完整藏文原文 · 德格版页 当前仅加载第 13 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། དེ་ཤིན་ཏུ་ངོ་ཚ་ནས་བཅོམ་ལྡན་འདས་ཀྱིས་བཀའ་སྩལ་པ། གཅེར་བུར་མ་དབྱུང་བར་བ་སོའམ་གོས་ཀྱི་གདང་ལ་ལྷུང་བཟེད་དམ་ཆོས་གོས་ཀྱི་སྣོད་ཞོག་ལ་འདི་ཕོབ་ཤིག་ཅེས་སྨྲོས་ལ། དེ་ནི་མཆན་ཁུང་དང་མཆན་ལ་རྟོགས་ཏེ་དེ་སྟེ་ཡོད་ན་བསྙེན་པར་རྫོགས་
D7a.013.0147b01.01པར་བྱའོ། །དེ་སྟེ་མེད་ན་བསྙེན་པར་རྫོགས་པར་མི་བྱའོ། །ཡང་ཞུས་པ། བཙུན་པ་དགེ་སློང་རྣམས་ཀྱིས་དགེ་སློང་ལ་དགེ་སློང་མའི་ལས་ཀྱིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། ཨུ་པཱ་ལི་
D7a.013.0147b02.01བསྙེན་པར་རྫོགས་པ་ཞེས་ནི་བྱ་སྟེ་བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པར་འགྱུར་རོ། །བཙུན་པ་དགེ་སློང་མ་ལ་དགེ་སློང་དང་། དགེ་སློང་མ་རྣམས་ཀྱིས་དགེ་སློང་གི་ལས་ཀྱིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ་
D7a.013.0147b03.01བསྙེན་པར་མ་རྫོགས་པ་ཞེས་བགྱི། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། དགེ་འདུན་གཉི་ག་ཡང་འདས་པ་དང་བཅས་པར་འགྱུར་རོ། །རྐྱང་པའི་སྒོ་དང་པོའི་མདོའི་ཚིགས་སུ་བཅད་པ་ཐོག་མའོ།། །།མདོར་ན། གསིང་མ་གྲོང་དང་བསྡུས་པ་དང་། །སེམས་
D7a.013.0147b04.01བསྐྱེད་པས་ནི་གསོ་སྦྱིན་དང་། །གསད་པ་གསུམ་ཡང་དེ་བཞིན་ཏེ། །རྣམ་འབྱེད་དགེ་འདུན་ལྷག་མའོ། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་ཅིག་འགྲོན་པ་མང་པོ་
D7a.013.0147b05.01དང་ལྷན་ཅིག་ལྗོངས་སྤྱོད་དུ་དོང་བ་དང་། དེ་དག་དེའི་ཚེ་གསོ་སྦྱིན་ལ་བབ་ནས་དེ་དག་གིས་ས་གསིང་མའི་ཕྱོགས་ཤིག་མཐོང་ནས་དེ་དག་གིས་སྨྲས་པ། ཚེ་དང་ལྡན་པ་དག་ཚུར་ཤེག །ས་གསིང་མའི་ཕྱོགས་ཕ་བི་ལ་གསོ་སྦྱིན་བྱའོ་ཞེས་དེར་དེ་དག་གསོ་སྦྱིན་བྱེད་པ་
D7a.013.0147b06.01ལ་ཞུགས་པ་དང་། འགྲོན་པ་མང་པོ་དག་འདས་ནས་དེ་དག་ཀྱང་ཕྱི་བཞིན་འདོང་བ་ལས་བར་དུ་རྐུན་པོས་བཅོམ་སྟེ་གཙུག་ལག་ཁང་དུ་ཕྱིན་པ་དང་། དགེ་སློང་རྣམས་ཀྱིས་མཐོང་སྟེ་བདེ་བར་འོངས་སམ། ཚེ་དང་ལྡན་པ་དག་བདེ་བར་འོངས་སམ། ཅི་བདེ་བར་སྤྱད་དམ་
D7a.013.0147b07.01