完整藏文原文 · 德格版页 当前仅加载第 13 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡིན་ནམ། ཅི་ཚེ་དང་ལྡན་པ་གཟུ་བོའི་དངོས་པོ་ཡོད་དམ་སྙམ་དུ་སེམས་པའོ། །ཨུ་པཱ་ལི་དེ་ལ་འདུལ་བ་འཛིན་པའི་གཟུ་བོས་ཀྱང་གནས་བཅུར་བསམ་པ་ཤིན་ཏུ་བསམས། དཔྱད་པ་ཤིན་ཏུ་དཔྱད། བརྟག་པ་ཤིན་ཏུ་བརྟགས་ལ་རྩོད་པ་གཟུང་
D7a.013.0046a01.01བར་བྱའོ། །བཅུ་གང་ཞེ་ན། ཅི་བདག་རྩོད་པ་དེ་ཐོག་མ་བྱུང་བ་ལ་མཁས་སམ། ཅི་བདག་རྩོད་པ་དེ་ཐོག་མ་བྱུང་བའི་ནང་དུ་མ་གཏོགས་སམ། ཅི་བདག་ལ་གཟུ་བོའི་དངོས་པོ་ཡོད་དམ། རྒོལ་བ་དང་ལན་གློན་པའི་དགེ་སློང་དེ་དག་བདག་གིས་ཚིག་ཉན་ཏམ།
D7a.013.0046a02.01བདག་གིས་རྒོལ་བ་དང་། ལན་གློན་པའི་དགེ་སློང་དེ་དག་ལ་ཆོས་བཞིན་བསྒོ་བར་ནུས་སམ། བདག་གིས་རྒོལ་བ་དང་ལན་གློན་པའི་དགེ་སློང་དེ་དག་གིས་ལྟུང་བ་རྣམ་པར་སྦྱོང་ནུས་སམ། བདག་གིས་རྒོལ་བ་དང་། ལན་གློན་པའི་དགེ་སློང་དེ་དག་ལ་ནན་ཏུར་བྱ་
D7a.013.0046a03.01ནུས་སམ། བདག་གིས་རྩོད་པ་འདི་ཆོས་བཞིན་འདུལ་བ་བཞིན་སྟོན་པས་བསྟན་པ་བཞིན་ཉེ་བར་ཞི་བར་བྱ་ནུས་སམ། བདག་གིས་རྒོལ་བ་དང་། ལན་གློན་པའི་དགེ་སློང་དེ་དག་མི་དགེ་བའི་གནས་ནས་བསླང་སྟེ། དགེ་བའི་གནས་སུ་རབ་ཏུ་གཞོག་ནུས་སམ།
D7a.013.0046a04.01བདག་གིས་རྩོད་པ་འདི་ཅི་ནས་ཕྱིན་ཆད་མི་འབྱུང་བར་འགྱུར་བ་དེ་ལྟ་བུར་ཉེ་བར་ཞི་བར་བྱེད་ནུས་སམ་སྙམ་དུ་བསམས་པའོ། །དེ་ལ་ཨུ་པཱ་ལི་གཟུ་བོ་འདུལ་བ་འཛིན་པས་རྩོད་པ་གཟུང་བར་འདོད་ན་གནས་བཅུར་བསམ་པ་ཤིན་ཏུ་བསམས། དཔྱད་པ་ཤིན་ཏུ་དཔྱད། བརྟག་
D7a.013.0046a05.01པ་ཤིན་ཏུ་བརྟགས་ལ་རྩོད་པ་ཞི་བར་བྱའོ། །བཅུ་གང་ཞེ་ན། བདག་གིས་འདིར་འཆད་པའི་གསུང་སྐད་དུ་སྨྲས་པ་དེ་ཟིན་པའི་མདོ་སྡེ་འཛིན་པ་འདུལ་བ་འཛིན་པ། མ་ལྟ་བུ་འཛིན་པའི་དགེ་སློང་དགེ་འདུན་གྱི་ནང་ན་ཡོད་པར་འགྱུར་རམ། དགེ་འདུན་འདི་དག་གི་ནང་ན་དགེ་
D7a.013.0046a06.01སློང་རྩོད་པ་འདི་ཇི་ལྟར་ཆོས་དང་། ཇི་ལྟར་འདུལ་བ་དང་། ཇི་ལྟར་སྟོན་པས་བསྟན་པ་དེ་ལྟར་ཞི་བར་བྱེད་པ་བདག་གི་ཟླ་ཡོད་དམ། དགེ་འདུན་འདི་དག་གི་ནང་ན་དགེ་སློང་རྩོད་པ་འདི་ཕྱི་ཕྱིར་རྣམ་པར་མི་འཕེལ་བར་འགྱུར་བ་བདག་གི་ཟླ་ཡོད་དམ། དགེ་འདུན་འདི་དག་
D7a.013.0046a07.01