完整藏文原文 · 德格版页 当前仅加载第 13 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
དག་དོང་བའི་འོག་ཏུ་{རི་དགས་,རི་དྭགས་}དེ་ཡང་དུས་ལས་འདས་ནས་དགེ་སློང་དེ་དག་གིས་ཇི་ལྟར་བྱ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རྔོན་པ་དེ་དག་ལ་སླར་བྱིན་ཅིག །དགེ་སློང་གིས་རྔོན་པ་ལ་གནོད་པར་བྱ་བའི་ཕྱིར་ཀོག་ཚེ་བཅད་ན་ཉེས་པ་སྦོམ་པོར་འགྱུར་རོ། །
D7a.013.0005b01.01སྙིང་རྗེ་བས་བཅད་ན་ཉེས་བྱས་སུ་འགྱུར་རོ། །དེ་བཞིན་དུ་བྱའི་རྙི་ཡང་གནོད་པར་བྱ་བའི་ཕྱིར་བཅད་ན་ཉེས་པ་སྦོམ་པོར་འགྱུར་རོ། །སྙིང་རྗེ་བར་བསམས་ཏེ་བཅད་ན་ཉེས་བྱས་སུ་འགྱུར་རོ། །དགེ་སློང་གིས་བྱ་རྒྱ་གནོད་པར་བྱ་བའི་ཕྱིར་བཅད་ན་ཉེས་པ་སྦོམ་པོར་འགྱུར་རོ། །
D7a.013.0005b02.01སྙིང་རྗེ་བར་བསམས་ཏེ་བཅད་ན་ཉེས་བྱས་སུ་འགྱུར་རོ། །བྱ་ཚང་ཡང་དེ་བཞིན་ནོ། །མདོར་ན། གོས་འཚོང་བ་དང་ཚོང་འདུས་པ། །བཅའ་བ་གྲུ་གསུམ་ཐུག་པ་དང་། །ཟོང་དང་དངོས་པོ་ཆོས་གོས་སོ། །དགེ་སློང་ཞིག་གིས་གོས་འཚོང་བ་ར་རོ་བ་ཞིག་གིས་རས་ཞིག་
D7a.013.0005b03.01བླངས་ནས་ཁྱེར་ཏེ་སོང་བ་དང་། གོས་འཚོང་བས་མཐོང་ནས་དེས་དེ་ལ་རས་མ་རྐུ་ཞེས་སྨྲས་པ་དང་། བསྟན་ནས་ཁྱེར་ཏེ་འོང་ངོ་ཞེས་སྨྲས་སོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་ནི་མེད་དེ་ཉེས་པ་སྦོམ་པོར་
D7a.013.0005b04.01འགྱུར་རོ། །དགེ་སློང་ཞིག་གིས་ཚོང་འདུས་པ་ལ་སྐྱིན་པོར་མང་ཞིག་བླངས་པ་དང་། དེས་སྐྱིན་པ་བདས་ན་དེས་འདི་སྙམ་དུ་འདི་ལ་མི་སྦྱིན་ནོ་སྙམ་བསམས་པ་དང་། དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་པ་
D7a.013.0005b05.01སྦོམ་པོར་འགྱུར་རོ། །དགེ་སློང་ཞིག་ན་བ་དང་དེ་ཁུར་བ་གྲུ་གསུམ་དང་། ཐུག་པ་ལ་དད་ནས་དེས་འདི་སྙམ་དུ་ཁུར་བ་གྲུ་གསུམ་དང་། ཐུག་པ་བྱས་ཏེ་དགེ་འདུན་ལའང་གསོལ། བདག་ཀྱང་བཟའོ་སྙམ་སྟེ། དེས་ནད་གཡོག་རྣམས་ལ་དགེ་འདུན་ལའང་གསོལ།
D7a.013.0005b06.01ཁོ་བོ་ཡང་བཟས་ཁུར་བ་གྲུ་གསུམ་དང་། ཐུག་པ་ཡང་སྦྱོར་ཅིག་ཅེས་སྨྲས་ནས། དེས་དེ་ལ་རིན་བྱིན་པ་དང་དེ་དག་གིས་འདི་སྙམ་དུ་བདག་ཅག་ལ་ཁུར་བ་གྲུ་གསུམ་དང་། ཐུག་པ་ཅི་དགོས་ཀྱིས་འདི་གཅིག་པུ་ལ་ཁུར་བ་གྲུ་གསུམ་དང་། ཐུག་པ་བྱིན་ལ་རིན་དེ་བགོའོ་སྙམ་
D7a.013.0005b07.01