཀྱིས་ཉེས་པ་ཇི་ལྟར་ཞེ་ན། སངས་རྒྱས་ཀྱིས་
D7a.013.0212a02.01བསླབ་པ་བཅས་པ་ལ་བསམས་བཞིན་དུ་འདའ་བ་འདི་ནི་མི་དགེ་བའི་སེམས་སོ། །ལུང་དུ་མི་སྟོན་པའི་སེམས་ཀྱིས་ཇི་ལྟར་ཞེ་ན། སངས་རྒྱས་ཀྱིས་བསླབ་པ་བཅས་པ་ལ་བསམས་བཞིན་དུ་འདའ་བ་སྟེ། དེ་ལྟ་བུ་ནི་ལུང་དུ་མི་སྟོན་པའི་སེམས་ཀྱིས་སོ། །བཙུན་པ་དགྲ་བཅོམ་
D7a.013.0212a03.01པ་དག་དགེ་བའི་སེམས་ཀྱིས་ནོངས་པར་འགྱུར་རམ། དེ་སྟེ་ལུང་དུ་མི་སྟོན་པའི་སེམས་ཀྱིས་ནོངས་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཨུ་པཱ་ལི་དགྲ་བཅོམ་པ་བྱེད་ན་ཐམས་ཅད་ཀྱང་ལུང་དུ་མི་སྟོན་པའི་སེམས་ཀྱིས་ཉེས་པར་འགྱུར་བ་ཞེས་བྱའོ། །བཙུན་
D7a.013.0212a04.01པ་ཇི་ལྟར་ན་དགེ་སློང་དགྲ་བཅོམ་པ་ནོངས་པར་བགྱིད་ན་དེ་དག་ཐམས་ཅད་ཀྱང་ལུང་དུ་མི་སྟོན་པའི་སེམས་ཀྱིས་བགྱིད་པ་ཞེས་བགྱི། ཨུ་པཱ་ལི་འདི་ལྟར་དགེ་སློང་དགྲ་བཅོམ་པས་བརྒྱ་ལམ་བརྒྱ་ལམ་ན་དྲན་པ་ཉམས་པར་གྱུར་ནས་ཆོས་གོས་ཅི་ཆོག་ཏུ་འཆང་ལ། སྦྱར་མ་མེད་
D7a.013.0212a05.01པར་གྲོང་དུ་འཇུག །ཡང་ཡང་ཟ། འདུས་ཤིང་ཟ། གཉིད་ལོག་པའི་ཚེ་མལ་སྟན་ཆེན་པོའི་སྟེང་དུ་བཞག་པ་དང་། གཉིད་ལོག་པའི་ཚེ་བུད་མེད་ཀྱི་མལ་དུ་བསྙལ་བ་དང་། བསྙེན་པར་མ་རྫོགས་པ་རྣམས་དོང་བའི་ཚེ་ཉལ་ལ་ཕྱིས་བསྙེན་པར་མ་རྫོགས་པ་རྣམས་འོངས་
D7a.013.0212a06.01ན་དེ་སུ་དང་ལྷན་ཅིག་འདུག་འདུག་པ་དེ་ལ་ལངས་པའི་ཚེ་ཆོས་བཞིན་དུ་བཤགས་པ་དེ་ལྟ་བུ་དག་ནི་དགེ་སློང་དགྲ་བཅོམ་པ་ལ་ཉེས་པ་བྱེད་ན་ཐམས་ཅད་ཀྱང་ལུང་དུ་མི་སྟོན་པའི་སེམས་ཀྱིས་བྱེད་ཅེས་བྱའོ། །གང་དགེ་འདུན་བྱེ་བ་དེ་ཐམས་ཅད་འཁྲུགས་པ་ཞེས་བགྱིའམ།
D7a.013.0212a07.01