完整藏文原文 · 德格版页 当前仅加载第 13 函德格 170a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། དེས་བསམས་པ། འདིས་བདག་སྐྱེངས་པར་བྱས་ཀྱིས་ཅི་ནས་ཀྱང་འཇིག་རྟེན་འདི་ནས་ཕ་རོལ་གཉི་གར་ཕན་པར་མི་འགྱུར་བ་དེ་ལྟར་སྦྱིན་པའི་ཡོན་ཏན་བརྗོད་དོ་སྙམ་དུ་བསམས་པ་དང་མེ་སྐྱེས་ཀྱིས་དེ་སྐྱེངས་པར་ཤེས་ནས་སྦྱིན་པའི་ཡོན་ཏན་བརྗོད་པའི་
D7a.013.0170a01.01ཚེ་དེའི་མདུན་དུ་མ་འདུག་གོ། །དེས་ཟན་ཟོས་ནས་སྦྱིན་པའི་ཡོན་ཏན་བཀླགས་པ། སྦྱིན་བདག་གིས་ནི་སྦྱིན་པའི་དུས། །དགེ་སྦྱོང་གཞན་ནི་ཟ་བའི་དུས། །ལྷག་མ་གཞན་ལ་འོང་བའི་དུས། །བསོད་ནམས་མི་དགེ་ཡོད་མ་ཡིན། །སྒོ་བ་ཞིག་འདུག་པ་དེས་སྦྱིན་པའི་ཡོན་ཏན་
D7a.013.0170a02.01བརྗོད་པ་ལ་ཉན་ཉན་ཏེ་ཐོས་ནས་ཁྲོས་པ་འདི་འདྲ་བའི་སྡིག་ཅན་ཟས་ཟོས་ལ་བསྲུང་ཡང་མི་ནུས་ཏེ། འདི་འདྲ་བའི་སྦྱིན་པའི་ཡོན་ཏན་ལྟ་ག་ལ་སྲིད་ཀྱིས་བུ་ཟན་མོའི་བུ་འདི་ལ་ཀྱལ་ཀ་ཞིག་བྱའོ་སྙམ་ནས་དེས་འབྲས་ཁུ་བུམ་པ་གང་སྒོ་དྲུང་དུ་ཕོའོ། །སྒོ་གཏན་གྱི་གདང་ཕྱེད་ཙམ་དྲངས་
D7a.013.0170a03.01ཏེ་བཞག་པ་དང་གཅེར་བུ་པ་དེ་ཕྱིར་བྱུང་བ་དང་འབྲས་ཁུ་ལས་གྲེད་དེ་ཀླད་པ་སྒོ་གཏན་ལ་ཕོག་ནས་ཁྲག་བྱུང་ངོ་། །དེ་ནས་སྒོ་བ་དེས་མཐོང་སྟེ། ཚིགས་སུ་བཅད་དེ་སྨྲས་པ། སྒོ་གཏན་ཕྱུང་བའི་དུས་ལ་བབ། །འབྲས་ཁུ་ཕོ་བའི་དུས་བབ་པས། །མགོ་བོ་སྣད་པའི་དུས་ཡིན་གྱིས། །
D7a.013.0170a04.01དགེ་དང་མི་དགེའི་དུས་མེད་དོ། །དེ་ཀླད་པ་ལ་ཁྲག་ཟག་བཞིན་དུ་ཁྱིམ་བདག་དཔལ་སྦེད་གང་ན་བ་དེར་སོང་སྟེ་དྲུང་དུ་ཕྱིན་པ་དང་། དཔལ་སྦེད་ཀྱིས་མཐོང་ནས་བཙུན་པ་གང་པོ་ཅི་ཉེས་ཞེས་དྲིས་པ་དང་། དེས་སྨྲས་པ། མེ་སྐྱེས་ཀྱིས་འདི་འདྲ་བར་གནོད་པ་བྱས་སོ། །
D7a.013.0170a05.01དཔལ་སྦེད་ཀྱིས་སྨྲས་པ་དང་། ཁྱོད་ནི་གསོན་པོར་ཐར་གྱིས་སྡོད་ཅིག་དང་། ཅི་ནས་འདི་ལྟར་དགེ་སྦྱོང་གཽ་ཏ་མ་ཉན་ཐོས་ཀྱི་དགེ་འདུན་དང་བཅས་པར་ཁོ་བོའི་ཁྱིམ་ནས་གསོན་བཞིན་དུ་ཕྱིར་མི་འབྱུང་བར་བྱས་མི་དགར་མ་བྱེད་ཅིག །དཔལ་སྦེད་ཀྱིས་བསམས་པ། འདིའི་དགྲ་
D7a.013.0170a06.01ལ་ལན་གླན་གྱིས་སྤྱན་འདྲེན་དུ་འགྲོའོ། །དེ་སྟེ་དགེ་སྦྱོང་གཽ་ཏ་མ་དེ་ཐམས་ཅད་མཁྱེན་པ་ཡིན་ན་ནི་མགྲོན་དུ་བོས་ཀྱང་ཁས་ལེན་དུ་མི་བཏུབ་བོ། །དེ་སྟེ་ཐམས་ཅད་མཁྱེན་པ་མ་ཡིན་ན་ནི་ཁས་ལེན་ཏོ་སྙམ་དུ་བསམས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་
D7a.013.0170a07.01