完整藏文原文 · 德格版页 当前仅加载第 13 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་པ་བཅོམ་ལྡན་འདས་གང་ན་བ་དེར་སོང་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་དུ་དེ་སྟེ་བཅོམ་ལྡན་འདས་ཀྱིས་
D7a.013.0119b01.01རྗེས་སུ་གནང་ན་བདག་གིས་བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་ལ་མཐའ་མ་དྲི་གཙང་ཁང་གིས་བསྐོར་ལ་རྟ་བབས་ཀྱང་གཟུགས་པར་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཁྱིམ་བདག་རྗེས་སུ་གནང་
D7a.013.0119b02.01གིས་བྱོས་ཤིག །ཡང་བཅོམ་ལྡན་འདས་དེ་སྟེ་རྗེས་སུ་གནང་ན་བདག་གིས་བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་ལ་བ་གམ་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ལྟ་བས་ན་ངས་རྗེས་སུ་གནང་
D7a.013.0119b03.01གིས་བྱོས་ཤིག །དེ་ནས་ཡང་བཅོམ་ལྡན་འདས་ཀྱིས་དེ་སྟེ་རྗེས་སུ་གནང་བ་ན་བདག་གིས་བ་གམ་གྱིས་བསྐོར་བ་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཁྱིམ་བདག་ངས་རྗེས་སུ་གནང་གིས་བྱོས་ཤིག །ཡང་བཅོམ་
D7a.013.0119b04.01ལྡན་འདས་ཀྱིས་དེ་སྟེ་རྗེས་སུ་གནང་ན་བདག་གིས་ཀ་བ་དག་མཚལ་གྱིས་བྱུག་གོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ལྟ་བས་ན་རྗེས་སུ་གནང་གིས་བྱོས་ཤིག །ཡང་བཅོམ་ལྡན་འདས་ཀྱིས་དེ་སྟེ་རྗེས་སུ་གནང་ན་བདག་
D7a.013.0119b05.01གིས་རྩིག་ངོས་རྒྱ་སྐྱེགས་ཀྱིས་བྲི་བར་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ལྟ་བས་ན་རྗེས་སུ་གནང་གིས་བྲིས་ཤིག །གླེང་གཞིའི་ནང་ནས་སྒོ་གསུམ་པའི་མདོའི་ཚིགས་སུ་བཅད་པ་བརྒྱད་པའོ།། །།མདོར་ན། བ་
D7a.013.0119b06.01ལང་སོ་དང་ཐ་གུ་དང་། །ཕྲེང་བ་རིན་ཆེན་ཕྲེང་བ་ཅན། །གཡོག་མ་དང་ནི་སྙིང་པོ་དང་། །སྙིང་པོ་ཡི་ནི་སྒོ་ཡང་ངོ་། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དབུ་སྐྲ་དང་
D7a.013.0119b07.01