完整藏文原文 · 德格版页 当前仅加载第 13 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་སྣམ་ཕྱི་སའི་སྒོ་ན་འཆག་ཅིང་གཏམ་ཟེར་ཞིང་འདུག་ནས། དགེ་སློང་དག་ལ་གནོད་པར་བྱེད་དེ། ཚེ་དང་ལྡན་པ་དག་སྐད་ཅིག་སྡོད་ཅིག །ངེད་ཅག་རྒན་རིམས་སུ་
D7a.013.0125b01.01བྱའོ་ཞེས་སྨྲས་ནས་དེ་དག་གིས་དེའི་ཉེ་འཁོར་དུ་སྟོན་ཅིང་ཁ་ཏོན་ཡང་བྱེད། བཙོ་བླག་གི་ལས་ཀྱང་བྱེད་ནས། དགེ་སློང་དག་སྣམ་ཕྱི་སར་འདོང་དུ་ཡང་ངོ་ཚ་ནས་བཤང་གཅི་ལ་སོགས་པ་ཡང་བག་ཡངས་སུ་བྱར་མེད། ཇི་ལྟར་འོངས་པ་བཞིན་ནང་དུ་འཇུག་ཏུ་ཡང་མེད་པར་དེ་དག་གིས་
D7a.013.0125b02.01བགགས་པ་དང་། དེ་དག་ཐམས་ཅད་ནད་དུ་གྱུར་ཏེ་དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་གིས་སྣམ་ཕྱི་སར་སོང་ནས་གཏམ་ཟེར་ཞིང་མ་འདུག་ཤིག །དེའི་ཉེན་ཀོར་དུ་སྟོན་
D7a.013.0125b03.01པར་ཡང་མ་བྱེད་ཅིག །ཀློག་པར་ཡང་མ་བྱེད་ཅིག །ཁ་ཏོན་ཡང་མ་བྱེད་ཅིག །བཙོ་བླག་གི་ཡས་ཀྱང་མ་བྱེད་ཅིག །དགེ་སློང་དག་གིས་སྣམ་ཕྱིས་ན་གཏམ་ཟེར་ཞིང་འདུག་གམ། རིམ་བཞིན་དུ་བྱེད་དམ། དེའི་ཉེན་ཀོར་དུ་སྟོན་ཏམ། ཁ་ཏོན་བྱེད་དམ། ཀློག་གམ། བཙོ་བླག་
D7a.013.0125b04.01གི་ལས་བྱེད་ན་འདས་པ་དང་བཅས་པར་འགྱུར་རོ། །དགེ་སློང་དག་བཀྲུས་ན་འཁྲུ་ཞིང་འདུག་པ་མ་ཟིན་པར་དྲུག་སྡེ་དག་གིས་ངེད་རྒན་ནོ་ཞེས་ཟེར་ནས་བསླང་ངོ་། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་
D7a.013.0125b05.01སློང་དག་གིས་བཀྲུ་སར་དགེ་སློང་བཀྲུ་བ་མ་ཟིན་པ་མ་བསླང་ཤིག །བསླང་ན་འདས་པ་དང་བཅས་པར་འགྱུར་རོ། །དགེ་སློང་དག་གཅི་སར་སོང་བ་དང་། ཕྱིས་དྲུག་སྡེ་དག་དེར་འོངས་ཏེ། ངེད་ཅག་རྒན་གྱིས་ཇི་ལྟར་རྒན་རིམས་སུ་འཇུག་གོ་ཞེས་སྨྲས་པ་དང་། དེ་དག་འཕྱ་བར་གྱུར་
D7a.013.0125b06.01ཏོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྒན་རིམས་སུ་གཅི་སར་མ་འཇུག་པར་ཇི་ལྟར་འོངས་པའི་རིམ་བཞིན་དུ་ཞུགས་ཤིག །དགེ་སློང་དག་གིས་ཇི་ལྟར་རྒན་རིམས་བཞིན་དུ་འཇུག་
D7a.013.0125b07.01