完整藏文原文 · 德格版页 当前仅加载第 13 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། ཆོས་ཀྱི་ལས་དང་། ཆོས་མ་ཡིན་པའི་ལས་དང་། མཐུན་པའི་ལས་སོ། །དགེ་འདུན་འབྱེད་པ་ལ་རྣམ་པ་གསུམ་སྟེ། དགེ་བ་དང་། མི་དགེ་བ་དང་། ལུང་དུ་མི་སྟོན་པའོ། །གནས་གསུམ་གྱིས་ན་བཅས་པས་མི་ཆགས་ཏེ། བྱུང་བ་དང་།
D7a.013.0028a01.01བཅས་པ་དང་། རྗེས་སུ་བཅས་པའོ། །མདོར་ན། གནས་པར་མི་རིགས་མི་གནས་དང་། །སོ་སོར་གནས་པའང་དེ་བཞིན་ཏེ། །མཆོད་པ་བསྙེན་བཀུར་ཕྱག་བྱ་དང་། །ལྡང་བར་བྱ་དང་ཐལ་མོ་སྦྱར། །གནས་གསུམ་གྱིས་གནས་པའི་འོས་མ་ཡིན་པར་
D7a.013.0028a02.01འགྱུར་ཏེ། ཉེས་པ་དང་། ཉེས་པ་མེད་པ་དང་བཅས་པའོ། །རྣམ་པ་གསུམ་གྱིས་ན་མི་གནས་པར་འགྱུར་ཏེ། ཉེས་པ་དང་། ཉེས་པ་མེད་པ་དང་བཅས་པའོ། །རྣམ་པ་གསུམ་གྱིས་ན་སོ་སོར་གནས་པར་འགྱུར་ཏེ། ཉེས་པ་དང་། ཉེས་པ་མེད་པ་དང་བཅས་
D7a.013.0028a03.01པའོ། །མཆོད་པར་འོས་པ་གསུམ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་། སློབ་པ་དང་། མི་སློབ་པ་རྣམས་སོ། །གཞན་ཡང་མཆོད་པར་འོས་པ་རྣམ་པ་གསུམ་སྟེ། སློབ་དཔོན་དང་། མཁན་པོ་དང་། ཚངས་པ་
D7a.013.0028a04.01མཚུངས་པར་སྤྱོད་པ་ཤིན་ཏུ་རྒན་པ་རྣམས་སོ། །ཇི་ལྟར་མཆོད་པར་འོས་པ་དེ་བཞིན་དུ་བསྙེན་བཀུར་བྱ་བ་དང་། ཕྱག་བྱ་བ་དང་། ལྡང་བ་དང་། ཐལ་མོ་སྦྱར་བའི་འོས་རྣམས་ཀྱང་རིགས་པར་ཤེས་པར་བྱའོ། །མདོར་ན། བཅས་པ་གཉིས་སུ་བྱ་བ་དང་། །སྐབས་
D7a.013.0028a05.01དབྱེ་རྣམ་པ་བཞི་པོ་དང་། །སྡོམ་པ་དང་ནི་གྲོགས་པོ་དང་། །བཞག་པ་དེ་ནི་ཐ་མའོ། །བཅས་པ་རྣམ་པ་གསུམ་སྟེ། བྱུང་བ་ལས་བཅས་པ་དང་། ཉེས་པ་ལས་བཅས་པ་དང་། རྣམ་པར་དབྱེ་བར་བཅས་པའོ། །གཞན་ཡང་བཅས་པ་རྣམ་པ་གསུམ་སྟེ། རྗེས་སུ་བསྲུང་
D7a.013.0028a06.01བར་བཅས་པ་དང་། རྗེས་སུ་བསྟན་པར་བཅས་པ་དང་། རྗེས་སུ་ཕན་པར་བཅས་པའོ། །སྐབས་དབྱེ་བ་རྣམ་པ་གསུམ་སྟེ། སྐབས་དབྱེ་བ་དང་། སོ་སོར་སྐབས་དབྱེ་བའོ། །གཞན་ཡང་སྐབས་དབྱེ་བ་རྣམ་པ་གསུམ་སྟེ། དད་པས་སྐབས་དབྱེ་བ་དང་། ཡོངས་སུ་དག་
D7a.013.0028a07.01