完整藏文原文 · 德格版页 当前仅加载第 13 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
ཚ་བའི་དགེ་སློང་གིས་ཤེས་བཞིན་དུ་བླངས་པར་གྱུར་པ་སྟེ་འདི་ནི་བླངས་པ་ཞེས་བྱའོ། །བྱིན་ལེན་མ་བྱས་པ་གང་ཞེ་ན། གང་བུད་མེད་དམ། སྐྱེས་པའམ། མ་ནིང་ངམ། ཟ་མའམ། མཚན་གཉིས་སུ་ཡང་རུང་སྟེ། བྱིན་ལེན་མ་བྱས་པ་འདི་ནི་བྱིན་ལེན་མ་བྱས་པ་ཞེས་
D7a.013.0247b01.01བྱའོ། །བླངས་པ་སླར་ལེན་པ་གང་ཞེ་ན། གང་བདག་གིས་སླར་བླངས་པ་ལས་ཕྱིས་གཞན་ལས་བྱིན་ལེན་བྱེད་པ་ནི་བླངས་པ་ལས་སླར་ལེན་པ་ཞེས་བྱའོ། །སྔ་དྲོའི་བྱིན་ལེན་གང་ཞེ་ན། གང་མ་ཟོས་པར་བྱིན་ལེན་བྱེད་པ་ཡིན་ཏེ། བཅོམ་ལྡན་འདས་ཀྱིས་ཡངས་པའི་གྲོང་
D7a.013.0247b02.01ཁྱེར་དེ་ཉིད་དུ་གནང་བ་ནི་དེ་ལྟ་བུའི་ལོ་ཉེས་ཤིང་དཀོན་པ་རྙེད་དཀའ་བའི་ཚེ་དགེ་སློང་གིས་ཆོག་གོ་བར་བྱས་པ་ལས་སྔ་དྲོའི་བྱིན་ལེན་བྱས་པའི་འོག་ཏུ་ལྷག་མར་མ་བྱས་ཀྱང་བླས་ཟོ་ཞིག །འདི་ནི་སྔ་དྲོའི་དུས་སུ་བྱིན་ལེན་བྱས་པ་ཞེས་བྱའོ། །དེ་ནས་སླར་ཁྱེར་བ་གང་ཞེ་ན། དགེ་
D7a.013.0247b03.01སློང་གང་དེར་ཟོས་ནས་ཀྱང་ཟས་ཁྱེར་ཞིང་འགྲོ་བ་སྟེ། དེ་ཡང་བཅོམ་ལྡན་འདས་ཀྱིས་ཡངས་པའི་གྲོང་ཁྱེར་དེ་ཉིད་ན་གནང་བ་ནི་དེ་ལྟ་བུའི་ལོ་ཉེས་ཤིང་དཀོན་པ་རྙེད་དཀའ་བར་གྱུར་པའི་ཚེ་ན་ནི་དགེ་སློང་གིས་སླར་ཁྱེར་ལ་ལྷག་མར་མ་བྱས་ཀྱང་ཟོ་ཞིག་ཅེས་གསུངས་པ་དེ་ནི་སླར་ཁྱེར་བ་
D7a.013.0247b04.01ཞེས་བྱའོ། །ནགས་ཀྱི་ཚིག་གུ་ཅན་གང་ཞེ་ན། ནགས་ཀྱི་ཚིག་གུ་ཅན་ཞེས་བྱ་བ་ནི་སྟ་རྒ་དང་། ཨོ་རུ་མ་ན་དང་། བྷ་ཏམ་ལ་སོགས་པ་གང་གཞན་ཡང་ནགས་ཀྱི་ཚིག་གུ་ཅན་གྱི་བཟའ་ཤིང་གི་འབྲས་བུ་རྣམས་ཏེ་དེ་དག་ཀྱང་བཅོམ་ལྡན་འདས་ཀྱིས་ཡངས་པའི་གྲོང་ཁྱེར་ན་
D7a.013.0247b05.01གནང་བར་གསུངས་ཏེ། དེ་འདྲ་བའི་ལོ་ཉེས་པའི་དཀོན་པ་རྙེད་དཀའ་བའི་ཚེ་ན་དགེ་སློང་གིས་ཆོག་པར་བྱས་ཀྱང་ནགས་ཀྱི་ཚིག་གུ་དེ་ལྷག་མར་མ་བྱས་པར་ཡང་ཟོ་ཞིག་ཅེས་གསུངས་པ་ནི་ནགས་ཀྱི་ཚིག་གུ་ཅན་ཞེས་བྱའོ། །རྫིང་བུ་གང་ཞེ་ན། ཚེ་དང་ལྡན་པ་ཤཱ་རིའི་བུ་མཁྲིས་
D7a.013.0247b06.01པ་དམར་པོའི་ནད་ཀྱིས་གཟིར་བ་ལ་སྨན་པས་པད་མོའི་རྩ་བའི་བཟའ་བའི་ཕྱིར་རུང་བར་ཐབས་བསྟན་ནས། དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་པད་མོ་ཅན་གྱི་རྫིང་བུ་ནས་པད་མོའི་རྩ་བ་བླངས་ནས་ཚེ་དང་ལྡན་པ་ཤཱ་རིའི་བུ་ལ་བྱིན་པ་དང་། དེས་ཀྱང་ཅུང་ཟད་ཅིག་ཟོས་ནས་ཕལ་
D7a.013.0247b07.01